1 Zug' zomyi: we" khyid zhaung: zhaung: yang: ni" khyid kho qhi" dau de; ra" i"? Ni" khyid zam" wa ba: shaung yhaung" yaug nyhang" zho' to" gau jho qi" ra" laug nyug2 we' dau: ra". – Ni" gaung re: lam kha" za" khug' we' dau mung: ai: mae phaung: to" sabyi' qang: byang" to, bo: ra". Ni" phyid' dam: bae" laug: yang shaung: to" saung3 so gaug zaung we' dau: ra". – Ni" qao bam dazam" wa xe' nau" azam" we' dau:4 ra". – Ni" lang zang: xao zaui gye byu gai" we' dau: ra". Ni" myo, jid' wa Heshabung: vomo" , Bedarabim kham: nhae mae" qid lhao: we' dau: ra". Ni" nho wa Damasku vo khyo myo,nho qang: to" Lebanon gye byu5 gai" we' dau: ra". – Ni" au: wa Karamela bam we' ni" xae wa byao byao ne: khyang we' dau: ra" Jhaung zug: lao" ai: xae nag;6 yang taui" yu qhug' ra". – Nga" nhae: mo" we" ngo ngaui pyo: nae" tau: nao gyai7 yaung" lho" ra" mhao". – Ni" gaung khyao wa zhunpalun: gae we' dau mung: ni" qao bam nug' am wa zhunpalun: shi: tang: we'8 dau: ra". – Ngo ce: zhunpalun: gae do,nae" Akaung jham mae ngo zaui" ci nae" Ni" qao bam nug' am wa sabyi' shi: baui ru: , nao so' she: ru wa shi: cug nae thoe ru: ngaid:9 na shao: . – Ni" nhaid' wa gai: thao" sabyi' qang: ru: ngaid: na shao: . Ai: sabyi' qang: wa ngo jhid' ra" asang: tau: pyo" ra" shaug' pho: ngaid mung: yab pyo" na mo; nhaid' khug mabeim: maso: yug; joe" vao lo: ra"10 Ngo re jhid' ra" asang wa ngo we' tin" ra" Yao: ngo o: khyo: cao" byid' na:11 ra". – Ngo jhid' ra" asang we" li" ri: seyo: jao: dae khyo ye su" qin" lang: . Vogaung: khain mae myi" na: lhai: pye' lang: . Ne,seim no' no' to" mung: sabyi' khyae khyo ye" lo"12 lang: . – Sabyi' naui phao" maphao" , abu" jham bu" mabu" re: , khaung: jham bu" mabu" re re: ye qu" lang: . Ai: jo,qo tau nga"13 jhid' myid nao re qhaug' byid: nae". – Ngo jhid' de; asang we" bam bin: gae jham nae pyo" ham" jo; ra" Ngonhaung" kham: dung: yae mae cug: ru , min: ru shi: aja: ja: axug' , asag' ni" tau: ein: ngo qaung" to"