1 Ai: ayo, re vomo" kham: dung: lao" mabin: kyab' te' shi: vokham" jham bin: qae: lo" we' byo; qeim: byaug; ru bin: kyab' lo" va" akhyo Sanbalad , Tabia , Arab byu Geshem we' ngonhaung" re gye kaid' mo,2 geje the' gyo: geyang: , – Sanbalad we' Geshem wa ngo jhao" logyo: to' ke' mung: gyo" lo ri: Ono lao: khaung: mae" vogaung: datau qhug' lang: ga: ngo re vhain" yu:3 pye' nae" seim" ko". – Ngo khyo" yang re: ngo wa qi" ra" mau" zaui: so: ca" ru mung: maqo" gyo" lo nae" myao: . Nao tao jhao" gyo" lo yang: ai: mau" pe" ein: ba: kaui" nae" ein: yao: tao jhao" logyo: tug' nhao:4 ke' va". – Ai ru: byid lhang ngo jhao" nhao: ke' mung: ngo re: sao qhid' lhang re" khyo:5 za: dam: tug' ke' ke' kaid' va". – Ngo" lhang ein: lhang re Sanbalad wa yao" jeim re nhao: ke' mung: ai: yaug wa so te'6 mathaung" to" tung" khye' bo: li" ra". – Ai: tung" khye' mae bo: ra" dao: kheim: wa nao we' Yuda byu qe wa tau: lhain: genae" ga" ru avai: ayae byu qe ta" na: ako". Geshem re: ai: khyo: ta" na: ra". Ai: dao: we' dakhyo: nao jhaung zug: kaid' nae"7 seim" na: ra". – Airu: mung: Yuda mang: mae jhaung zug: ngaid: ra" ga: ni" akhyo Yerusalem tau hau" kyo: nae" tau: nao lapa jaung: to" ava". Ai: khyo we' tin: yang: jhaung zug: jhao" kyo" ke' ca". Ai: mathao gyo" lo ri: nyhao: daga" ceim" qham: qu"8 gelang: ga: tung" to" ra". – Ngo wa nao ta" dao: dakheim: re: mamain: , ni" nhag' lam: mae mageim: re" myid: pye' ava" ra"9 ein: dam: kyo" ke' va". – Pe" mung: ga" re yao: bam qam: gyug; yang: ai: mau" maqo" zaui" kyab' shao: ga: yao: bam ngonhaung" re kyaug' nhin" nae" yaung: ako". Ai qere: lau dao" yang qam: je: byid' lo: ra".10 Ai: thao ngo wa Mehetabela yao: myid: Delaya yao: zo: Shemaya yham mae yevao: . Ai: au: yao: wa Mo"so: yham pa" jhaung: qe, khug tau ngo tao qhug' lang: . Pa" jhaung: yham kham: pyid' to: lang: . Yao: bam nao re li" se' zai ngaid: . Dang dang ana" myi lao" li" se' gezai va"11 ga: ngo re ta" ra". – Ngo wa ngo ru" yaug phao nae" ngaid: i"?. Ngo we' dau: ra" yaug kao loe, nae" tau: pa" jhaung: yham khag' ba: vao nae". Ngo mavao nae" ein: dam:12 phaug' jhau: . – Mo"so: yang ai: yaug re nhao: ke' ru mangaid: . Tobia we' Sanbalad tao: yang jhain" to" ru mung: ngo re ai ru: ga: pa byid' ra" khyo ngo myao: ba: pye'13 byid'. – Ngo gyaug: lo yang: yao: tao mho: we' dakhyo: kaid' yang: ngo mae qobo qo" lo: ra" mathao byu qe ngo re qobo vhin zo" gaui mho shao" pyao qo" kaid' sho' ga:14 yao: tao ai: lapa re jhain" to" ra". – Nga" AsAng Mo"so we' ai: re" khyo: yaung: ra" Tobia we' Sanbalad rere: , Nodia mang: ra" myiqe: lapa we' ngo re kyaug' nug; ra" getau: lapa qe rere: xam" yu byid: la, .15 Ai re" khyo: ba na ngo" xe: shid' ba myao" thao Elula lho" khye' shid' xe: ngo"16 ba re vokham" qo" bin: kyab' va". – Ngon- haung" gyevo qe ai: lau dao: the' gyo: lao" avai: ayae na ko" taung bug byu qe wa vokham" qo" the' myao mung: qho' gyaug gyaug: byaug veko". Pe" mung: ga" re ai: mau" wa ngonhaung" Mo"so: kheim: so' khyo" yang qo" bin: kyab' ru ba se" yu17 geyang: ngaid: . – Ai: ayo, re Yuda zug: qe wa Tobia jhao" tung" khye' myo: sho' vhin: ke' ako". Tobia mae" tung" khye' re: yao:18 bam dam: qhug' yu: ako". – Pe" mung: ga" re yao: wa Ara yao: zo: Shekhani zomo, ngaid: ru we' yao: zo: Yohanain wa Berakh- ia yao: zo: Meshulam myiqe: zo: vhin" yu: ra" mathao Yuda byu qe myo: sho' Tobia19 we' jho" xo' taui" ako". – Ai: tho' mae yao: bam wa yao: kaid' ra" mau" gai: ra" khyo ngo re ta" kyo: mung: ngo ta" ra" dao: rere: yao: jhao" zhao: kyo: ko" ra". Tobia wa ngo re nhin" nae" ga: ngo jhao" tung" khye' vhin: ke' ra".