1 Ana" lo" thao" ra" ta mae Mo”so: yham jo; ra" bam wa bam zo: bam zang tho' je: myhao: li" nae". Byu myu" cao jab wa ai:2 bam khyo zang" ham: lo: li" genae". – Byu myu" myo: sho' mo, re: li" geri: , Mo”so: bam Yaku' amyu" Mo”so: yham khyo do, ye: gelang: yao" gau: khyo re lham: mho" shid' mung: ngonhaung" wa yao" gau: khyo khyo" cao" ye: gelang: ga: su" lai: lhau zo" ta" genae". Khang" dao: Tarha" wa Ziun: bam mae" Mo”so: mung dao: wa Yeru-3 salem: mae" thug' li" nae". – Mo”so wa byu myu" myo: sho' mo, re Tarha" pyam" mung: va" ra" mug: mae na mung: qam: bo: ra" byu myu" re mho" shid' yang: yao: bam wa shae re re: kheim sheim: mung: lhae re lagam: kaid' pye' genae". Damang: re damang: gye mashe gye mau" re thao dalhang dam: mho" zhao lo: genae"4 mangaid: . – Byu yaug nge, wa yao: yao: sang: ra" sabyi' naui we' pho' ham" gae qao: zaung: na: jo; li" genae". Yao: bam re kyaug' nae" byu khag' re: mana lo: nae". Gug: mang: din" gam ug Mo”so: mung dao: jo;5 ra". – Byu myu" cao jab alhab' geim" wa yao: yao: we' tin" ra" Mo”so: mang khyao: mae khug ngha: na genae". Ngonhaung" kam" wa mathain: thoe: Mo”so AsAng: mang khyao: re malam: lai: khug ngha zo" cao" na nae".6 Mo”so ceru: ga: mho: ra". Ngo wa ai: ba mae khyid qeim mo, re khai: zhang: mung: khe' thug' ke' qhug' yaug ngo yhin" pyam" qu" va" mo, re zang" ham phaung7 nhao nae". – Khyid qeim yaug re tang" nha: to: nae". Mug: va: khyo khe' thug' ke' qhug' ra" yaug re byu myu" qi: poe" nae". Mo”so wa Ziun: bam dao mae yao: bam re ana" ba mae" malam: lai: lo: ug:8 na: li" nae". – Yao phung: gye byu gai: ra" Ziun: zomyi: zo" Ophela bam we" nao qo" ug gam: na: li" nae". Qhid' phyao: qo" ra" kheim: so' dam: qo" nae". Mang: din" wa Yerusalem: zo myi: zo" lo, khug dalhang dam: vao: joe" nae".9 Ana" nao pe" mung: zag: gyi: ngug: na: i"? Nao mae jhaung zug: mana lo: i"? Juyi byid: nae" khaung: mhao: mana: mathao zo: khau no no: ra" myiqe: re" ru: khai"10 no: ru phau" na: i"? – Ziun: zomyi: zo: we" zo: khau no no: ra" myiqe: re" ru: no qhug' mung: zo: khau nae" qam: phin: wa, . Ana" yao: nao wa vo mae" thug' mung: din" pyaid' yo mae na ca" nae". Babilon: vo joe" sho' ye" lo" ca" nae". Ai: vo mae nao beim: nae". Ai: vo mae Mo”so wa gyevo: lo, mae" khyaid' khyi: yu: li" nae".11 Ana" yao: lao" byu myu" myo: sho' mo, wa nao re tang: tug' veko". Ziun: vo wa anyain: avho: boe" shao: . Ngonhaung" myo, jid' wa Ziun: dao mae zhaug' qu" na12 nae" ga: ta" hau" na: bam ko" ra". – Ngaid qere: yao: bam wa Mo”so myid: yaung: to" ru re maba. Juyi khyug' ra" akhyo re maba: gyo: ko" ngaid: ra". Gaug dang: jham re gaug be, jao: mae zhang" to" ru re" ru: yao:13 bam re zhang" to" ava". – Ziun: zomyi: zo: we" to" yang: nao: wa, se, ni" khyug re jo, to' ni" khyid sin: re gyid: bo" ngo boe" nhao mung: nao wa byu myu" myo: sho' mo, re be; khyug' mhain" pye' nae" ngaid: ra". Yao: bam: jo, nho" re Mo”so: tau: , yao: bam: zai yo jham re myid dagye, geim" re ug: ra" AsAng Mo”so re caung da" ca" nae".