1 Hakali yao: zo: Nehemi mung dao: wa Artakhere tao" zaung shid' xe ein: zin Khetala lho" khye' re ngo Shushain: kho"2 vang tau na: na: au: , – Nga" nhaung: Hanani we' Yuda byu qe damyo" li" lo mung: ngo wa jeim mae" qo" loe, va" Yuda byu qe we' Yerusalem akhyo yao: bam re3 myid' qu" re , – Yao: bam wa jeim mae" loe, yang: mang: dau akhug na: thang: gyo" mo, wa qug: khai: kyin" nhaung" , jung" gaui: khyo gyai qhug' ako". Yerusa- lem vokham" jham gyoe; sin" pye' mung: vomo" kham: zang jham re: nga" byi: pye'4 va" ga: ngo re ta" kyo" ako". – Ai: dao: kheim: ngo the' gyo: lao" zaung: jo, zo" ba na gyai myao" sho' nhag' kaug' mo" gyo" yang: ngug; ru we' zo: shaug' jao" zo" tho' zhao" myhao Mo"so jhao" jhaung: mho'5 na: . – Jhaung: mho' thoe wa tho' zhao" myhao mae" AsAng we" nao re jhid' yang: ni" khang" dao: jham cao" na mo, re dao: so: to" to" ru we' nhag' nug' cug yang: qi"6 qhang: ra" Mo"so. – Ni" jeim Israel qe: tau: mae" ni" qhid' kheim: myi" na" jhaung: mho' na mung: Israel zo: myid: qe ngaid: ra" ngonhaung" nao re shaid' lhoe" pye' ra" qobo qi: phoe' qhu" mho' bain" na: au: ni" jeim nga" dao: re tae" gyo: byid: nae" tau: ana" ni" nokhye' phung" yang: ni"7 myo, jid' qu" zhaug' ke' la, . – Ngo re: , nga" amyu" boe: qe re: qobo kaid' bam va". Ngonhaung" nao re shaid' pye' bam yang: ni" jeim pho" Moshe re nao pin: to" khang" dao: , phyo mho" dao: we' tarha" dao:8 kheim: jham re macao" lo: . – Nao lam: wa naonhaung" shaid' nghung: ko" ngaid: re wa naonhaung" re taung bug qe mae kho'9 myhi" pye' nae". – Thao re naonhaung" nhag' lam: dam: lhang: lo mung: nga" khang" dao: cao" ko" ngaid: re naonhaung" myi" sin" lo" ru qhug' ra" mo, wa myid gaung thao" so' myi" sin" jo, qere: ngo yao: bam re sham" zhang" yu yang: nga" mang khyao: to" to: nae" tau: ngo khyin to" ra" jo, qo khyo dam: jhui" lo nae" ga: ni" jeim Moshe we' to" ra" dao: so: re beim" ke'10 wa, . – Ana" cebam wa qam: qi" ra" phung bao we' qam: mo" bo: lo; yang khyi jhui" yu: ra" AsAng jeim , AsAng: amyu" qe ngaid:11 ra". – AsAng we" ni" mang khyao re gyaug phug' ra" ni" jeim ngo we' ni" jeim getau qe mho' ra" dao: kheim: tae" gyo: byid' yu la, wo". Ni" jeim ngo re ana" ba min vhin" ke' mung: ce: jhaung zug' qhid' kheim: mae myo, nho lu nhao la, wo" ga: jhaung: mho' ra". Ngo wa jhaung zug' sabyi' dao jhaug' yaug ngaid: .