1 Ngo jhid' ra" nhae: mo" we" nao gyai yaung" lho" jo; ra" Gyang" yao: yaung" ra" Ni" myo,jid' wa myo, khung: nghoe' taung gaung mae phaung" kyug' myo,we' dau: ra" Ni" xae wa Gilaid bam bye" mae ab'2 na ko" caid' be, phung: we' dau: ra". – Ni" zaui re: amug' qaug mung: cid' shao jao: mae" do, lo: ra" yao phyu phung: we' dau: ra" Dau: khao: ngo" azam" qo" mung:3 dadau: re: mayeim". – Ni" nhaid' qid wa ne: yaung" taui: we' dau mung: ni" thoe re: gyo" pyo: taung" ngaid: ra". Ni" boqae wa myo, nghoe' taung gaung mae khaung:4 shi: we' dau: ra". – Ni" lang zang: wa Davi gyebyu gai" we' dau: ra" Ai: tau sulhe: qe: shae lhae we' go lung: aqi: angai lhao" to"5 ra". – Ni" qao bam nug' am wa bae" laug: bu" yo mae sab' qin" ra" shocid nau" azam"6 we' dau: ra". – Na" re" bo" bao masham: lo" shi" ru we' ba sham jham mabyaug; lo" shi" re ngo wa nga" mura: bam we'7 lobain: bug khyo do, lo" nae" – Ngo jhid' ra" nhae: mo" we" nao wa no daja: re: mabo. Dagaung: geim" yaung" gyang"8 ra". – Nga" myhi" sag' we" Lebanon bam mae" ngo we' daga" lebanon bam mug: mae" thug' lo wa, . Amana bam phyo: , Sinira we' Hermon bam phyo: , lo:tin: jham na: ra" myid dung: , myang kha: na:9 bam dao mae" thug' su: wa, . – Nga" nhae: mo" nga" myhi" sag' we" nao nga" nhag' lam: lao" jab; yu: ava". Ni" myo, danyag , ni" lang zang: dadae lhang mae nga" nhag'10 lam: lao" te' yu: ava". – Nga" nhae: mo" nga" myhi" sag' we" ni" jhid' myid khoqhi" pyo" i"? Ni" jhid' de, myid wa sabyi' tho' je: gai: ra". Ni" nae pyo" xau wa aja: ja" lo:11 bain: tho' je: gai: ra" wo". – Nga" myhi" sag' we" ni" nhaid' qid wa byo: yhid yug; gyo" na: ru: ngaid: ra". Ni" sho agyid' mae byo: yhid' we' nung: nug' byang" jo; ra". Ni" ve, mai bau: ham" nhae" ru wa Leba- non bam mae" nae nhae" ke' ru we' dau:12 ra". – Nga" nhae: mo" , nga" myhi" sag' wa kyae" kham" to" khyae , pyid' to" qid lhao: we' sote' thaung" to" qidthaung: ngaid:13 ra". – Sag' zo: jham wa cug: ra" shi: aja: ja: zaui" ru we' khaung: yo ngaid: . Nardu14 we' lhag' to" hinna gae , – Nardu gae , sag' cao: phyag' gae , phaung: cug' gae , jam no; gae we' loban: gae aja: ja: , mura: , sag' hau: gae gyai phug' nae pyo" sag' gae jham15 bo: ra" – Khyae jham re qid sheim: byid: nae" qid lhao: , qid thug' dung: , Lebanon16 mae" yug: ra" qid nao ngaid: ava". – Mug: am: la we" to" wa, . Qid bang" la we" lo ri: . Nga" khyae mae" nae pyo" ru nae nhae" ke' shao: . Ngo jhid' yaug wa yao" khyae khug khyo vao mung: min cug: ra" shi: zo" na shao: .