1 Nga" myhi" nug' shaug' ra" zo: , nga" maung agyang" ru: nao ngaid: ra" mhao" Ai ru: ngaid: re ngo nao re taung gaung tau the' myao yang: bobaug baug; re khag' re: ngo re majung" geshao: .2 Ngo nga" myhi" yham khyo nao re jhui" vhao" mung: asang nao yao: ngo re mho" shid' yu: li" nae" Ngo wa mocid' phaung: to" sabyi' qang: we' nga" khaung: pab' qang:3 nao re jhaug' nae". – AsAng: lo,vai: lo, nga" au: khau" to: mung: yao" lo,yo lo,ngo re po:4 to: shao: . – Yerusalem: myiqe: zo: qe we" ngo jhid' ra" zomyi: zo: yao: za: yao: maso" li" li" wa danhug' ge, ein: seyo mae" cid yo: jham re myid: beim: zo" ngo naonhaung"5 re pin: to: co' ra". – Yao" jhid' de; asang: lo, re ngha yang: seyo mae" thug' lo: myi qe: wa khag' ngaid: . Ngo nao re ce: shi: cug gae agyid' mae nhug' va" Ai: tau ni" myhi" nao re khau mung: nao re khau: ke' yao:6 myhi" khau no no: ava". – Ngo re ni" nhag' lam: adao so:te' ru: ni" lo, pau" dao so:te' ru: te' to: la, . Pe" mung: ga" re jhid' khyang kao khyang wa shidno we' dakhyo: thin: ra" Myi: lao majho" lam" ru wa movo: mug: tho' je: qug' ra" Yao" nhaid' wa myi: qam:7 we' lhe' qam: ngaid: ra". – Qid gyai myo: sho' yang jhid' khyang myi: maqo" se'. Qidbug moe dang: lao" ai re maqo" lheim" ko" Byu wa yao" yham mae jo, mae" jo,, jhid' khyang kao taui: khyo mae byid' pye' nug qe re: , maphug' makhyaid' kaid' ru8 za: phau: zai ngaid: . – Ngonhaung" mae nhae: mo" angai dayaug na: . Yao: wa nug' khyid' mashao" shi: . Ai: nhae: mo" mho' ra" ba ngonhaung" yao" tau: khoru: ceim"9 kaid' nae" yha"?. – Yao: vokham" ngaid: re yao" adao ngaui gye byu gai" zhaug' ca" nae". Kham: ngaid: re ared sag' yang10 kyae" ca" nae". – Ngo wa vokham" ngaid: . Nga" qao bam wa gye byu gai" we' dau: ra". Ai: mathao yao" qhid' kheim: myo,11 nho nga: qo" va". – Sholomun: wa Bala- hamon mang: mae sabyi' khyae dakhyae qo" ra" Ai: khyae re khyae lhaug' mo,jhao" byid' to" ra" Ai: khyae mae" shi: the' zo: yang: yaug khao: ngo" ngaui dataung taung12 byid' ako". – Nga" sabyi' khyae kam" wa nga" qhid' kheim: mae ngaid: . Sholo- mun: we" nao ngaui dataung yu mung: nga" khyae lhaug' mo,shid' yo kye' yu13 geshao: . – Khyae mae na: ra" myiqe: we" zam" cao: qe ni" thoe tae" gyo" ako" Ngo14 re: the' gyo: shao: . – Ngo jhid' de; asang we" mye, mye, li" lo ri: . Lobain: yaug; ra" bam adao mae shocid we' mangaid: lao" xe' nau" ru: boe" na wa,wo".