1 Ai re" khyo: ngonhaung" wa vokham" zhao" to' ra" akhyo Sanbalad' the' gyo: lao" yao: gyai nhag' gyid' mung: kheim laung:2 ru we' Yuda byu qere khyoe' ra". – Qam: mabo: ra" ai: Yuda byu qe wa khoru: pe" ru: qo" kaid' genae". Yao: yao" jo, qo qo" gang" to: genae" i"?. Xeim: ngaui" nae" i"?. Daba re za: qo" pin" genae" i"?. Nga" pye' va" laug baui jham re boe, said bam mae" she: thaid' mung: qo" nyhang" genae" i"? ga: yao" mao: nhaung: qe we' Samari3 gyezo: qe: qhid' kheim: mae ta" ra". – Yao" nhae mae" Amon byu Tobia re: yao: bam zao: to" laug baui vokham" tau zag ne dadau: do, lo lao" byo; sin" pye' zai va" ga:4 ta" ra". – Ngonhaung" Mo"so we" tae" gyo: byid: la, . Ngonhaung" gaui qu" ru qhug' na: bam: . Yao: bam jung" ra" dao: yao: bam: au: dao tug' kai" jo, shao: . Jeim toe' qhug' ra" mang: mae yao: bam lo, lhaid'5 lo, lheim: phau: geshao: . – Yao: bam kaid' shaid' qobo danghoe' pye' byid: . Ni" qhid' kheim: yao: bam: qobo maqo" loe, shao: . Vokham" qae mo; myo, le, mae nhag' no6 nae" khyo: aba: ta" ko" ra". – Ai qere ngon- haung" vokham" qae: to: va". Mang: byu qe qam: ke' thaug' qhao: geyang: vomo" lhang" gam: vokham" tau: yhe' mung: myhao khyo agaung: kho' bin: qae: to: va".7 Yerusalem vokham" qae: pin" lo" ru we' ai: tau byo; qeim: to" mae cao" pho: nyhang" lo: ru Sanbalad , Tobia Arab byu qe , Amon byu qe we' Azug byu qe the' gyo: gelao" yao: bam gyai nhag' yo"8 na gemung: , – Yerusalem vomo" khyo gye li" se' nae" we' anhaung" akhoe' poe" byid: nae" ga: daqam: daqhi qham9 veko". – Ai qere: ngonhaung" wa ngon- haung" Mo"so jhao" jhaung: mho' mung: yao: bam: mathao myi" na" lhaug' su nha:10 to" bam: . – Yuda byu qere: mau" vin qe damyo" qam: yeim" lo" ru we' asaid' amhaid' saung" myo: yang: vokham"11 maqo" qae ga: mho: ako". – Gyevo qere: yao: bam mabeim: maso: na: na: re yao: bam: mo, gaung: khyo ngonhaung" vao mung: gye yese' ru we' ai: mau" phyo' nae"12 ga: mho: ako". – Yao: bam: nhae mae na: ra" Yuda qe re: khyi" khao: ngo" tau li" lo mung: naonhaung" ngonhaung" jhao" de;13 lo geri: ga: alhang lhang li" ta" ko" ra". – Ai ra" mathao vokham" taung gaung mae" nyham: thao" dae: yaung" ra" jo, qo tau lhae , shae , la: ci: ra" mang: byu qere yao: yao" aboe: yham khaung cao" yang: ngo14 jaung: nha: to". – Ai: mau" ada" zo, qu" kin: ca: bin thao agyi , khaung: mhao: , zug: , dang shi" mang: byu qere khai: yu mung: gyevo jham re dagyaug ge, . Qi" qhang: ru we' gyaug pho" ngaid: ra" Mo"so re beim: ge, . Mao: nhaung: myi: zo: yham qo tau: mae" gye se' ge, ga: mho: ra".15 Ai ru mung: ngonhaung" ai: akhyo qo" beim: so: mung: gyevo: tau" da Mo"so: yang phyo' pye' ra" akhyo yao: bam: qo" the' ba yu gelao" ngonhaung" khag' re: khag' vokham: qae: pin" nae" tau: yao: yaug yao"16 lo, zo" khyo dam: ye: gelang: . – Ai: ayo, mae" nga" jeim damyo" mau" kaid' ako". Agaung: kho' damyo" wa lhae , go lung: , la: , jo, to' lam: jham ci: ako". Zug: qe re:17 Yuda byu qe: thao bobo: ako". – Vokham" qae mo, we' mau" vin mo, wa mau" mae qam: phin: ko" ra". Khag' re: khag' dashaid' lo; yang mau" zaui: dashaid' lo; yang sin:18 ci mung: zaui: so" ko" ra". – Vokham" qae mo, yaug nge, shae byao vin mung: zaui" ako". Labo" maid yaug re: nga" nhae mae19 ye; na: ra". – Ngo re: agyi qe , zug: qe , dang shi" mang: byu qe we' mau" qi" ru we' laug; na: . Ngonhaung" dayaug we' dayaug vokham" adao mae gyai jho" kyo:20 ra". – Khojo, qo mae" ngaid ngaid labo" maid thoe gyo: lao" ngonhaung" mae loqham geri: . Ngonhaung" Mo"so wa ngonhaung" tau: gye se' naeva" ein: ta" to".21 Ai re" khyo: ngonhaung" ce: mau" kaid' na: bam: . Byu agaung: kho' wa mug: bo" li" mae" kyi thug' yo, joe" lhae , shae22 makhyo" ko". – Ai: tho' mae ngo wa yaug nge, yao: yao" jeim qe we' daga" myi" re Yerusalem tau yab ge, . Ai ru: lao" jeim qe wa na" re mau" zaui: zo" , myi" re wa tha" yang: yang: zaung" lhaug' byid: geshao:23 ein: mang: byu qere mho: to" ra". – Ai mung: ngo re: nga" mao: nhaung: qe , nga" jeim qe , nga" thao cao" ra" sin: zo: qe wa khag' re: yao: yao" bau: makhyaid' lo: na: ako". Khag' re: gaung cid' re lao" sin: ma khyo" ko".