1 Ai: lho" shid' xe: byid ba re Israel mo, byu qe wa zo: nam jao" zo" jid: mo" bau: ve, ang: myid zhai: gag; bam" ru we' zang"2 ham: na: ako". – Israel amyu" gyang" ra" mo, wa taung bug byu qe alhab' we' gao: lin mung: yao: yao" qobo we' phug' pho"3 qe: qobo jham re mho' bain" ako". – Yao: bam yao: yaug yao" na jao: mae ye; na mung: ba na byid bam mae" dabam yao: yao" Mo"so: tarha" jham: tung" re phaid' ko" ra". Dam: dabam gu: mae" qobo mho' bain: zo" yao: yao" AsAng Mo"so re pyaid4 dae du pa" kug' ko" ra". – Ai: au: Yeshu , Bani , Kadamila , Shebani , Buni , Shere- bia , Bani , Khenani bam wa Levi byu qe: agaung: tau ye; jo, mung: yao: bam: AsAng tho' zhao" myhao: Mo"so re thoe mo" thaid' yang: zag; hug' ako".5 Dam: Levi byu ga: mang: ra" Yeshua , Kademila , Bani , Hashabani , Sherebia , Hodia , Shebania , Pethahi jham wa to" ge, naonhaung" Mo"so apyaid ato: Mo"so re pyaid da du khyao za: nga: lho" na shao: wo" ein: caung: ge, . Min byid' ru , caung: khin" ru aja: ja: tho' mae qi" qhang mung: phung bao qi" ra" AsAng: mang khyao: nga:6 lho" na shao: wo". – Nao AsAng za: Mo"so gyang" ngaid: . Myhao: thao" mug: gaung we' mug: gaung: ajham ataung alhab' re re: , myid gaung we' myid gaung tau jo, mae: jo, rere: , qid mang: we' qid mang: din" khug mae na mae: na rere: phain: so: to" ra". Alhab' re caung gam: na: ra". Mug: gaung: ajham ataung wa nao re pa"7 kug' na ko" ra". – Pyaid dae du: AsAng we" nao wa Abram re khyin: yu mung: Khalade mang: Ura mae" khai: thug' yang:8 Abraham ga: tha" mhang" byid' ra". – Ni" qhid' kheim: mae yao" dang main" ru the' myao yang: Khanain: , Hiti , Amori , Pher- ezi ,Yebuti , Giragashi byu qe: mang: re Abraham anyaug qe re byid: nae" ga: mho: we' dakhyo: dao: so: malai: byid' ava".9 Egutu mang: mae ngonhaung" phug' pho" qe: qug: khai: sho: jhin phau" ru the' myao mung: Edom qid mo" lao yae tau yao: bam zag: hug' thoe gyo: byid'10 ra". – Pharaoh re: , yao" sin: zo: qe we' mang: byu qe re: ngonhaung" phug' pho" qere deim" zag aung zo" ru nao base" byid' ra" mathao Egutu byu qe alhab' mo; qhid' kheim: mug' pho" mau" we' ve, lho aja: ja: lho: qhu" ke' mung: ni" mang khyao ana"11 ba joe" sho' hau" nhao" na: . – Ngonhaung" phug' pho" qe wa qid tham: gaung: mae bug gaung khyo" qo" gau" de; lo" shao: yao: bam: qhid' kheim: qid mo" tham: re AsAng be; kho' ke' mung: cao" khe' mo, re laug baui ru: ai: qid tham: mo" mae tau: zaui:12 pye' ava". – Ai: tho' mago" na" re jham phyu zang khyo" , myi" re yao: bam su: nae" khyo dang bao byid' ra" myi: zang khyo"13 yao: bam re khyo jhui" lo: ra". – Nao AsAng yao: Sina bam dao joe" gyo" li" mung: mug: gaung mae" yao: bam re khai yang: dang main: tarha" li jham khang" dao: tarha" , gai lho" mho" shid' dao: we' pin: to" dao:14 yao: bam re byid' ke' ava". – Shao gyang" dug no: ba ne, re nao ceim" shid' mung: ni" daui mung su Moshe lo, mae byid' to: va" pin dao: we' khang" tarha" byid' to" ru15 we' , – Yao: bam moe, shab' yang: mug: tho' mae" cinmain" we' laug zang mo" mae" qid byid' ra". Yao: bam re byid: nae" ga: dao: so: byid' to" mang: din" qo" vao: sang nae" amyin" khyo" to" ava".16 Ai qere: ngonhaung" phug' pho" qe wa ngaid so: au: qao geyang: khang" dao:17 magyo" cao" ko". – Yao: bam: myo, le, mae nao kaid' qhu" ra" mug' pho: ve, lho re mabeim: so: lo: . Yao: bam au: qao: ru we' tau: lhain: yang: jeim kaid' lo va" Egutu mang: khyo dam: tug' nae" ga: au: she ade, dayaug khyin veko". AsAng nao kam" qobo khyaid' byid' ru , nhag' myain" ru we' jeju jhid' myid bo: ru , nhag' lam: qhang: ru we' nhag' myain" ru qhu" byid' ra" Mo"so ngaid: ru mung: yao: bam re mapye' lhae"18 to: . – Ai: tho' mae yao: bam nung: nau" lho sheim" yu mung: ai wa Egutu mang: mae" nao re lhoe' she: lo: Mo"so ngaid: ga: mho ko" mathao nao re nhag' yo: kheim:19 lhau: paui: ke' re lao" , – Ni" qi" qhang: jeju yang ai seyo khain mae yao: bam re ma shepye' lhae" to: . Yao: bam re khyo jhui: nae" na" re" jham thaui: zang we' myi" re yao: bam su" au: yao: bam: khyo dang bao byid: nae" tau: myi" re myi: zang re: ma20 qab pye' byid: . – Yao: bam re mho" shid' nae" ni" gai shab; solo re byid' to" ra". Yao: bam: zo: pho: ma: na' madam: qab; yu lo: . Yao: bam shab' ru baui: nae" qid rere: byid'21 to" ra". – Zin na byid xe lam: lam: magain: mago" caung da" lo mung: yao: bam: ve, mai bau: xug' lo" ru majo, . Khyid jham re:22 qae" jaid: no ga" ru maboe". – Ai tho' mae" jhaung zug: mang: din" jham we' taung bug byumyu" qe re nao yao: bam re byid' to: mung: dadau bin dadau ang: lo: khyo" kho' gae byid' ra". Airu: mung: yao: bam wa Heshabung jhaung zug: Sihon mang: din" we' Bashain jhaung zug: Oga mang:23 din" re qo" lhaid' sang: yu: ako". – Yao: bam: zo: myid: qe re mug: tho' kyi jham ru: myo" laug nhao: ra". Yao: bam: phug' pho" qe we' dao: so: mhai" to" mang: khyo24 jhui" vao yang: sang zo: nhao: ra". – Ai ru mung: zo: myid: qe wa ai: mang: din" re ye" vao: sang: ci mung: ai: mang: khug mae" byumyu" qe we' yao: bam: jhaung zug: qe re nug: khyo: kaid' veshao: mang: sang qe ngaid: ra" Khanain byu qe re yao: bam: myo, le, aung: yu mung: yao: bam lo, mae25 byid' pye' ava". – Ai ru: mung: yao: bam wa vokham" qae: ra" vozang jham , myid xau bo: ra" myid gaung , jo, nho" acao ajab byang" jab; ra" yham jham , thung" kyaung" to" qid thaung: jham , sabyi' khyae jham , xaung" pa khyae jham we' shi: gae myo: sho' qo" yu geyang: yao: bam gyi: gyi: baug baug the' zo" ru we' xau: lo yang: ni" qi: qhang: jeju mae nhag' dag; na: bam ko" ra".26 Ai qere: yao: bam ni" khang dao: magyo" cao" ru we' nao re tau: lhain: yang: ni" tarha" naung phaug' pye' ru we' nao jhao" lhang: lo nae" tau: ni" akhyo sagso: kham: ra" lapa qe re se'pye' mung: gyai27 shaid' bam va". – Ai mung: yao: bam re pyam" yhin" ra" gyevo qe: lo, khyo dai" pye' ra". Yao: bam qug: khai: phau: yang: nao re mho' yao ko" au: mug: tho' mae" tau: byid' ava". Ni" qi" qhang: jeju we' dakhyo: gyevo qe: lo, mae" khyaid' yu nae" khyaid' yu mo,28 gyai nha: thug' nhao va". – Ngaid qere: yao: bam na: gai we' ni" qhid' kheim: tau qobo mau" dam: zaui: so: va". Ai ru: mung: gyevo: yang yao: bam: yham ug; na nae" tau: gyevo qe: lo, khug yao: bam re ke' zaui: ke' ra". Ai ru: kaid' qere: yao: bam nhag' lam: tha" lai: mung: nao jhao" hug' yao: au: mug: tho' mae" AsAng tae" gyo" yu mung:: ni" jeju khyo" alhang lhang khyaid' jhui" yu29 va". – Ni" tarha" khug yao: bam dam: vao: lo nae" tau: yao: bam re mho" shid' qere: yao: bam ngaid; so" beim: gemung: ni" khang" dao: matae" gyo: ko". Kao qo" daui nhao: ra" ni" mho" myain" mho" thoe re yao: bam lhoe" ko" ru we' nhag' lam: kaui30 au: qao: na zo" pe" rere: magyo: ko". – Zin na myo: sho' yao: bam: akhyo zang: yang: yang: ni" solo zhain" na: ra" mathao lapa qe: nhaid' khyo" mho" shid' qere: yao: bam matae" gyo: ko". Ai: mathao ai: mang: mae" taung bug qe: lo, mae nao qhaug' byid' pye'31 ava". – Ai qere: AsAng wa jeju we' nhag' khyag' ra" myid bo: Mo"so ngaid: mathao yang ni" qi" qhang: jeju cao" yang yao: bam re jhaid' za: matam" pye'. Malhaui" to: .32 Ai ru: mung: ngonhaung" Mo"so: dao: ni" qhid' kheim: mavai" za" ru" ru khyo"33 daqu" to: . – AsAng kam" wa ngonhaung" phau: zo" ra" ja: khao: ngo" tau dang main" na: ra". Nao wa gelho: za: kaid' va" ra". Ngonhaung" lam: ni" tarha" lhoe"34 bam va". – Ngonhaung" jhaung zug: qe , khaung: mhao: qe , khin jaung qe , byu kaung ade, qe wa ni" tarha" macao". Yao: bam re byid' to" ra" khang" dao: we' mho"35 shid' dao: jham rere: matae" gyo: ko". – Ni" jeju myid aqi: khyo" yao: bam re byid' to" ra" mang: din" we' myid xau bo mung: dae lae: ra" mug: myid tau qo" the' na qere: . Yao: bam nao re macaung: mada" ru we' yao: bam: qobo kaid' mau" re re: majao"36 malha" ko". – Ana" ngonhaung" jeim byu qe ngaid: bam va". Qo" sang zo: nae" we' gai lho" ra" qhovo: qhoshi: the' zo: nae" tau: ngonhaung" phug' pho" qe re nao byid' to" mang: din" mae ngonhaung" jeim boe"37 byaug va". – Ngonhaung" qobo: mathao ngonhaung" adao ug nhao: to" jhaung zug: qe lam: ai: mang: khug mae" khang: gaug; ru aja: ja: qo" ko" ra". Ngonhaung" gaung khyao adao mae re: gug' nyhug' qe: adao mae re: yao: bam kaid' nug; khyo: kaid' ko" ru mung: ngonhaung" aqug: aqae" za: ana:38 bam lo". – Ai ru: phau: zo: qe re: ngon- haung" dang main" dao: so: to" to: mung: tung" to" ra" ngonhaung" zug: qe , Levi byu qe we' khin jaung qe wa ai: tung" khye' tau so:te' ko" ra" ga: ta" ko" ra".