1 Caung: nghaui" thoe alhab' tho' myhao: thao" ra" Sholomun: nghaui" caung: ji: .2 AsAng wa yao" bobaug baug: ra" khyo" ngo re bobaug baug: shao: . Ni" jhid' khyang kao khyang wa sabyi' qang: tho' je: gai:3 ra". – Ni" xau wa nae pyo" ra" xau ngaid: . Ni" mang khyao vhe' gyain: nae pyo" xau ngaid: ra". Ai mung: tang: shain" zomyi:4 jham asang re jhid' de; ako". – Ngo re myid: beim" yu la, . Nao jhao" ngonhaung" phao: lo nae" Jhaung zug: wa yao" yab qe, khyo ngo re vhao" yu va" Ngonhaung" ni" mathao ngaui bau: ngaui lho" yao: boe" va" Ni" jhid' myid re sabyi' qang: tho' je: khin" na nae" tang: shain" myhi" sag' qe nao re5 dang dang jhid' de; na: ako" . – Yerusalem: myiqe: zo: qe we" ngo wa Kedara zaung re" ru: ve,sam" no,qe re: Sholomun: pin:6 kyo lung: ru: ayaung" na shi" ra". – Ngo wa ba mo" lhe' zao" mung: ve, sam" no; ra" mathao ngo re daqu" ge, . Nga" myhi" yaug gai: zo: qe ngo re gyid' mung: sabyi' khyae jham re lhaug' nhao: ako". Nga" sabyi'7 khyae ngo maqo" caung. – Nga" nhag' lam: po: de; jo; va" nga" asang we" ni" yao jham re khotau zam" ru re re: , na" gaung kao" au: khora" ba sham khug nhao: to" ru re re: ta" kyo: la, . Ngo pe" mung: ni" byin cao: qe: yao zhain jham nhae mae myo, nho nghoe' to" myiqe: ru: qho: thug' lhau8 nae" i"?. – Myiqe: alhab' tho' je: yaung" ra" bai: we" nao maba re yao phung: khu cao" mha: mung: yao zaung" mo; zaung yae mae ni" caid' nau" re zaung" wa, .9 Ngo jhid' de; nhae: mo" we" Pharaoh" lhin" myao: we' ngo nao re ka" qu"10 nae". – Ni" boqae no: xaui: xaui" to" ru: shaung: ve, mung: ni" lang zang: wa pau:11 lhai: ce' myho: khyo" ci: ra" . – Ngo- nhaung" wa hhang pati" we' ngaui khug' jham ni" qhid' mae" kaid' byid: shi:12 nae". – Jhaung zug: pho" zo zo: gai" dao zaung: na shi" re ngo ci: to" Nardu xau13 nae: ham" li" ra". – Ngo jhid' ra" asang wa nga" qao bam gyo: jhe' ci: mura: thaug' we'14 dau: ra". – Ngo jhid' yaug wa Engedi sabyi' khyae khug yaug; ra" bain gya byab we'15 dau: ra". – Ngo jhid' ra" nga" nhae: mo" ni" ave, gyai yaung" ra". Dang dang yaung" lho" ra" ni" myo, jid' phaung" kyug' myo,16 jid' we' dau: ra". – Ngo jhid' ra" asang we" nao lam: yaung" shab mung: qu" jhid'17 taung" ru ngaid: . – Ngotao: yab jaung: re: nyug lao qam" ra" jao: ngaid: ra" Ngo tao: yham zang jham ared gae , khyao jham wa hhuje; sag' yang kaid' to" ru ngaid: .