1 Ai au: Israel byu qe alhab' Davi na: ra" Hebron: vo khyo li" lo mung: ngonhaung" wa ni" shoqug: shoqae ni" gaung sho:2 ngaid: . – Lai: lo: yo, Sholu ngonhaung" jhaung zug: ngaid: na shi" re lao" re: asang nao Israel amyu" re jhui" thug' jhui" vao lhaung" kaid' va". Ni" AsAng Mo"so: yang re: nao wa nga" amyu" Israel re au: she nae" ru we' nga" amyu" Israel adao mae ug: nae" yaug boe" zai ngaid: ga: nao asang re3 ta" ava" ga: mho: ra". – Ai re" khyo: Israel ade, qe alhab' Hebron: vomo" jhaung zug: jhao" joe" li" gemung: Davi wa Hebron: vo tau Mo"so: qhid' kheim: yao: bam we' dao: so: to" to: yang: yao: bam wa Samuela khyo" yang Mo"so pin: to: va" we' dakhyo: Israel jhaung zug: boe" nae" tau: Davi re xau gyain: byid: ko" ra".4 Davi we' Israel damyu" geim" Yebug mang: ra" Yerusalem: khyo do, lo" ako". Ai: mang: mae" byu qe ngaid: ra" Yebuti byu5 qe wa ai: tau na: na ko" ra". – Yebug vobyu qe wa nao ce: vomo" magai: vao nae" ga: Davi re ta" ko" qere: Davi wa Ziun mang: ra" gyetab re se' aung: yu: ra". Ai wa Davi6 vomo" ga: mho: ra" vo ngaid: . – Dam: Davi wa Yebuti byu qe re sao qhid' qo" myhi: se' yaug agyi we' sin: thu mo" boe" nae" ga: ta" ra" mathao Zerua yao: zo: Yaba shi" sao qhid' do, mung: zug: jhaung boe"7 va". – Ai: thao Davi wa ai: gyetab mae na: na mung: ai: vomo" re Davi vomo" ga:8 mhang" ko" ra". – Ai: tho' mae yao: wa ai: vo re Milo: jo, qo mae" re avai ayae zhaug' ce" yu: ra". Yaba wa ai: vo datam" nyhang"9 so" tang: ra". – Davi wa ham: hung: qi: lo qam: bo: lo: ra". Khoru: ein: re mug: gaung: mo, mo" thaui: ug: ra" Mo"so yao: we' daga" bona: ra".10 Israel amyu" mae Mo"so: amyin" dao: we' dakhyo: Davi re jhaung zug: tau: yhe' nae" tau: Israel amyu" geim" we' daga" Davi thao de, mung: qam: phin" ra"11 sin: thu mo" qe wa – Hakamoni amyu" Yashobeom wa zug: jhaung ngaid: . Yao: wa lhae vo, zo" byu sam yo dalhang: dae qo"12 se' pye' su ngaid: . – Yao" thao Ahohi byu Dodo yao: zo: Eliaza wa qam: bo sulhe:13 sam zo: mae bobo: ra". – Yao: wa Davi we' daga" Pasdamim jo, qo mae na: na mung: ai: tau jo; ra" laung: gaug qho: qe, yodae mae gye se' nae" tau: Philisti byu qe zang" qham ko" ra". Mang: byu qe wa Philisti byu14 qe: mathao phao: sin" pye' ako". – Yao: bam yodae khug mae ye, zo" lham: se' na geyang: Philisti byu qe re se' pye' ko" ra". Mo"so: yang qi" thao" aung doe, khyo phung" mung: yao: bam re khyaid' yu: ra".15 Dalhang zug: sam xe mae" sam zo: wa Davi na: ra" laug aug' cao" nae" Adulam dung: khug khyo vao: lo" ako". Philisti gye qe wa Rephim lao: geim: mae gyetab16 kaid' na: ako". – Davi ai: yo, ai: gyetab tau na: na mung: Philisti gye qe wa Belehem:17 vo khug mae re: na: na: ako". – Davi wa dayaug yaug Belehem: kham: dung: nhae mae" qid thaung: qid ngo re jhaug' gela, mhao" ga: shab' ra" nhag' lam" yang mho:18 ra". – Alao" ai: byu sam zo: Philisti gye qe, khug jhin" vao mung: Belehem: kham: nhae mae" qid khae: vo, yang: Davi jhao" yu: lo ko" ra". Ai qere: Davi mashaug' qaid19 lo: Mo"so: qhid' kheim: vhe' pye' zo" – Ce: qid shaug' nae" nga" AsAng tam" shao: . Yao: yao" kao re qhaug' pye' va" mo; sa: ngo shaug' zai i"?. Yao: bam gai gai: yham sang: kao qhaug' pye' ru we' ce: qid yu: lo ko" ra" ga: mashaug' qaid . Ai: sin: thu sam zo: wa ai qhi" vae" phin: ko" ra".20 Yaba yao: nhaung: Abishai wa sin: thu sam zo: mae je: qi: yaug ngaid: . Yao: wa lhae vo, mung: byu sam yo se' pye' ra" mathao ai: sam yaug mae yao: bobo: ra". –21 Sulhe: sam yaug; gu: mae shid' yaug tho' je: nga: qo" mung: yao: nhae: dao mae" zug: boe" lo" va". Ai qere: yao: wa sao qhid' sam: zo" khubye mamyhi.22 Kabazela jo, qo mae vae" ra" ru we' mau" zang qo" phin" ra" Yehoada yao: zo: Benaia wa Moba byu selhe: shid' yaug re se' pye' ra". Ai: tho' mae" gyo, yo, re laug aug' khug vao mung: lo:tin: dadau: se' pye'23 ra". – Gaung khyao ngo" daung" qhang: ra" Egutu byu dayaug re re: yao" yang se' pye' ra". Ai: Egutu byu mae qo, mo" qhi" qi" ra" lhae ci qere: Benaia wa zaung: bao" za: ci yang: ye" lo" mung: Egutu byu: lo, mae" lhae lhaid' yu mung: ai: lhae: yang24 yao: re se' pye' ra". – Ai ru" mau" Yehoada yao: zo: Benaia zaui" ru mung: sin: thu mo" sam zo: mae yao" mang re: bo: ra". –25 Sulhe: sam xe gu: mae nga: je: bo qe re: sao qhid' sulhe: sam zo: re wa mamyhi. Davi wa yao" khaung: mhao: qe: ajhaung khyo" yao: re nha: ra".26 Gye thaui: mo" sin: thu qe wa Yaba yao: nhaung: Asahela , Belehem: vobyu Dodo27 yao: zo: Elhanan – Horo byu Shamod ,28 Peloni byu Heleza – Tekoi byu Ikesha zo:29 Ira , Anathod byu Abieza – Husha byu30 Sibekhai , Ahohi byu Ilai – Netophati byu Maharai , Netophati byu Bana zo: Heled –31 Benyamin: kaungGibea mae" Ribai yao:32 zo: Ithai , Pirathoni byu Benaia – Gasha lao: geim: mae" Hurai , Arba byu Abiela –33 Baharu byu Azmaved , Shalabo byu34 Eliaba – Gizon byu Hashem zo: qe , Hara35 byu Shage yao: zo: Yonatain: – Hara byu Sakhara yao: zo: Ahiam , Ura zo: Elipha-36 la – Mekherati byu Hephera , Peloni37 byu Ahiya – Karamela byu Hezro , Ezbai38 yao: zo: Narai – Nathain: yao: nhaung:39 Yoela , Hagri yao: zo: Mibhara – Amon byu Zeleg , Zerua yao: zo: Yaba: sin: zai40 vo, byid: yaug Berod byu Naharai – Ithari41 byu Ira , Ithari byu Gareb – Hiti byu42 Urai , Alai yao: zo: Zabad – Rubin: zug: kaung mae" Rubin: kaung Shiza yao: zo: Adina , yao: we' daga" na: ra" byu lam: sam43 xe – Makha yao: zo: Hanan , Midni byu44 Yoshaphaid – Ashtera byu Uzia , Arori byu45 Hotham yao: zo: Shama we' Yiela – Shimri yao: zo: Yediela we' yao: nhaung: Tizi byu46 Yoha – Mahavi byu Eliela , Elnam yao: zo:47 Yeribai we' Yoshavi – Moba byu Itma we' daga" Eliela , Obed , Mezoba byu Yesiela bam ngaid: ra".