1 Philisti byu qe Israel qe re gye se' gemung: Israel byu qe gyevo: qhid' kheim: ngo; phao: sin: yang: Gilaboa bam mug: mae dae de; qug: khai: phau: shid qhug' ko"2 ra". – Philisti byu qe re: Sholu we' yao: zo: bam re gelho: cao" khe' gemung: Sholu: zo: Yonatain: , Abinadab we' Makh-ishua bam3 re se' pye' ko" ra". – Ai re" khyo: jho" se' ru mae Sholu gyai phau: zo" ra". La: bag mo, yao: re myhi: khe' lo: ako". Ai la: bag mo;4 mathao: yang yao: myid myo: mung: – Yao" shae vin yaug re ce: nyaug maphyid' mo, ngo re maqo" li" thug' ru we' ngo re maqo" aung zo: shao:. Ni" shae she yang: ngo re thug' la, ga: mho qere: ai: yaug gyai gyaug; nin" na: mathao magyo: byid: ngaid: ra". Ai ru: mung: Sholu wa ai yao" shae she: yu mung: ai: mae thug' kyao" shid: pye' ra". –5 Shae lhae ci yaug re: Sholu shid; byaug va" ru myao lao" yao" shae mae thug' zau" shid:6 pye' ra". – Ai re" khyo: Sholu we' yao: zo: sam yaug shid: pye' va". Yao" yham byu qe daga" za: shid: dam" lo" veko".7 Israel byu qe phao: byaug veko" ru we' Sholu re: , yao: zo: qe re: shid: byaug va" ru ai: lao: geim: mae na: ra" Israel byu qe myao gelao" yao: yaug yao" vogaung: khyo phao: qui" to: co' mung: Philisti byu qe li" byaung"8 na ko" ra". – Thao: ba ne, seim Philisti byu qe mao gaung mae" phug' de; ja: khyaid' yu nae" ga: joe" li" lo ko" re Sholu we' yao: zo: qe Gilaboa bam mug: mae shid: jo; ru myao9 ko" ra". – Yao: bam ai: zai jham khyaid' yu ko" ru we' au: lam: , gye zai yu: lo yang: yao: bam: gyoe lho cao" yang: re: , byu qe: qhid' kheim: mae re: hau" nhao" ke' nae" tau: Philisti mang: avai: ayae cao" yang:10 nhao: ke' ra". – Yao" gye bau: re yao: bam: gyoe phain lho yham mae to: mung: au: lam: re wa Dagon yham mae lhao" to: ko"11 ra". – Philisti byu qe Sholu re ai ru: kaid' ako" khyo Yabesha Gilaid byu qe alhab' the'12 gyo: gelao" , – khye' kung mo, alhab' bam: to" mung: Sholu we' yao: zo: qe: mao gaung yu mung: Yabesha vomo" vo; joe" lo mung: Yabesha shiqae gae gyid' mae shaung: nyhab' yang: nhaid' ba zo: shaug' jao" ko"13 ra". – Sholu wa Mo"so: dao: magyo" ru we' Mo"so re shaid' pye' ra" mathao yang re: , Mo"so jhao" mamyid: lo: yui vao: ra" myiqe: re myid' ca: qu" ra" mathao: yang re: shid14 qhug' ava". – Ai ru: mung: Mo"so: yang yao: re se' pye' yang: Yese yao: zo: Davi re ai: mang: din" qhaug' byid' pye' ra".