1 Naonhaung" wa Mo"so: jhid' de; zo: dau qe ngaid ko" ru: yang Mo"so we'2 dau sho' na ye, qo: ako". – Khristu , wa nyhao:nhaung" re jhid' de, yang: Mo"so: qhid' kheim: mae sheim nae pyo: nae" tau: yao" gaung re qhaug' ngaui" byid' ra". Nyhao:nhaung" tau: qhaug' re" ru: naon- haung" re: jhid' myid mae na: na ge, .3 Magai: ra" phavae mau" aja: ja: mae mhin shab' au: am" ra" anyain: avho: ru , myo, nyaid: ru , shove, za: ru ru" jham re shaogyang" mo, jao" lha" ru we' dakhyo: dao: kheim: khyo" yang re: danghin" dajhau4 ge, . – Madau made; ra" kheim: co' lab: rure lha" jao" mung: jeju caung" ra" dao:5 kheim: jham re za: ci yhung: ge, – Magai: ra" phavae mau" zaui: yaug madau made; ave, so' kho' myo, nyaid yaug sulho goe; pa" yaug ru" mo, wa Khristu we' Mo"so: mang: din" Ma re maqo" khae: yu: rure6 naonhaung" ba: ako". – Dao: kyo' mabo: dao: kheim" yang khag' re: naonhaung" re mamhug' sham" veshao: ai: mau" yang Mo"so nhag' gyid' ru ngag: ha: pye' mo;7 adao mae joe" nae". – Airu: mung: ai ru" mo, we' dazam" dakhug ge, .8 Qhid' phyao" bain: mae naonhaung" wa mug: caid' khug mae na: lo mung: ana" kam" wa Mo"so: bo" bao khug mae bo" bao9 zo: qeru: na ge, . – Bo" bao: so' ha" wa gai shab ve, vin: ru , dang main" ru , dao: so:10 zaung: ru ngaid: ra". – Mo"so o ngaui: ru11 pe" ngaid: rure mho" xeim: na ge, . – Mug: caid' khug mae na ko" ra" mo, kaid' ra" lo, mau" zo" jham re macao" kaid' lo: ai: mau" jham re qobo re pheim: ca: qhu" ge, .12 Khoru: ga" re yao: bam: anyham: avho' mae kaid' ko" ra" lo, mau" jham re ta" nae" lao" re: gyai yao: aqho' axag' ngaid: ra". –13 Qobo re the' myao: ru alhab' wa bo" bao: yang ngaid: ra". De: de: za: myao nhao: ru14 alhab' re: bo" bao ngaid: ra". – Airu: mung: yab mo" myid' na yaug so: wa, se, shid: ru mae" daui: to" wa, airu: kaid' lao" Khristu, nao re bo" bao byid' li" nae" ga: mho: ra".15 Aimung: juyi mabo yaug ru: mangaid: juyi bo yaug ru: ada" zo, zo, za: qo" cao"16 nae" tau: beim: so" na ge, . – Ana" ceyo, cebain: wa vai" mo" magai: bain: ngaid mung: ayo, akhin: re ba: kho' khaui: khyin:17 yu: na ge, – Airu: mung: mabeim: maso: na yaug ru: mangaid: lo: Mo"so o ngaui: rure ba: kho' khaui: mo, boe" na ge, . –18 Yhid dashaug' yid ge, zo" ze shaug' ze: ru dakaid' ge, shaogyang" Solo mae lam:19 lang" taung" na ge, . – Naonhaung" mae yao: cao: Solo shaid' mae ceim" nghaui" na mung: nghaui" myain" nghaui" thoe aja: ja: khyo" AsAng re naonhaung" nhag' khug20 khyo" nghaui" caung: khin" na ge, . – Ja: cao jab mae naonhaung" wa Yesu Khristu; mang re lao: yang: khonhae" re: Mo"so:21 jeju re caung: khin" na ge, . – Naonhaung" wa khristu re phug' myao: mo, ngaid ko" ru: yang dayaug: o dayaug nyham: khyo" mung: na ge, .22 Myiqe: qe we" Mo"so ug: gam: ru re khae: yu: ru we' dakhyo: yham sang pho"23 qe ug: gam: rure khae: yu ge, . – Khoru: ga" re Khristu, wa phung" adao mae au: ngaid: ru we' dakhyo: yaug gai re: yham sang myhi" au: ngaid: ra". Khristu re: yao: yao" gaung khyao: re khyaid' yu: ra" yaug24 ngaid: ra". – Phung: wa Khristu ug khang" rure khae: yu ru we' dakhyo: myiqe: qe re: yham sang pho" ug: ru aja: ja: mae goe, vao25 khae: yu ca" ra". – Yaug gai qe we" Khris- tu wa phung: re jhid' de; ru we' dakhyo: naonhaung" re: yao: yao" yham sang myhi"26 qere jhid' de, ge, . – Khristu wa yao" kao re dain: pye' ru: yang phung: re cid' shao: pye' va" mungdao: qid we' cid' pye' byid: mung:27 Mo"so re qhaug' byid: mung:. – Ai: phung: wa gyang" shao: ru we' pe" qo mabo anyain: avho: mamung anyhaung ajhoe' mamung lam: malang" ru mabo lo: yaung" lho" ru we' Khristu yao: re qhaug' byid: nae" tau: ngaid:28 ra". – Aire" ru: yaug gai wa yao: yao" gaung re jhid' de; ru we' dakhyo: yham sang myhi" rere: jhid' de, ca" nae". Yham sang myhi" re jhid' de; ru wa yao: yao" gaung re jhid' de;29 ru ngaid: ra". – Yham sang: gaungsho: re nghang" ru khag' mana. Khristu wa phung: re qu" gam caung da" ru we' dakhyo: byu alhab' re: yao: yao" gaungsho: ba: caung30 da" ako". – Gaigai: yao: nyhao:nhaung" wa Mo"so: sa: , sho: , sho: qug: , sho: qae, jham ngaid mung: AsAng: gaung khyao jham31 ngaid: ra". – Aire" khyo: yaug gai wa yao: yao" myhi" pho" re to: co' mung: yao" yham sang myhi" we' zam" khug na yang: yao: shid' zo: wa dagaung dasho: za: boe" byaug:32 li" genae" ga: mho: ra". – Cejham wa no; thao" ra" dao: kao jham ngaid:. Ce ru: ein: ta" ru wa Khristu we' phung: re qang yang:33 ta" ru ngaid:. – Aimung: naonhaung" yaug khao: ngo" wa yao: yao" gaung re jhid' de, ko" re" ru: yao: yao" yham sang myhi" qere jhid' de, ge, . Myiqe: qere: yao" yham sang pho" re phug' myao: ge, .