1 Davi wa zug: qe ngaid: ra" dataung ug , dayo ug bam we' qham phaung mung:2 Israel mo, byu qe re – Naonhaung" o ngaui: ru we' nyhao" Mo"so akhang" byid' lo: re wa khin jaung qe we' Levi' byu qe na: ra" vomo" jham ai: vo mug: cao" yang: dang: na shi" Israel mang: din" khyi" khao: ngo" mae" nyhao" mao: nhaung: qe wa nyhao: we' daga" qham phaung nae" tau: khai:3 yu gelang: . – Ai mung: nyhao" Mo"so: dao:thang" bain" re dam: vo; yu gelang: . Sholu ta ai: bain" qhid' kheim: nyhao: lhaung" myid' qu" ru mangaid: ga: ta" ra"4 dao: re – Volo byu qe gyo" ngaui gemung: ai: akhyo mang: byu qe: qhid' kheim: dau nyang: ra" mathao ai ru: kaid' nae" khae:5 yu ko" ra". – Ai re" khyo: Davi wa Mo"so: dao: thang: bain" re Kiriad-yerim vo; tai: yu nae" ga: Egutu mang: mae" Shihora qid zo: gyaung: mae" Hemaid' mug: kyo: joe" sho' na: ra" Israel damyu" geim" re jhui" khai:6 qham yang: – Kherubim: gyo: mae zaung: Mo"so: mang khyao: we' tin" ra" Mo"so: bain" re vo; yu nae" tau: Davi we' Israel alhab' Yuda mang: Kiriad-yerim ga" Bala7 vomo" khyo do, lo" ko" ra". – Ana" yao: bam Mo"so: bain" re Abinadab yham mae" she: thug' yang: lhin" sag' dao mae vo; kai" ako". Uza we' Ahio wa lhin" keim" ako". –8 Davi we' Israel byu qe alhab' nghaui" caung: caung: nae" tau: tang: , she tang: , zang , jhe' cang" , khulhao: we' labo" ci zo" qam: o: bin sho' yang Mo"so: qhid' kheim: be; myhang" ko" ra".9 Yao: bam Khidon gaug nao: zam jao: joe" lo" ko" re nung: lang" be, yang: dao: thang: bain" zaui" te' ci nae" tau: Uza lo,10 qang: zaui" ke' ra". – Ai ru: dao: thang: bain" zaui" ra" mathao Mo"so Uza re yo: yang: ai tau yao: re dae byid: yang: yao: Mo"so: qhid' kheim: shid: pye' va". –11 Mo"so: yang Uza re se' pye' ra" mathao Davi nhag' ngai: na mung: ai: jo, qo re ana" ba joe" sho' Pere-uza ga: mhang" pye'12 ra". – Davi ai: ba Mo"so re gyaug yang: ngo Mo"so: bain" khoru: qo" vo, lo" nae"13 yha" ga: mho zo" – Yao" jo, qo Davi vo khyo bain" mavo; lo" lo: za: jao" yang Giti byu Obed-edom yham khyo vo; vao: lo"14 ako". – Ai mung: Mo"so: dao: thang: bain" Obed-edom yham byu qe we' daga" lho" sam khye' lam: lam: jo; ra". Mo"so: yang re: Obed-edom yham we' yao: qo" mae" qo" alhab' re min byid' ra".