1
Khai: yu: ra" jeju re naonhaung" qhug' veko" ru we' main: qi" ra" khyo: ba: na ye, genae" tau: Mo"so: mathao mae kyam: lhaung" qhug' ra" ngo Po"lu wa nao- nhaung" re nhug' peim" ke' ra".2
Ja: khao: ja: ngo" mae nhag' lam: nyham: khyo" ru , nau" nhae" ru , nhag' lam: qhang taung" ra" jhid' myid we' dayaug3
we' dayaug zang: qhao" na ge, . – Mo, thaui: akhug mae nyang vang" na mung: yao: cao: nhag' lam: magao: malin lo: dadang: dashaug' za: ngaid nae" tau: qam:4
ke' ge, . – Naonhaung" re khai: yu: ra" ga" ru we' tin" ra" myid: nghae" khyo dakhe' mae za: khai: vhao" yu: ru we' dakhyo: gaungkhyao dalam: we' Solo daso mae za:5
ngaid: ra". – AsAng dayaug lam khug khyo dakhe' , Babtizan: daja: , nyhao:nhaung" alhab' pho" ngaid: ra" Mo"so wa daso za:6
na: ra". – Ai: AsAng wa nyhao:nhaung" alhab' dao mae na: ra". Nyhao:nhaung" alhab' rere: byo: sin" na nhao: ra". Nyhao: nhaung" alhab' akhug mae re: na: ra".7
Ngaid qere: Khristu, jhaung qhu" byid' ru we' dakhyo: nyhao: nhaung" wa yaug8
nge, jeju re qo" khae: yu: bam va". – Ai we' dakhyo: jham: tung" mae bo: ru wa yao: wa myhao: ra" jo, qo khyo do, lo" ra" au: kyam: laung" byu myo: sho' re jhui" do, lo" mung: yao: wa Sosu byu qere jeju jhaung9
qhu" byid' ra" ga: bo: ra". – Ana" yao: dam: do, lo" ga" ru wa yao: wa nyham: thao" ra" myid gye, khyo saoqhid' gyo" li" rure ta"10
ru ma ngaid: i"?. – Airu: gyo" li" yaug wa getau dayaug mangaid: mug: gaung myid gaung alhab' mae yao" phung bao we' byang" nhao nae" tau: mae" mug: gaung: adao lai sho' do, lo" ra" yaug ngaid: ra". –11
Khristu ; gaungkhyao re zhaug' tang mung: phung: mau" zo" re ba: zaui: so: genae"12
tau: – Shaogyang" ra" mo, re nyhang" shaung yaung" to: nae" tau: ai: AsAng wa byu damyo" re logyo: jo, qo mae, damyo" re lapa aya: , damyo" re sosuna mau" zaui: nae" aya: , daqhae: re phung: ug mho" pho" jo, qo mae zhang: nha: to" ra".13
Nyhao: nhaung" alhab' wa lam khug: ru mae re: , Mo"so: yao: zo: re ba se" ru mae re: , dadang: dalam: za: boe" mung: Khristu; lam: lang" ra" azhao" mae myhi: ra" qi" qhang: ra" zoqao" qe boe" nae"14
ngaid: ra". – Airu: mung: nyhao: nhaung" wa zoshao za: maboe" na nae" we' byu qe: mashab makhyang" ra" mho" pyag' dao: alhab' bau yu bau khyaid' bada: basin:15
maboe" lo: za:, – jhid' de; myid we' dang main" ra" dao: re za: jhau mung: au: ngaid: ra" Khristu mae ja: khao: ngo" qi" qhang:16
lo nae" ngaid: . – Ai: au: lam: mae" adau gaung khyae: jham wa qam: byang" li" mung: adau jham wa dagaung za: boe" yang: yao" mau" yao: zaui" na ko" we' dakhyo: yao: yao" gaung re jhid' de; myid mae qi: qhang nhao: li" nae".17
Airu: mung: naonhaung" wa nhag' myid mae pe" dao" manghae" lo: kao daui: na ko" ra" taungbug byumyu" qe re" ru: kao madaui genae" tau: Mo"so: mang18
re lao: yang: ta" peim" ke' ra". – Aibam wa au: naug: sozo: madu: myo, mabung" nhag' caid' no: yaug geyang: pe" maba mase" mung: Mo"so byid' ra" kao we' va"19
lin: na: ako". – Airu" mo, wa gyaug qho' ga: ru mabo, myho, nyaid o: byid: ru mae qam: qi: mung: anyain: avho: mau" re qam: ke' cao" zaui: nae" tau: yao: yao" gaung re shab' mhin: ra" phavae mau" zaui" ra" lo,20
mae qhaug' pye' ako". – Airu: boe" veshao: ga: she, naonhaung" wa Khristu; tarha" re mamho" xeim: yu ko".21
Lai: lo" va" ayo, mae lhau: lhag' na ko" ru wa phyo' qheim" ra" so' kho' o: byid:22
myid: yang – Bab: lo" ba: ra" byu xug' akhyao re khyaid' shao: pye' mung: nhag'23
lam: asag' re qo" yu mung: – Jo: ra" dang main: shaogyang" ra" ave, khyo" AsAng we' daga" phain: qhug' ra" byu sag' ave, re24
qo" ve; ci nae" tau: – Khristu; dang main" tarha" jo; ru we' dakhyo: ai: AsAng mae25
mho" xeim: yu veko". – Airu: mung: da mhug' vhain" lo: ge, nyhao: nhaung" alhab' mo, wa Khristu; gaungkhyao mae" adau gaung khyae: jham ngaid: ru: yang yao: cao: dang main: ra" dao: za: jho" jhau: na26
ge, . – Naonhaung"nhag' yo: mung: qobo dazai" boe" ge, ba gyam sho' nhag' dayo: . –27
Nhag' yo: mabaui: lo: ba dazai" vao ge,28
satain: re jo, qo daqhui" ge, . – Ba: khug' yaug wa dadam: khug' lo: , myaung sho: mo, re byid: gae ja: qo" nae" tau: mae" yao: yao" lo; yang gai: ra" mau" re qam: phin:29
zaui: so" na ge, . – Maca' majhaid' kheim: co' dao: naonhaung" nhaid' mae" dakheim: re: dazai" thug' ge, . The' gyo" ra" mo, so' ha" qo" nae" ja: no: gyo: yo nae" dao: re za:30
jhau: na ge, . – Khyin: yu nae" ba na joe" sho' naonhaung" re so: te' kaid' to: byid' ra" Mo"so: shao gyang" Solo re nhag' dakaug'31
nhao ge, . – Nhag' lam: lang" ru , nhag' yo" ru , zag: hug' yang: kyaug' nhin" ru , su re gaui de; qho' phau: sho' ta" ru , ja: nam jab alhab' re myid nug' ru jham re naon-32
haung" yu: lhaui" pye' ge, . – Nao nhaung" yao: cao: jeju kaid' ru , nhag' jho" myain" ru , Mo"so wa Khristu; mathao mae naon- haung" qobo re lhoe' byid' ru we' dakhyo: naonhaung" yao: cao: qobo re jho" lhoe' byid: ge, .