1 Ngo kam" wa Sharun: din" mae" zau: kyi bin: jao: gyug' khain mae yaug; ra"2 bae: laug; bu" ngaid: . – Ngo jhid' ra" tang: shain" zomyi: wa zau: jam" mae" bae" laug; bu" ru: zomyi: qe: phaung mae de: de: za:3 ngaid: . – Ngo jhid' de, yaug lam: yoqao" yo mae yaug; ra" shi: cug gae ru: zoqae qe: phaung mae de: de: za: ngaid: . Ngo yao" ba sham qab khug yaug yo gai" zaung: na mung: ai: gyai myho' ra" shi: the' zo"4 ra". – Poe kaid' na: yham khyo ngo re jhui" ye: mung: nga" adao jhid' myid khyi zang5 wa lhugmaug boe" byaug; ava". – Ngo wa jhid' myid dalam" yang no: ra" mathao sabyi' shi" yang qam: pyang" , shicug: yang6 za: myain amyhain" gela, . – AsAng: lo,vai: lo,nga" au: mae khau" to: byid: mung: yao"7 lo,yo: yang ngo re po: to: shao: . – Yerusa- lem: myiqe: zo: qe we" ngo jhid' ra" zomyi: zo: yao: za: yao: maso" li" li" wa danhug' ge, ein: seyo mae" cid yo: jham re myid: beim: zo" ngonhaung" re pin: to: co' ra"8 Ngo jhid' ra" asang: thoe wo" Qu" ge, . Bam zo: bam zang re do; lhoe" pye'9 mung: joe" li" ava". – Ngo jhid' ra" asang wa shocid nau" we' dau: ra" Qu" ge, . Yao: wa ngonhaung" vokham" taung gaung ye; jo; mung: kham: zo: dung: khyo" li" byu: ke' mung: abung" khyo" jhug' qu" na:10 ra". – Ngo jhid' ra" asang khai mung: ngo re ta" ru wa ngo jhid' ra" nhae: mo" , nga"11 zomyi: yaung" to" li" ri: – Gyo, yo, lai: lo" va" Mug: phung: yang: mug: nyug gyang"12 va". – Din" mae bin: jham bu" va" Ngho' jhid' ngho' zo: myang: yhai yo, re: ngaid va" Ngo tao: myid gaung mae phaung" kyug'13 myang: na thoe re: the' gyo: va". – Pho' ham" gae re: nyug: ra" ashi: jham mhang" li" nhao va" sabyi' naui re: abu" bu" mung: nae pyo" ham" nhae" ke' ava" Ngo jhid' ra" nhae: mo" nga" zomyi: yaung" to" li" ri: .14 Bam mae" laug thin jham we' byo, mae khug; na ko" nga" phaung" kyug' we" ni" myo, khung: qo" the' myao shao: . Ni" thoe re: qo" gyo: shao: . Ni" thoe gyo" pyo" ra" Ni"15 myo, khung: re: yaung" lho" ra". – Sabyi' naui gyi: re phyo' ra" zag ne jham we' seyo: kha: nau" jham re ngo tao: tau: taung: byid: gela, . Ngo tao: sabyi' naui wa abu" bu" va"16 ga: mho: ra". – Ngo jhid' ra" asang wa ngo we' tin" ra" Ngo re re: yao: sang: ra" Yao: wa bae: laug; bu" yo mae yao jham re zho"17 na: ra". – Na" gaung bo" bao masham: lo" shi" yo,we' ba sham mabyaug; lo" shi" re lhang: lo mung: Bethera bam dao na: ra" shocid shopho" nau" ru: boe" na wa, .