1 Davi wa Kisha yao: zo: Sholu re phao mung: Zikalag vomo" mae na: na shi" re yao: mae li" khug: na mo, wa yao: re bao" mung: gye khe' ra" mae kung: ra" sulhe:2 qe ngaid: . – Yao: bam la: vo, mung: laug lhaui: lhaui: ko" qere: , la: bag ko" qere: lo, vai: lo, yo makhyin ko". Ai bam wa Benya- min: boe: mae" Sholu: yao" mao: nhaung:3 qe ngaid: . – Au: she zug: wa Ahizera , yao" thao mae" mo, Gibea byu Shema yao: zo: Yosha , Azmaved yao: zo: Yezela we'4 Peled , Berakha , Anathod byu Yehu – Ai byu sam xe mae bo mung: yao: bam: adao mae" ngaid: khye' ra" sulhe: Gibeon byu Ishmaia , Yeremia , Yahazela , Yohanan ,5 Gedera byu Yozabad – Eluzai , Yerimod , Bealia , Shemari , Harug byu Shephatia –6 Elkana , Ishia , Azarela , Yozera , Yasho-7 beam , Kora byu qe – Yoela we' Gedora byu Yoroham yao: zo: Zebadia bam ngaid: ra".8 Dam: Davi na: ra" seyo mae" gyetab mae phao: khug; na: khye' ra" sulhe: qe , gye mau" ba: tau" yaung mung: la: go lung: ba: ci: ra" Gaid boe: re: bo: ra". Yao: bam: myo, khung: lo:tin: myo, nho ru: boe" mung: bam jin mae cid yo: jham ru: su"9 tao" qin" ko" ra". – Ezera wa agyi ngaid: .10 Shid' mae Obadia , sam Eliaba – Byid11 Mishman , ngo" mae Yeremia – Khyaug'12 Atai , nhaid' mae Eliela – She' Yohanan ,13 gug Elazaba – Daxe Yeremia , daxe: da14 mae Makbanai bam ngaid: . – Ana" mho: ra" mo, wa Gaid boe: mae zug: kaid' mung: ngai su wa dayo re , qi: yaug wa dataung15 yaug re ug mo, ngaid: . – Yao: bam wa Yodain: lao je" li" sao qhid' lho" khye' re de; ye: mung: jao: dae ba thug' ba vao mae na: na mo, re khe' sin" pye' ako".16 Davi na: ra" gye qe, khyo Benyamin: we' Yuda zo: myid: qe re: li" khug ngha17 gemung: – Davi yao: bam re tug: yu nae" ga: thug' ye" lo" zo" ngo re bao" nae" tau: naonhaung" yaug yo za: joe" li" ko" ngaid: re wa nga" nhag' lam: naonhaung" myid: ru we' zhaung" li" nae". Mangaid: lao" nga" gyevo: lo, khyo ngo re qhaug' pye' nae" tau: naonhaung" li" ru angaid ko" re wa nga" lo, mae pe" qobo made; mathao phug' pho" Mo"so ai re kin: ca byid: mung: va: pye' shao: wo" ga: yao: bam re lham: mho:18 ra". – Alao" byu sam xe yaug; agyi Amasai adao mae solo joe" zaung mung: Davi we" ngonhaung" ni" byu qe ngaid: wo". Yese" yao: zo: ni" thao ngonhaung" bobo: na: . Ni" AsAng Mo"so nao re bao" yu: ra" mathao nao nga: lho" na shao: wo". Nga: lho" shao: . Nao re bobao" thaug' cao: qe re: ngaui lho" shao: wo" ga: tug' mho: ke' re Davi yao: bam re lham: tug: yu yang: yao: bam re gye zug: aya: lham: byid' ra".19 Davi Philisti byu qe we' daga" Sholu re gye se' nae" ga: ye" lo" na: re Manashe kaung damyo" re: yao: shaid' khyo phao: zhain: lo: ako". Ai qe re: Philisti jham re ma bao" ko". Pe" mung: ga" re Philisti zug: qe: yang ngonhaung" re se' pye' nae" tau: yao: wa yao" asang Sholu thao de; lo" li" nae" ga: jho" qham: to: geyang: yao: re dam: nhao:20 pye' ko" ra". – Davi Zikalag vo khyo ye" lo" re yao" thao bocao ko" Manashe: kaung qe wa Adna , Yozabad , Yediela , Mikhaela , Yozabad , Elihu , Zilethai bam ngaid: . Ai bam wa Manashe kaung mae byu dataung21 taung ug ra" zug: qe ngaid: . – Yao: bam wa qam: bo kung: ra" gye zug: qi: sulhe: qe ngaid mung: cang tau: bam re se' nae"22 tau: Davi re bao" ko" ra". – Ai: ayo, Mo"so: ajham ataung mo, thaui: ru: gyai qi" myo" lo: mo, thaui: boe" sho' dane; tho' dane, byu byaung" zag; lo: ra".23 Mo"so: amyin" dao: we' dakhyo: Sholu: mang: din" re Davi lo, khyo qhaug' byid: nae" tau: Davi na: ra" Hebron: khyo li" lo ko" gye se' nae" shae lhae ci jhao: ra" sin: zo:24 qe: japhin: wa – Yuda boe: mae" go lung: we' lhae qo" ci: ra" sin: zo: khyaug' taung:25 she' yo – Simun boe: mae" qam: bo kung:26 ra" sulhe: nhaid' taung: dayo – Levi' boe:27 mae" byid taung: khyaug' yo – Arun: boe: mae" agyi qe Yehoada ngaid mung: yao:28 we' daga" sam taung: nhaid' yo – Qam: bo khye' ra" Zadug we' yao" mo, khyae:29 boe: mae" shid' xe: shid' – Sholu: mo, khyae: Benyamin: boe: mae" sam taung za: abo: . Ai: ta myo: gu: wa Sholu; thao de;30 na: ashi". – Ephrim: kaung mae" yao: bam: kaung mo, khyae: mae qam: bo kung: ra"31 sin: zo: shid' tug: she' yo – Davi re jhaung zug: to' nae" ga: japhin: vao Manashe32 dakhyae: mae" datug; she' taung – Israel byu qe ai: ayo, pe" ru: kaid' nae" yo, gin ba: tau" kho' khaui" ra" Yakha kaung mae" agyi shid' yo bo mung: yao: bam: mo, khyae:33 alhab' yao: bam: dao: gyo" ako". – Nhag' lam: akhaui: akhyae: mabo , gye myo, nho ba: tau" yaung: ra" , gye zai jhab' ci yang: thug' li" lo: Zabulun boe: mae" ngo" tug –34 Nabthali boe: mae" zug: dataung , go lung:35 , lhae ci mo, sam tug; nhaid' taung – Gye mau" jhao: ra" Dain: boe: mae" shid' tug;36 she' taung: khyaug' yo – Gye myo, nho ba: kho' gye mau" jhao mung: gye zai we' thug' lo: ra" Asha: kaung mae" byid tug –37 Yodain: lao thoe te' mae" Rubin: , Gaid' we' Manashe dakhyae: mae" gye se' nae" tau: gye zai cao jab ci: ra" gyezo: datid: shid'38 tug – Ai bam alhab' gye mau" jhao mung: Davi re Israel jhaung zug: tang: nae" ga: nhag' lam: dakhe' we' Hebron: vomo" khyo li" lo: ako". Dang shi" Israel amyu" alhab' re: nhag' lam: dagau: za: Davi re jhaung39 zug: tang: nae" seim" ako". – Yao: bam wa sam ba lam: lam: ai: tau Davi we' daga" zo: shaug' yang: na: na: ako". Pe" mung: ga" re yao: bam: mao: nhaung: qe jin" jin"40 yaung: to: veko" ra". – Ai: tho' mae avai: ayae yham kyo: zam" cao: qe re re: Yakha , Zabulun , Nabthali va" ra" vo mug: mae" yao: bam: myao: , ma dae myao: , myao: , nung: adao: zo: shaug' ngaid: ra" cin main" phaui: , pho' ham" shi: pye: , sabyi' shi: , sabyi' qang: , Zhainlun: xau jham tho: li" ako". Yao , nung: gyai myo: sho' re: keim" li" ako". Israel damyu" geim" gyai ceim" ngaui bau" na: bam: ako".