1
Zo: myid: qe we" Mo"so o ngaui: ru we' dakhyo: myhi" pho" dao: re tae" gyo: ge, myhi" pho" mho dao: gyo" ru wa gai:2
ra" mau" ngaid: ra". – Myhi" pho" qe re phug' myao: ge, ai wa nao na: qo" na: dai mung: ai: mang: din" mae kao qhang sho'3
qo" na nae" tau: mae". – Ni" myhi" pho" re phug' myao: wa, ga" ra" amyin" dao: wa saoqhid' mae" dao: thang: mae bo: ra"4
amyin" khang" dao: ngaid: ra". – Myhi" pho" qe we" yao: yao" zo: myid: qere nhag' dazai" yho: ge, Mo"so o ngaui: ra" khyo: mho" shid mung: caung gam: na ge, .5
Daui mung mo, we" Khristu; dao: re tae" gyo: ko" ru we' dakhyo: gyaug nin" taung" nhag' lam: shid' gao mabo lo: myid- kin: AsAng qe: dao: re tae" gyo" na ge, . –6
Byu qe: nhag' lam: re qo" nhau" pye' ra" mo; qhid' kheim: mae za: tae" gyo" ru mangaid: Khristu; daui mung yaug re"ru: nhag' myid bo taung" Mo"so o ngaui: khyo:7
zaui" na ge, . – Byu qe: tau: mae" daui mung: byid' ru za: mangaid: lo: Mo"so: daui mung yaug re" ru: kao bau taung" daui daui8
byid: ge, . – Gai: ra" mau" re kaid' ra" yaug kam" wa jeim ngaid qere: , mangaid: qere: Mo"so: lo, mae" jeju the' yu nae" ngaid: ein:9
ba ge, . – AsAng qe we" kyaug' nhin" ru makaid' lo: zang: qhao" mung: naonhaung" daui daui mo, re aire" khyo: kaid' ge, . AsAng wa mug: gaung: dao mae na yaug ngaid: ra". Mo"so wa khag' myo, nho rere: makhyin yaug ngaid: ra" rure beim: ge, .10
Mao: nhaung: qe we" lo" thao" khyo" naonhaung" re ta" nug: ru wa Mo"so: phung bao qam: o" yang qam: phao" gang"11
tang: na ge, . – Yui satain: ju" phyo' mho" pyag' ra" khyo jham re qo" vha: pye' nae" tau: Mo"so byid' ra" gye khyung re ve; ci12
ge, . – Khoru: ga" re nyhao: nhaung" wa sa: sho: bo: ra" gye re mang: zin" na: ru mangaid: mug: le; phyo: mae" makhy- ang" ra" solo jham we' re: zug: qe we' re: kheim: so' qo" ra" mo, we' re: ce: mug: caid' myid gye, re ug: ra" mo, we' re: gye13
jho" khe' na: ru ngaid: ra". – Airu: mung: magai makhyang" qug: qae" ra" ba na ayo, abain: re qo" tam" kham" pye' nae" tau: we' thaug' qhao: nae" tau: Mo"so nyhang" byid' ra" gye khyung sin: re yu: ci ge, . –14
Aimung: naonhaung" phyid' dam: mae dao:so: zaung: ga" ra" phyid' cui: re tang za: cui" ci mung: din main" ru ga" ra" qao15
nghoe' nghoe' ci yang: – Yaug yo: ru we' tin" ra" ngaui bau: lau dao: re ta" hau" kyo: nae" seim" nyhang" ci: ra" ein nae" khyid zhaung: zhaung" ci mung: thang" qhao" na16
ge, . – Alhab' mo; geim" lam jang" ra" ga" Go khao: re zaui" zag: ci ge, alao" satain: bag: ke' ra" myi: shae sin: jham re qo" se'17
pye' li" genae". – Khyaid' yu: ga" jo, to' maug rere: Mo"so: mung dao: ga" ra" Solo:18
lhe' shae rere: yu: ci ge, . – Ayo, akhin: khao: ngo" nhag' kao" vao" taung" jhaung: mho' yao: ra" khyo aja: ja: khyo" jhaung: mho' ge, . Aire" ru: jhaung: mho' ru mae qam: mashain lo: ngo mae" du shao gyang" mo, alhab' bam: tau: mae" jhaung: mho'19
yang: gam caung: na ge, . – Ngo wa ngaui bau: lau dao: ta" kyo" ra" mathao mae shae khyang: yang taui" to: qhug' ngaid20
qere: logyo: mau" re zaui" na mung: . – Ai: tarha" no; thao" lase" re qo" pheim: kyo: nae" we' nga" nhaid' thoe khyo" vae" vae" za: qo" ta" kyo: nae" akhang" kheim: so' qam: o: qo" yu nae" tau: re: ai: tarha" re ta" kyo: ang: ru we' dakhyo: vae" vae" za: qo" ta" kyo: nae" nga" tau: jhaung: bao" mho' byid' na gela, .21
Ngo khoru: ngaid: na: rure naonh- aung" qo" ba: yu genae" tau: AsAng: mau" mae lam: lang" vin tang" ra" ngo jhid' ra" mao:nhaung: Tukhiku' wa nga" akhyo jab sho' naonhaung" re li" ta" kyo" li" nae". –22
Ngonhaung" akhyo re naonhaung" ba veshao: . Ta" kyo: qam: byid: nae" tau: ngo yao: re naonhaung" jhao" nhao: ke' ra".23
Mao: nhaung: qe mae yaug yo: ru jo, veshao: . Mo"so we' Yesu Khristu, byid' ra" lam jang" myid we' jhid' kao: myid jo; na24
veshao: wo". – Ngonhaung" AsAng Yesu Khristu re dang dang jhid' de; na ko" ra" mo; dao mae yao" jeju ajo, na shao: wo". Amen.