1 Myi" ayo, nga" yabqo dao nga" alo zo: ngo jhid' de,yaug re qho: na: . Qho qe re:2 mathe' myao. – Alao" ngo to" mung: vo khain mae su" yam: qin" nae" Nga" nhag' lam: alo zo: jhid' yaug re hau" mo" khyo mae re: vokham" cao" yang: re: cao"3 qho: qin", mathe' myao. – Vomo" zaung" mo,ngo re the' myao geyang: ngo wa nga" alo zo: ngo jhid' yaug re mathe' myao ko"4 la, ein: myid' ru. – Yao: bam we' mavai" zo: lin: lo" thao nga" alo zo: jhid' de,yaug re qo" the' myao va" Ngo yao: re zaui" zag: ci mung: ngo re khau: ke' ra" nga" myhi" yham , nga" qe,khyo maqo" jhui" vao vao5 wa manhao: ke' lo: . – Yerusalem: myiqe: zo: qe we" ngo jhid' ra" zomyi: zo: yao: za: yao: maso" li" li" wa da nhug' ge,ein: seyo mae" locid loyo: jham re myid: beim: zo" ngo naonhaung" re pin: to: co' ra"6 Mura: , loban: we' gau pai: mo, aung: byid' ra" nae pyo" nam aja: ja: gyaid mung: myi: khug' ru: khug' mung: ma bam mae"7 do, lo: ru wa khag' ngaid: . – Qu" ge,ai wa Sholomun: kyau: ngaid: ra" Israel sulhe: qe: gu: mae" sulhe: khyaug' xe , ai: avai:8 ayae mae lhaug' zaung" na ko" ra". – Yao: bam alhab' shae ci mung: gye mau" jhao: ra" mo,ngaid: . Myi" re gyaug pho" kyid' na: mathao yaug nge,yao: yao" shae seim"9 qang: ci: ako". – Jhaung zug: Sholomun: wa Lebanon sag' yang yao" re" dao zung10 kaid' ra". – Zang re ngaui: yang , myhung: ja: re hhang: yang zaung jao: re byao byao ne: pin: lung" yang zaui" pin" to" ra". Ai: akhug mae Yerusalem: zomyi: zo: qe jhid' myid: yang lhang" kham" to: ko"11 ra". – Ziun: zomyi: zo: qe we" thug' li" ge, . Lo, xo' mung: nhag' lam: ngaui lho" za" ba na re yao: myhi" zhaung: byid' lhugmaug zhaung" ci: ra" Jhaung zug: Sholomun: re qu" qu" ge,wo"