1 Mo, mo" thaui: geim" qid kham: dung: jao: kheim: tau nhag' lam: dakhe' za: ye qham phaung mung: AsAng: yang Israel byumyu" re mhai" kyab' to" Moshe tarha" tung" paug' yu: li" geri: ga: xam: mag su2 Ezara jhao" mho' ko" ra". – Ai ru: mung: khin jaung Ezara wa lho" mo" nhaid' khye' sao qhid' ba re ba: gyo" ra" zang" qham phaung myiqe: , yaug gai alhab' bam: qhid' kheim: tau ai: tarha" paug' she: thug'3 yang: – Ne, seim no' mae" ru na" gaung: kao" joe" sho' qid kham: dung: jao: kheim: mae" dae lae: jo, qo tau ye: na zo" ba: gyo" ra" myiqe: , yaug gai qe: qhid' kheim: mae nghe' kyo" ru we' mang: byu qe alhab' ai: tarha" dao: kheim: re tae" gyo: ko"4 ra". – Jham: ba pho" Ezara wa yao: bam zhaug' to" tarha" tao" myhao adao mae ye; jo, mung: yao" lo, yo shaid' tau Mathia , Shema , Anai , Uria , Hilikia we' Masia , lo, kaung shaid' tau Pedaia , Meshulam5 jham ye; na: ako". – Ai re" khyo: Ezara wa mang: byu qe alhab' bam: tho' je: myhao: ra" mae ye; jo, zo" mang: byu qe alhab' bam: qhid' kheim: tau ai tarha" tung" paug' re phung" to: yang: phung" ke' ru we' volo6 alhab' to" ye; ako". – Ezara wa qi" qhang: ra" Mo"so re caung: khin" ra". Byu alhab' bam: yao: yaug yao" lo, tau: qang yang: Amen , Amen ga: ta" mung: myid gaung joe" gam" goe, zo" Mo"so re pa" kug' ko"7 ra". – Yeshua , Bani , Sherebia , Yamin , Akub , Shabethai , Hodia , Masia , Kalita , Azaria , Yozabad , Hanan , Pelai jham we' Levi byu qe wa ai tarha" dao: lase" mang: byu qe jhao" pheim: qhu" ako". Mang: byu qe re: yao: yaug yao" jo, qo tau na: bam8 ko" ra". – Ai: khyo: yao: bam Mo"so: tarha" tung" paug' bao bao za: nghe' mung: lase" pheim: qhu" ra" mathao mang: byu qe ba: gyo" ako".9 Mang: byu qe ai tarha" jham: dao: the' gyo: lao" ngug; do" na ko" ru mung: mang: ug Nehemi , jham: ba pho" khin jaung Ezara we' volo byu qe re mho" kyang" na: Levi byu qe wa ana" ba yao: naonhaung" AsAng Mo"so: shao gyang" ba na ne, ngaid: . Ngug; yao" nhag' kaug' ra" khyo daboe"10 ge, ga: mho: ako". – Dam: yao: wa ye" lo" ge, . Min: ru zo: ge, . Cug; nam shaug' ge, . Myaung sho: mo, re gae byid: ge, . Ana" ba wa AsAng: Shao gyang" ne, ngaid: . Nhag' dangai ge, . Mo"so mae ngaui lho" na: ru wa naonhaung" tau: qam: so' mo" ngaid:11 ra". – Ai ru: Levi byu qe re: ce: ba na wa shao gyang" ra" ne, ngaid: ra" mathao sae za: na ge, . Nhag' dangai ge, ga: mang:12 byu qe alhab' re nyam: nhao: ra". – Mang: byu qe wa hau" kyo" ra" dao: ba: gyo: ko" mathao zo: nae" shaug' nae" re: , su re gae zho: nae" re: , gyai ngaui bau: nae" tau: re: ye" lo" ko" ra".13 Shid' ba ein: ba re mang: byu qe alhab' mae" byu myu" ade, qe we' daga" khin jaung qe we' Levi byu qe wa tarha" re tae" gyo" na nae" tau: jham: ba pho" Ezara jhao"14 li" zang" qham: na: ako". – Lho" mo" nhaid' khye' re Israel zo: myid: qe seim zaung poe kaid' nae" tau: AsAng: tarha" paug' tau tung" to" we' dakhyo: Yerusalem vomo"15 tau re: , vo khao: ngo" mae re: , – Zhain- lun kaung , hhu:Je; kaung , Murtu kaung we' xaung" pa kaung lo" yu nae" tau: bam khyo do, lo" ge, ga: Mo"so: yang Moshe re pin: to: va" dao: yao: bam qo" the' myao16 ko" ra". – Ana" mang: byu qe thug' ye: mung: sag' kaung jham yu: lo yang: yao: yao" yham adao mae re: , yao: yao" vang" khug mae re: , pa" jhaung: yham vang" mae re: , qid kham: dung: we' Ephrim kham dung: jao: kheim: mae" dae lae: ra" jo, qo17 tau re: , zaung kaid' ko" ra". – Ai ru: mung: jeim mae" loe; lo: ra" volo mo, byu qe wa zaung kaid' yang: zaung mae na: bam ko" ra". Nun" yao: zo: Yoshu ta mae" ce: ba joe" sho' Israel zo: myid: qe wa ai ru: makaid' qu" shi: ko". Ai: mathao je: ngaui bau: jao:18 ngaid: . – Ai: tho' mae" yao: wa sao qhid' ba mae" daba we' daba poe bin: ra" ba joe" Mo"so: tarha" jham: tung" re phaid' na: ra". Ai: poe re yao: bam nhaid' ba lam: lam: kaid' ako". She' ba ein: ba re tarha" we' din: main: shao gyang" poe kaid' ako".