1 Ai: akhyo jham: yang ngo Po"lu wa Yesu Khristu, we' tin" ra" khyo" yang2 kyam: lhaung" qhug' ra". – Naonhaung" so' ha" re myid yang: ngo re qhaug' byid' ra" Mo"so: jeju sosuna re naonhaung" the' gyo: veko" we' dakhyo: taungbug byumyu" qe ngaid: ra" naonhaung" mathao: yang3 ngo phau" ru ngaid: . – Mo"so wa yao" no; thao" myid: yaung: to" ra" akhyo ngo re de: de: za: qhu" byid: va". Ce: akhyo we' tin: yang: ngo lang" ra" khyo" tung" khye' re4 tung" ke' va". – Ngo tung" ke' rure naon- haung" phaid' qu" ko" ngaid: re Khristu, no; thao" myid: yaung: to" ra" akhyo re ngo ba: gyo" ra" yaug ngaid: rure naonhaung"5 qo" ba: yu: li" genae". – Ai: no; thao" myid: yaung: to" ein: ru wa qhid' phyao: Sosu byu qe re maqhu" byid: shi: ngaid: ra".Ana" kam" Mo"so wa ai: akhyo re shao gyang" ra" logyo: qe we' lapa qere shao gyang" ra"6 Solo khyo" qhu" byid' ava". – Ai: no; thao" myid: yaung: khyo ga" ru wa taungbug byumyu" qe ngaui bau: lau dao: khyo" yang Yuda, qe we' daga" Ma khae: yu mung: dajham dagaung za: boe" mung: Khristu we' tin" ra" dao: so: mae qo" zam" na: ru7 ngaid: ra". – Phungbao qam: o: khyo" yang byid' ra" Mo"so: jeju re qo" khae: yu: ru we' dakhyo: ai: tarha" re hau" kyo: nae" mho"8 pho" khyo" ngo boe" va". – Matho' ca: qu" lo" ra" Khristu; jab byang" ngaui bau: lau9 dao: re – taungbug byumyu" qere re: ta" kyo: nae" tau: na nam jo; nam alhab' re Khristu khyo" yang phain: to: mung: Mo"so mae mug: thug' sao peim mae" nyham" to" ra" no; thao" myid: yaung: to" jham we' tin" ra" Sosuna wa pe" ru" ru ngaid: rure byu alhab' bam: myao: ba nae" tau: shao gyang" ra" mo, mae ngai: thao" ra" yaug tho' ngai:10 ra" ngo re ai: jeju byid: va". – Pe" mung: ein: re ngonhaung" AsAng Yesu Khristu, re qang yang: apyaid ato: tau" da jo; ru we'11 dakhyo: . – Mo"so wa apyaid ato: tau" da jo; ru we' dakhyo: mug: gaung: dao mae" qi" thao" ra" ham" hung: jham we' Mo"so: gekai: lai juyi re ana" ba phung: khyo" yang12 qo" ba nae" ru ngaid: ra". – Ai: AsAng re lam jang" ra" khyo" yang nyhao:nhaung" wa Mo"so: qhid' kheim: khyo vae" vae"13 za: qo" vao ye" ra". – Aimung: naonhaung" nga: lho" nae" tau: ngo qhug' ra" qug: khai: jham: mathao mae naonhaung" nhag' lam: mabyo, genae" tau: ngo mho' ke' ra".14 Tho' mae ta" lai: lo" va" akhyo jham:15 yang – Mug: gaung: tho' myid gaung: dao mae na: ra" dajham za" ajhaung ngaid: ra" nyhao:nhaung" AsAng Yesu Khristu pho" Mo"so: qhid' kheim: mae ngo wa paid' thaug' thaug' mung: jhaung: xe: mho'16 na: . – Jhaung: xe: mho' ra" akao wa naon- haung" aung khug: nhag' lam: qam: bo: li" genae" tau: Solo khyo" yang naonhaung" re qam: so' byid: veshao: ein: ngo Mo"so mae"17 jhaung: xe: mho' ra". – Ai wa lam jang" ra" khyo" yang Khristu wa naonhaung" nhag' lam: khug mae yao" na jo, qo toe' veshao:18 ngo jhaung: mho' ra". – Naonhaung" wa shao gyang" ra" mo, re" ru: apyi , azhaung , amyhao , aqhang jham re ba: kho' khaui:19 nae" tau: re: – Yao" au: naug: sozo" yang maqo" tho' ba: ra" Khristu; jhid' nhag' re ba se" nae" tau: re: naonhaung" wa qam: o: bo taung" Mo"so: lam: lang" jab byang" ra" akhyo mae tang: na genae" tau: ngo jhaung: mho' ra".20 Ngonhaung" aung khug mae mau" zaui" na: ra" yao" qam: so' khyo" ngo-nhaung" mho' ra" ja: we' myid: ra" ja: tho' je yang:21 qo" boe" byid' ra" Mo"so wa – Yesu Khristu khyo" yang ai: phung: mae yao" phung bao wa apyaid ato mae qi" qhang gang: tang: jo, veshao: wo". Amen.