1 Nga" nhae: mo" , nga" myhi" sag' we" nga" khyae khug ngo vao va". Nga" mura: we' nae pyo" ja: phyo' yu va". Nga" byo: yhid we' nug' ngo the' shaug' va". Byo: yhid we' shophai re: the' zo: va". Ba nam qe we" li" geri: . Jhid' de, cao: qe we" shaug' ge, gyi: sho' shaug' ge, .2 Ngo yab pyo" na qe re: nga" nhag' lam: gyang" na: . Ngo jhid' su wa nga" nhae: mo", nga" phaung" kyug' , ca" qo mabo: nga" myiqe: zo: ngo re phung" yu la, . Nga" au: mae nghin we' nga" xae wa myi" re gyo" ra" lao" khyam" yang jhug' ra" ga:3 kham: ko' na au" ta" na: ra". – Ngo bau: khyaid' va", pe" ein: ba: ve, lo: nae"?. Khyid re: cid' shao va", pe" ein: dam: zai" lhag'4 lo: nae"?. – Ngo jhid' ra" asang wa kham: zo: dung: khyo" yao" lo, jhoe" vhao" to" ru mung: nga" myid nhag' lam: wa yao"5 mathao ako" asho: boe" na yang: – Ngo jhid' yaug; tau: kham: re phung" nae" ngo to" lo". Nga" lo, mae" mura: xau , nga" lo, nyhug' mae" mura: xau gyang" kham: kyao" zang adao mae" gyo" yug; na:6 ra". – Ngo jhid' ra" asang: tau: phung" na: re ngo jhid' ra" asang lhang: su" thug' lo" va" Yao" dao: thoe beim: yang: nhag' gae gae: na: . Ngo cao" qho qe re: mathe' myao.7 Khai qe re: tau: thoe magyo: lo: . – Vo lhaug' mo,ngo re the' myao yang: ngo re be; nho: ke' ako" Vokham" zaung" mo, nga"8 myo, nghoe' lhaid' yu: pye' ko" ra". – Yeru- salem: myiqe: zo: qe we" ngo jhid' ra" asang re the' myao gelao" ngo nga" jhid' myid: mathao: yang no: na: akhyo yao: re zhao: kyo: gela, ein: ngo naonhaung" re9 pyang co' ra" lhe". – Myiqe: alhab' bam: tho' je: yaung" ra" bai: we" ngo ni" jhid' de; asang wa getau jhid' de; asang qe tho' pe" ru: je: i"?. Nao ngonhaung" re ceqhi" pyang: to: co' na ru ni" jhid' de,asang wa jhid' de,gai: ra" getau: asang qe tho' pe" ru:10 je: lho" jo; . – Ngo jhid' ra" asang wa phyu: ru , ne: ru shovo: ave, bo mung: byu datug11 mae lhugmaug khyi ru" ru ze: ra". – Yao" au: lam: wa hhang gyang" we' dau: ra" Yao" xae wa thau mung: kuno, mug' ru:12 no; yaung" ra". – Yao" myo,jid' wa nung: nug' yang cid' mung: yaung" dau za" qidzo: lao yae zaung: jo; phaung" kyug' we' dau:13 ra". – Yao" boqae wa nae pyo" ja: yaug; ra" bin: khyae we' ao: pho' yaug; thug' byid' ra" abu" we' dau: ra" Yao" nhaid' qid wa mura: gyang" yug; gyo" na: bae" laug; bu" we' dau: ra"14 Yao" lo,wa laug qhi jao: zho' to" lo, pin: we' dau: ra" Yao" gaung khyao wa laug ne: yang thab' shain" to" xao zaui aphyu15 we' dau: ra". – Yao" khyid hhang gyang" khyid zhaung: dao zhaung: to" laug phyu zang we' dau: ra" Yao" myo,nho nga: Leba- non bam we' ared gae ru: mang hau: qi"16 ra". – Yao" nhaid' mae" dao: cug , min bo: dao: thug' ra". Gya we" yao: wa dagaung: geim" qu" jhid' taung" ru ngaid: . Yerusa- lem: zomyi: zo: qe we", ai: yaug wa ngo jhid' ra" asang , nga" zam" cao: ngaid: ra"