1 Ai: thao mae Adam: wa yao" yham sang myhi" we' gaung sho: zam" khug mung: Eva, wa gaung: la: mung: Ka:in: re khau yang: AsAng byu re ngo qo" va" ga: mho: ra".2 Yao: nhaung: Abela, re dam: khau va". Abela, wa yao zam: yaug ngaid: ra". Ka:in: wa yothaung: mau" zaui: zo: yaug ngaid:3 ra". – Ayo, akhin: joe" lo lao" Ka:in: wa AsAng re ngaui" byid: nae" tau: qhovo: shi:4 jham re ci: lo: ra". – Abela, re: yao" yao zhain mae" au: khaui: qhid' daqhae: we' yao xau kug' jham re ci: lo" ra". AsAng wa Abela, we' yao" xeim: re yhin" yu: ra". –5 Ka:in: we' yao" ngaui" xeim: re AsAng mayhin" yu ngaid: ra". Ai: mathao mae Ka:in: wa myo, nho qeim sho' nhag' yo"6 ra". – AsAng wa Ka:in: re nao pe" mung: nhag' yo" na: ra" i"? pe" mung: myo, nho7 qeim: i"? – Nao gai: ru kaid' ngaid: re nga: lho" zai ngaid: ra". Magai: ru kaid' re kam" wa qobo wa kham: dung: nhae mae ab' jo; ra". Ai wa nao o: khyo: cao" mung: yao: re nao qo" ug nae" mangaid: ga: Ka:in: re8 mho: ra".– Ka:in: wa yao: nhaung: Abela, re yothaung: khyo ye: lang: ga: lhaung mung: yothaung: joe" lao" yao: nhaung: re gye tug' she mung: se' pye' ra".9 AsAng wa ni" nhaung: Abela, khai: mae na: i"? ga: Ka:in: re myid' au: ngo maba , ngo wa nga" nhaung: re zaung" yaug ngaid:10 ra" i"? ga: tau" ra". – Ailao" AsAng wa nao pe" kaid' va" i"? ni" nhaung" sa: thoe wa myid khug mae" Ngo re zag: yao: na va"11 ra". – Airu: mung: ni" lo, mae" ni" nhaung" sa: re khae: yu nae" nhaid' ho" khae: to" ra" myid gaung: nhang: kheim: nao phau: nae"12 ngaid: ra". – Ai: mathao mae myid gaung mae nao lo, le, zaui: zo" ra" au: qo" ang: ra" nho" ana" mae" thao phyao: maqo" yu lo: nae" ru we' phao: lae" qin" ra" yaug khyi" khao: ngo" mae na: lae" yeim" qin" yaug boe" nae" ga: mho: ra".13 Ka:in: re: nga" qobo wa maqo" khyaid'14 pye' sho' qi" ra" i"? – Ana" ba ngo re myid gye, mae" nao khe' thug' ke' va". Ni" myo, khung: re re: mamyao lo: zai ngaid: ra". Myid gye, mae" phao: lae" qin" ra" yaug khyi" khao: khyi" ngo" khyo lae" lhang: qin" ra" yaug boe" naeva" myao: , airu: mung: ngo re the' myao: ra" mo, ngo re se' genaeva" myao: ga: AsAng re mho: ra". –15 AsAng wa Ka:in: re se' ra" yaug khag' ngaid qere: qobo dae nhaid' bun phau: genae" ga: yao: re ta" mung: Ka:in: re the' myao mo, khag' re: yao: re mase' geshao: ga: yao" tau: soxam: te' byid' ke' ra".16 Ailao" Ka:in: wa AsAng qhid' kheim: mae" thug' lo" mung: Edin: ba thug' shaid' Noda, mang: mae yena: ra".17 Ka:in: yao" yham sang myhi" we' zam" mung: myhi" zang wa gaung la: yang: Enug' re khau: ra". Vogaung: re: yao: de: mung: ai: vogaung" mang re yao: zo" mang khyo" Enug' vogaung: ga: mhang"18 ra". – Ana" Enug' wa Irad' re khau: ra". Irad' wa Mahuyala, re khau: ra". Mahuy- ala, wa Mathushala' re khau myhung: ra". Mathushala' wa Lamed' re khau: ke'19 ra". – Lamed' wa yham sang myhi" shid' yaug qo" ra". Dayaug wa Ada: dayaug wa20 Zila' ngaid ko" ra:". – Ada: wa Yabala' re khau: ra". Ai: yaug wa pin: cug' zaung mae na mung: gug' nyhug' myhung zo: yaug ngaid: ra". Yao: wa gug' nyhug' myhung21 mo; yao: pho" ngaid: ra". – Yao: nhaung" mang wa Yabala' ga: ru ngaid: ra". Ai: yaug wa tang: we' khulhao: ba: she ba: maid22 mo; alhab' yao: pho" boe" lo" ra". – Zila' yaug wa Thubala' Ka:in: re khau: ra". Ai: yaug wa gyid: we' jo, to' be, mo; yao: pho" boe" ra". Thubala' Ka:in" yao: nhae: mo"23 wa Nama: ngaid: ra".– Ana" Lamed' wa yao" yham sang myhi" tao Ada: we' Zila' nga" dao: thoe tae" gyo: ge, Lamed' yham sang myhi" tao we" nga" dao: re xam" to: ge, ngo re nhag' lam: no nhao: ra" byu ngo re pyam" yhin" ra" zolau: dayaug re ngo se'24 va". – Ka:in: wa nhaid' bun naung myid qo" ngaid: re Lamed' wa nhaid' xe: nhaid' bun qo" nae" ga: yao" yham sang myhi" tao re mho: ra".25 Ana" Adam: wa yao" yham sang myhi" we' zam" mung: Eva, zoshao dayaug dam: khau mung: Shed' ga: mhang" ra". Khoru: ga" re Ka:in: se' pye' ra" Abela, gaung tha" byumyu" nyaug danyaug re Mo"so ngo re26 to: byid: va" ga: mho: ra". – Shed' re: yaug gai zo: dayaug dam: qo" mung: yao" mang re Enug' ga: mhang" ra". Ai: ta mae" AsAng mang khyao: re ngha yang: ba: lam khug: lo ko" ra".