1 Ai: au: mang: khug mae" yaug gai myiqe: zo: qe wa yao: yao" mao: nhaung: Yuda byu qe gyai qobo vhin:2 ako". – Damyo" wa ngonhaung" we' ngonhaung" zomyi: , zolau: zo: qe myo: sho' na: bam:. Ngonhaung" kao qo" daui: na nae" qae: zao: kho khai: mae" qo" nae"3 ga: ta" ako". – Damyo" re: ngonhaung" wa ngonhaung" yothaung: , khyae , yham jham re su tau ye ngha: to" bam va". Bao" khug' joe" mung: zo: nam khai: mae" qo"4 nae" ga: ta" ko" ra". – Damyo" wa jhaung zug: re khang: ke' nae" tau: yothaung: , khyae aphug' ngaui bin: mho' yu: pye'5 va". – Ana" ngaid qere: ngonhaung" gaung khyao wa mao: nhaung: qe: gaung dau: ru: ngaid: . Ngonhaung" zo: dau qe yao: bam: zo: dau qe ru: ngaid: . Ngonhaung" wa ngonhaung" yao" myiqe: yaug gai zo: qe re aung: yang: jeim poe" na: bam: . Dang dang ana" lao" ngonhaung" myiqe: zo: damyo" jeim ngaid: na: bam: ra". Su ngonhaung" yothaung: khyae jham sang: pye' ko" ru mung: ngonhaung" pe" re: maba: kaid' lo: .6 Ai ru: ga: yao: bam mho: lo ko" dao: ngo the' gyo: lao" ngo nhag' lam: gyai gyo" kaug' mung: ngo yao: myid: tau" lag; qu"7 yang: , – Agyi qe we' zug: qere khai: qham mung: naonhaung" mao: nhaung: yao: cao: amyaid yu zo" na genhaung mhao" ein: yao: bam re qeim: ke' va". Dam: yao: bam: thao8 volo byu khai: qham mung: , – Taung bug byu qe: lo, mae jeim boe" na: ra" nyhao" mao: nhaung: Yuda byu qe re ngonhaung" qo" aung: qae: khyaid' yu yang: ana" naon- haung" mao: nhaung: qe re dam: aung: zo: ko" i"?. Yao: bam: mao: nhaung: qe mae jeim kaid' na ca" shi" i"? ein: mho: re yao: bam pe" majhau: thug' li" lo: sae za: na:9 bam ko" ra". – Ai mae" ngo re: naonhaung" ceru: kaid' ru magai. Ngonhaung" gyevo ngaid: ra" taung bug byu qe ngonhaung" re gaui: pye' nae" lha" qo: ra". Ngonhaung" AsAng Mo"so re gyaug phug' nhag' lam: we'10 naonhaung" na ca" ko" mangaid: i"?. – Ngo re , nga" mao: nhaung: qe re: , nga" jeim qe re: , yao: bam re ngaui we' gaug zo jhid' byid' ra". Ceru: amyaid zo" ra" khyo to"11 pye' gelang: . – Yao: bam yothaung: , sabyi' khyae , Zhainlun khyae we' yham jham rere: , khyui: sham" yu: ngaui , gaug zo , sabyi' thaug' , xau jham rere: ana" ba yao: dayo bam mae" dabam tug' byid: ge, ein:12 ta" ru. – Yao: bam wa nao ta" we' dakhyo ngonhaung" pe" re: mayu mamho' lo: tug' byid: nae" ga: ta" ko" ra". Ce: dao: so: cao" yang: yao: bam kaid' genae" ra" akhyo khin13 jaung qe re jham tang: nhao: to". – Ai: tho' mae ngo wa nga" bau: qhang ko: na zo" dao: so: mazaung: byu alhab' re yao" yham we' yao" mau" zo" mae" Mo"so: yang ko: khyo" pye' shao: . Ai ru ko: pye' ru khyao qhug' shao: wo" ein: ta" lao" volo byu alhab' Amen ga: Mo"so re caung: ngaui" ko" ra". Mang: byu qe re: dao: so: mhai" to" we' dakhyo: cao" zaui" ako".14 Ai: tho' mago" jhaung zug: Artakhere tao" zaung: ru shid' xe zin mae" sam xe: shid' zin joe" sho' ngo Yuda mang: mae yao: bam: mang: zug: kaid' na qere: ngo we' nga" mao: nhaung: qe mang: zug: zao: kho15 mazo: . – Sao qhid' re" mang: zug: qe re wa khang: khyui zho: mung: cinmain" we' sabyi' qang: rere: , ngaui Shekela byid xe re re: zho" ako". Yao: bam: daui mung mo; yang re: mau" tain" na shi". Ngo kam" Mo"so re16 gyaug yang: ai ru: makaid'. – Vokham" qae: ra" mau" mae ngo khyao na mung: myid gaung mavai. Nga" jeim qe alhab' re: ai: mau" tau za: ceim" zaui: nhao va".17 Avai: ayae mae na ko" taung bug byumyu" gu: mae" ngonhaung" tau li" bang" ra" mae" je yang: Yuda byu qe we' ham" hung: qi: mo, dayo: ngo" xe yaug nga"18 zogai" mae ceim" zo" na: ako". – Ne, qug: seim" nyhang" na: ru wa nung: lo: dadau: , khyin: to" yao khyaug' dau: we' qo, jham ngaid: . Daxe ba dayam" yam" sabyi' qang: aja: ja: jao shi". Ai qhi" gain: lo" qere: mang: byu qe qovin qi: zaui" na ko" mathao mang:19 zug: khang: ngo mamho'. – Nga" Mo"so we" ce: mang: byu qe re ngo zaui: so" mau" zo" alhab' mathao ngo re myid: beim: jeju byid: la, wo".