1 Qhid' phyao: naonhaung" wa myid kin: tarha" re cao" gemung: mug: le; phyo: mae" qam: so' bo: ra" solo jham re ug: ra" yaug:2 mho dao: re tae" gyo" lo: aveko". – Mo"so: mho dao: magyo" ra" mo, re makhyang" shaid' ug: na: ra". Aire" ru: mho dao: magyo" ra" qobo mae shid: na: naonhaung" re Mo"so3 wa kao daui nhao va". – Ai: ju" phyo' mo, we' daga" nyhao: nhaung" alhab' lai: lo" va" abain: mae gaung sho: shaid' ra" khyo, gaung sho: o ngaui khyo mae za: cao" lo: bam va". Dang: jo; ra" mo, geje qere" ru: nhag'4 gyid' ru phau: nae" mo, boe" ra". – Ngaid qere: nhag' myain" myid byang" sheim sho' bo: ra" Mo"so wa gain gin makhin" ra"5 nhag' myid khyo" yang – Shaid' nghung" qobo mae shid va" mo, boe" na va" nyhao: nhaung" re Yesu Khristu we' daga" kao daui nhao va". Jeju khyo" yang za: khyaid' yu:6 khyo joe" bam va". – Yesu Khristu khyo" yang nyhao:nhaung" re taui: to" ke' mung: mug: gaung: mang: mae na jo, qo byid:7 va". – Khoru: ga" re ai: AsAng Khyo" yang nyhao:nhaung" mae jeju kaid' yang: thao: bang: mae myain myain za: na nae" tau: jeju8 khyo" yang bao: qhu" nae" ngaid: ra". – Lam jang" ra" ru:yang jeju khyo" mung: khyaid' yu: ru qo" ra". Yao: za: yao: qo" ru mangaid:.9 Mo"so nhag' myain" yu: ru angaid:. – Yao: yao" gai shab: ra" mau" kaid' yang: khyaid' yu: khyo qo" ru ma ngaid: aimung: khoyaug10 re: ngaid beim: nae" khyo majo,. – Pe" ru: i"? ein: re nyhao:nhaung" wa gai: ra" mau" zaui" na nae" tau: Yesu Khristu, khug mae phain: ke' ru qhug' mo, ngaid: bam va". Ai:gai: ra" mau" mae cao" pyang" na nae" tau: Mo"so wa nyhao: nhaung" re nyhang" kin: yu: ava".11 Qhid' phyao: gaungsho: khyo" ga" re naonhaung" wa taungbug qe ngaid ko" rure beim: ge, nyaug phyid' khyo re khae: yu: ra" mo, wa naonhaung" re nyaug phyid' khyo makhae: yu mo, ga: mhang" ako". –12 Ai: ayo, mae naonhaung" wa Khristu re maba , Israel mo, thaui: mae mabobo , dao: so: bo: ra" khang" dao: we' matin: , myid: nghae" jao: majo, myid gye, mae Mo"so re maba lo: za: na: qin" ru re myid: beim:13 ge, . – Genhae" wa naonhaung" Mo"so we' va" lin: ko" qere: ana" kam" Yesu Khristu; sa: khyo" yang te' za: joe" na: aveko".14 Khoru: ga" re ai: AsAng wa agyo: mae gye myain myhain" byid: yaug ngaid: ra". –15 Khristu wa byu shid' ja: re yao: we' dajham za: boe" nhao yang: byu sag' daja: re myhung" ke' nae" tau: mae" Yuda, qe: cao"16 khyao li jham re yu: pye' ava". – Khristu wa yao" gaung re pyao: zang mae jin" se' qhug' ra" khyo" yang yao: bam yao: cao: majho" vang" rure yu: pye' byid: mung: ai: byu shid' ja: re daboe: za: boe" nhao yang: yao: bam re Mo"so jhao" jhui" vao17 lo: ava". – Ai: Khristu gyo" li" mung: va: mae na ko" ra". naonhaung" rere: , jhao" mae na: ra" ngonhaung" rere: nyang vang" nae" tarha" ga" ra" ngaui bau: lau dao: re18 hau" kyo" ra". – Ai: Khristu; mathao: yang nyhao: nhaung" shid' ja: wa nhag' myid Solo dajham za: boe" mung: pho"jhao" qui" vao ye: nae" akhang" qo" bam va". –19 Aimung: nao nhaung" wa taungbug byu mangaid: , bang" vo re: mangaid: , shaog- yang" byu qe: mo, cao: qe ngaid: aveko". Mo"so: yham khug: byu qere: ngaid:20 ako". – Khoru: mung: ga" re naonhaung" re: logyo: qe we' lapa qe zao: qhid: to" ra" yham kyae qao: adao mae dam: xo' zao21 mo, ngaid:. – Yesu Khristu wa ai: yham mae" lo" je: yhau: gyin" thao" ra" yham jheim mae" laug baui ngaid: ra". Ai: laug baui wa dayham: geim" re zaui" tang: ci mung: qi" qhang gang" tang: ru we' shao gyang" yaung" lho" ra" Mo"so: pa" jhaung:22 yham boe" lo: ra". – Ai: pa" jhaung: yham mae re: Mo"so wa shao gyang" Solo li" ab' laung" na nae" tau: naonhaung" re: ngon- haung" we' daga" ceim" zao: to' na: bam: ru ngaid: ra".