1 Myiqe: alhab' qe tho' je: yaung" ra" bai: we" nao jhid' ra" asang khai: lo" byaug va" Ngonhaung" nao we' daga" qo" cao" qho shao: . Nao jhid' de; asang kho gau: ye" lo"2 ra" ta" kyo: la, . – Ngo jhid' de; asang wa yao" khyae khug: shi: zo: mung: bae" laug; bu" yu nae" ga: yao" khyae nae pyo" bin: yo khyo ye" lo" va"3 Ngo jhid' ra" asang wa ngo re sang: ra". Ngo re: asang re sang: ra". Yao: wa bae:4 laug; din" mae gyo, zho" na: ra" – Nga" nhae: mo" nao wa Tirza vo ru: yaung" ra" Yerusalem: vomo" ru: dau de, za" ru ngaid: . Gye myo,nho mae vo; ci: khyi5 zang ru: gyaug pho" ngaid: . – Ni" myo, jid' ngo re daqu" zhaug' to: . Ai bam ngo re kyaug' nhin" na: ako" Ni" xae wa Gilaid bam dao mae" gyo" lo: caid' be,phung: we'6 dau: ra". – Ni" zaui jham re: gaung cid' bin yang: do, lo: ra" yao phyu phung: we' dau: ra" Dau: khao: ngo" byin cao: qo" mung:7 dadau: lao" mayeim", magyoe". – Ni" boqae myo, nghoe' taung gaung mae"8 khaung: jid' we' dau: ra" – Jhaung zug: myhi" khyaug' xe , naung cao myi: she' xe yaug , zomyi: qe matho' nghe' sho'9 myo" na qe re: – Nga" phaung" kyug' , ca" qo mabo nga" jhid' dayaug za: ngaid: . Yao: myhi" khau: ke' ru yao: zo: bai: te: dayaug za: ngaid: . Yao: myhi" jhid' thao" zo: ngaid: . Byu: myiqe: qe yao: re myao yang: min byid' ako" Jhaung zug: myhi" jham we' naung cao myiqe: jham lao"10 yao: re khin" ako". – Ne,seim bo" bao ru: bao: thug' ru we' lho" ru: bao: yaung" ra" ba ru: qhi: jo, mung: khyi zang vo; ra" gye phung: ru: gyaug pho" myhi" sag' wa khag'11 ngaid: . – Lao: geim: mae yaug; ra" shi: zo: gae jham re qu" nae" tau: mae" re: Zhain- lun: naui phao" maphao" , khaung: jham bu" mabu" qu" nae" tau: mae" re: ngo shi:12 khyae ye" lo" va". – Nga" nhag' lam: laung: bau: na yang: mabeim: maso" ru ham" hung: bo mo; lhin" jham ngo re lhang"13 kham" ako". – Shulami myiqe: we" lo ri: , lo ri: . Ngonhaung" nao re qo" the' myao sho' lo ri: , lo ri: wo" Mahanim go" khyao jin" qu" ru: , Shulami myiqe: re pe" jin" qu" khyo bo: ra"?.