1 Ngo wa yug: no qobo saung" xo: byaug va". Zin vao kheim: mae phyo' ra" pho' ham" shi: re" ru: , cao" gaug: ra" sabyi' shi: gyo" jham re" ru: boe" byaug va". Zo: nae" sabyi' shi: pau: dapau: re: majo, sao qhid' mhang" ra" pho' ham" shi: ngo2 myid: nghae" ra". – Din: main" ra" mo, wa myid kin mae" byaug: lo" byaug veko". Mang: byu jham mae nhag' myid din" ra" mo, dayaug re: mana lo: , byu: kao re se' lhang" lhang" ba: ako". Dayaug we' dayaug taui: khae lha" khae mung: jho" kung" ba:3 ako". – Qobo mau" kaid' nae" tau: jin" jin" ngaid ko" ra". Zug: qe wa jhaung qhu" mho' ba: ako". Tarha" agyi qe wa khug vag: mho' zo: ba ko" ra". Su geje tho' aya: kheim: so' qi" ra" yaug wa yao: nhag' lam: kaui: ra" khyo re phung" qhu" ra". Ai re" ru: yao: bam nhag' myid dagau: khyo" za: kaid' ba:4 ako". – Yao: bam mae je: gai: ra" yaug wa zau: gae ru" ru nhag' lam: je: din" ra" yaug wa zau: khyae tho' je: qug' ra". Ni" lhaug' zaung" mo, wa beim: nae" ba na we' nao re ca: qu" nae" ba na joe" lo va". Yhin" pyam"5 nae" ayo, ngaid va". – Ni" ba nam sang: tin: re damyid: lam" , ni" yham sang myhi" re re: magai: lam" mung: ni" nhaid' pyid' to:6 wa, . – Khoru: ga" re yao: zo: wa yao: pho" myo, nho nga: lao: khyoe' li" nae". Zomyi: zo: wa yao: myhi" re re: , dau mo" wa yao: na re gye tug' she genae". Yao: yao" gyevo wa yham byu ma" ho' ngaid: li" genae".7 Ngo kam" wa Mo”so re myid: nghae" nae". Ngo re khyaid' yu: ra" Mo”so mae khug ngha nae". Nga" Mo”so wa nga" dao:8 thoe re gyo: byid' li" nae". – Gyevo we" nga" akhyo re daqu" ngaui bau" na , Ngo wa lang: qere: dam: to" nae". Caid' no, khug mae zaung: na: jo, ngaid qere: Mo”so wa nga" bo" bao boe" byid: nae" ngaid: . –9 Ngo Mo”so re shaid' nghung: va" mathao mae yao: nga" akhyo re ca: qu" mung: Tarha" dao: phyid' ra" ayo, ba na joe" sho' ngo zang: qhao" khae: yu nae". Yao: ngo re bo" bao she: thug' mung: yao" din: main" khyo re ngo the' myao: ba: yu: li" nae". –10 Ai: au: ngo re gye kaid' ra" ai: akhyo re the' myao mung: ni" Mo”so khai: na: i"? ga: ngo re ta" ra" myiqe: wa qho' phau: nae" ngaid: ra". Yao: mae ngo nhag' jo, yo nae". Yao: wa hau" mo" khyo mae" tham: bab: re" ru:11 zab: nhaug' pye' ru qhug' li" nae". – Ni" vokham" kyae" nae" ayo, joe" li" nae". Ai: ayo, ni" mang: din" mug: kyo: je: lae: li"12 nae". – Ai: ayo, akhin: mae Asuri mang: we' Egutu mang: mae" re: , Egutu mang: we' qid zang gyaung" agyo: mae" re: , qid dae yae khyi" khao: ngo" mae" re: bam mo" qao: khyi" khao: ngo" mae na: myi" na: ra"13 mo, nao jhao" zang" lo: li" genae". – Ngaid: qere: ai ru: maboe" shi: re mang: byu qe zai" shaid' ra" qobo: mathao mae mang: din" byu mana ce: jhug tag boe" nae".14 Karamela bam yo qao" khug mae yao: za: na: jo; ra" ni" jo, nho" yao phung: re ni" lhae daung" yang gug: gam byid: la, . Bashain: we' Gilaid' mang: mae qhid' phyao:15 mae" re" ru: gyo, zo: nhao byid: la, . – Nao Egutu mang: mae" thug' lo: ba mae myao va" ru" ru dalhang mug' pho: mau" jham re16 ngo qhu" nae". – Labug: byu myu" qe wa nga" byu myu" qe mae phung bao kheim: so' khoqhi" bo: ru re myao mung: mug' hao" byaug: li" genae". Yao: bam wa nhaid' lo; yang nghoe' jhid' pye' ru we' no: jid:17 byaug genae". – Yao: bam wa lhao maui re" ru: phaui: lhug re yo, zo: mung: vo, dai re" ru: ko, ko, nin" ru khyaung mae" thug' li" genae". Ngonhaung" Mo”so re re: nao re re: gyaug phug' li" genae".18 AsAng we' dau: ra" Mo”so khag' khoy- aug na shi" i"? Yao: wa dang: na shi" ra" yao" dai kham amyu" qe: qobo re khyaid' pye' mung: nhag' myain" ru re o ngaui: ra" mathao mae khonhae" re: nhag' yo" na19 yaug mangaid: . – AsAng wa ngo re nhag' khyag' shogu: mung: ngonhaung" qobo re zab: lhoe" lai: lo" nae". Ngonhaung" yug: no qobo re no; thao" ra" qid dae mo" khug khyo sham" khyo" pye' zaui: pye'20 li" nae". – Genhae" geco' ne, mae" mung: ngonhaung" phug' pho" qe re dao: so: dang: to" ru we' dakhyo: Yaku' mae dao: so: zaung ru Abraham re nhag' myain" ra" khyo re lhoe" pyang" byid' li" nae".