1 Turu jhaung zug: Hiram wa Davi jhaung zug: yham kaid' shao: ga: logyo: qe we' daga" Arid sag' , lo, mau" ba: sham" mo, , zho thaung: ba: qae mo, re nhao: ke'2 ra". – Mo"so: yang Davi re Israel jhaung zug: aya: byid' to: va" khyo we' yao" byu Israel byumyu" tau: mae" ga: yang: mang: din" tau: yhe' to" ru re Davi yao: ba:3 ra". – Davi wa Yerusalem: vomo" mae myiqe: xo' yu: laung: mung: myiqe: zo: ,4 yaug gai zo: khau myhung: ra". – Yerusalem: vomo" mae khau: ra" Davi yao: zo: qe wa Shamua , Shoba , Nathain: , Sholo5 -6 -7 mun – Ibhara , Elishua , Elpeled – Noga , Nepheg , Yaphia – Elishama , Beliada , Elipheled bam ngaid:.8 Davi wa Israel qe: adao jhaung zug: boe" shao: ga: xau gyain: byid' akhyo Philisti byu qe the' gyo: gelao" yao: bam Davi re qho: li" lo: ako". Davi ai: akhyo the' gyo: mung: yao: bam re lham: se' nae" ga: gye9 to" ye" lo" ra". – Philisti byu qe wa Rephim lao: geim: mae jhaid to, byang" na: ako". –10 Alao" Davi wa ngo Philisti gye jham re lham: qo" se' nae" i". Nao yao: bam re nga" lo, mae qhaug' nae" i"? ga: Mo"so jhao" myid' re Mo"so wa do, lo" wa, ngo yao: bam re ni" lo, mae qhaug' nae" ga: mho:11 ra". – Ai mung: yao: bam wa Bala-perazim khyo do, lo" mung: Davi wa yao: bam re ai: tau mae lham: se' pye' ra". Mo"so nga" lo, khyo" moe bug dang: ru: nga" gyevo qe re be; mhain" pye' ra" ga: ai: jo, qo re12 Bala-perazim ga: mhang" ra". – Ai: jo, qo mae Philisti byu qe phyo' lhaui" pye' co'13 ra" sulho jham re Davi amyin" khyo" ngha" pye' ako".14 Dam: Philisti byu qe wa ai: lao: geim:15 mae dam: byang" ug: li" ra". – Davi re: Mo"so jhao" dam: myid' qu" ra" au: re Mo"so wa nao yao: bam na: khyo magai: cao" do, nae". Yao: bam re jao" pye' mung: hhao" vo yo dau" te' khyo" vao: se' wa, . –16 Hhao" vo gae phyo: gye su: thoe the' gyo: lao" gye se' nae" to" wa, se, . Philisti gye mo" thaui: re se' nae" ga: Mo"so ni" qhid' kheim: thug' su: va" ga: yao: re mho: ra". –17 Mo"so: amyin" we' dakhyo: Davi cao" zaui: mung: Gibeon jo, qo mae" ru Geza vomo" joe" sho' Philisti gye mo" thaui: re cao" se'18 ra". – Ai ru: Davi ham: hung: damang" geim" hau" nhao" lo" mung: byumyu" cao jab yao: re gyaug shao: ga: poe" ke' ra".