1 Lhao maui wa AsAng Mo"so phain" myhung: to" ra" myid gye, gug' nyhug' alhab' mae juyi je: bo: mung: myiqe: re khyae khug mae jo; ra" shi: gae mae" ashi: re magai: zo: genae" ga: Mo"so gaigai: yao:2 mho: to" i"? ga: myid' ra". – Myiqe: re: ce: khyae mae yaug: ra" sag' gae jham: ashi:3 re ngotao zo: nae" akhang" qo" – khyae gaung: mae yaug: jo; ra" agae mae" ashi: re kam" wa naotao magai: zo:, mathe' tin: lo: na ge,, airu: mangaid: lao" shid genae" ga: Mo"so mho: to" ra" ga: lhao maui re ta" ra".4 Lhao maui wa naotao gai gai: yao: shid5 zai mangaid: . – Khoru: ein: re ai: ashi: re zo" ra" ba mae" naotao myo, myao no: gyo" li" mung: gai: ru magai: ru re ba mung: Mo"so re" ru: boe" genae" ru re Mo"so ba:6 ra" ga: myiqe: re ta" ra". – Ai: shi: gae zo: nae" gai: ru we' yaung" lho" ru juyi laba lajhao laung" lo nhao nae" tau: nhag' dag pho" ra" shi: gae ngaid: ru re myiqe: the' myao lao" phyo' yu yang: zo" ra". Yao" yham sang pho" re re: byid: mung: jhain:7 yang: zho" ra". Yao: re: yu zo" ra". – Yao: shid' tao wa myo, bung" li" mung: yao: tao: gaung mae mai bau: mave; ru re the' myao yang: pho' ham" fo' re khyab' jao mung:8 mai: shae" kaid' ve, ko" ra". – Myi" thao ba vao: cae" lo" ayo, mae AsAng Mo"so li" su" qin" thoe re the' gyo: ko" mung: . Adam: we' yao: shid' tao wa AsAng Mo"so: myo, qao: tae mae" loe, shao: ga: ai: khyae khug thao" paung" mae vho' gug' na ko" ra" .9 Ai: au: AsAng Mo"so wa Adam: re nao10 khai: mae na: i"? ga: yao: ke' ra". – Ailao" yao: tau" ru wa khyae khug mae ni" thoe re the' gyo: mung: ngo gaung lam: shopyaid' ngaid: ru re ba mung: goe; vho' na: wo"11 ga: ta" ra". – Ailao" AsAng Mo"so wa nao gaung lam: shopyaid' ngaid: ru re khoyaug: yang nao re ta" kyo: ko" i"? Magai: zo: ein: Ngo khang" to" ra" sag' gae mae" ashi: re phyo' zo: va" mangaid: i"? ga: myid' ra". –12 Airu: mung: Adam: wa ngo we' daga" zam" na nae" tau: Nao ngo re qhaug' byid' ra" myiqe: wa ai: shi: gae mae" ashi: re phyo' byid: yang: ngo zo" pye' va" ga: tau" ra". –13 Ailao" AsAng Mo"so wa myiqe: re nao khoru: kaid' va" i"? ga: myid' au: re- myiqe: wa lhao maui wa ngo re mha: mung: ngo14 zo: va" ga: tau" ra". – Airu: mung: AsAng Mo"so: wa lhao maui re khai: yu yang: nao ceru" mau" kaid' ra" mathao byid khyid de; gug' nyhug' , zoqhid alhab' tho' mae nhang: kheim: phau: va". Nao wa vae: dug' yang yoe: mung: dapyaid dato myid zhai:15 phaui: za: zo: ca" nae" lhe". – Nao we' myiqe: re re: , ni" amyu" aboe: jham re re: , gye boe" nhao nae". Yao: wa ni" au: lam: be; khyoe' li" nae". Nao re: yao" khunhag' thaung: thao mae thoe: nae" ga: mho: ke'16 ra". – Myiqe: re re: , ni" qug: khai: we' su no no: ru re myo: laug nhao nae". Zokhau no no yang: zo: dau khau nae". Ni" yham sang pho" o ngaui: khyo: cao" byid: mung: yao: wa nao re ug: ru re khae: yu ca" nae"17 ga: mho: ra". – Adam: re re: , ni" yham sang myhi" dao: nao tae" gyo: mung: Ngo magai: zo: ein: ta" to" ra" shi: gae mae" nao zo" ra" mathao mae myid gaung wa nhang: kheim: zao" ava". Nao daui: na: ra" dalo: gyo: mae qug: khai: myaung: dug: we' myid gaung mae" zo: ca" li" nae" ga: mho: ra".18 Zau: jham mhin: zo: laung la jham re re: , ni" tau: yaug nhao nae". Myid mae yaug: ra" ao: pho' jham re nao zo: nae". –19 Nao wa myid zhai: khyi" mae" thug' li" ru ngaid mung: myid zhai: khug khyo vao lo" nae" ayo, akhin: joe" sho' ni" nga: lao: mae" bau kyoe: thug' yang: za: zo: pho: qhug' zo: nae". Khoru: ein: re nao myid zhai: khyi" ngaid mung: myid zhai: khyi" dam: boe"20 ca" nae" ga: mho: ra". – Ailao" Adam: wa yao" yham sang myhi" re Eva, ga: mang re mhang" byid' ra". Khoru: ga" re , yao: wa daui mae" daui: yao: myhi" ngaid: ra". –21 AsAng Mo"so wa Adam: we' yao" yham sang myhi" tau: shoqid mai bau: khyab'22 mung: yao: tao re vhe' ra". – AsAng Mo"so wa byu wa gai magai: ru ba: kho' khaui" ra" akhyo mae ngonhaung" mae" dayaug yaug re" ru: boe" ava". Ana" yao: wa apyaid ato daui: na nae" tau: yao: yheim" ye: mung: kao so' daui: shi: gae mae" shi: phyo' zo:23 magai lo: ngaid: ra". – Ana" ai: xaosu byu wa yao: thug' li" ra" myid gaung mae zaui: zo: mung ve, veshao: ga: AsAng Mo"so wa Edin: khyae mae" nhao: thug' ke' ava".24 Ai re" ru: byu re nhao: thug' ke' mung: kao so' shi: gae lhaug' zaung" nae" tau: Kherubim: jham re lhe' myi: shae we' Edin: ba thug' shaid' mae nha: to" ra".