1 Yao: yao" yab qo mae magai: ra" myid: yaung: ci mung: mug: bo" li" ra" au: myid: to" ru we' dakhyo: lo, qaug zaui" cao" ra"2 mo, byu xa: vo: qoe, qhug' genae". – Ai ru" mo, wa su: yham dang: we' yothaung: yo gug re o: qu" byid mung: deim: so: zag lhaid' yu: ru we' ai: yaug we' yao" yham byu ma" ho' re re: , byu gai yaug we' yao" zai yo jo, nho" re re: lhaid' yu mung:3 pyam" yhin" ba: ako". – Ai ru: mung: Mo”so ceru: ga: mho: ra". Naonhaung" lang zang: maloe, nae" , au: maqo" tau lo: sho' ai ru" yham khaung re ngo kaid' nae" , makhyang: mashab: ayo, akhin: ngaid: li"4 nae". – Ai: ayo, akhin: mae yao: bam wa naonhaung" akhyo re dao: tau" ta" mung: ngonhaung" wa gain: thao" lo" byaug va". Nga" amyu" zo: qe: jo, nho" dai kham re tha" lhai" pye' mung: nga" lo, mae" qab: yu vegenhaung. Ngonhaung" yothaung: yo gug re sham" yu yang: mo, je vobyu qe re5 byid' pye' veko". – Ai: mathao mae Mo”so: volo mo, phaung mae ni" tau: ka" nae" taui: we' mug: myid cug' re ka" kho' byid: nae" yaug na lo: nae" mangaid: .6 Lapa pa mo, lapa dapa lo: ge, yao: bam qho' phau: vegeshao: lapa dapa lo: ge, . –7 Aga" Yaku' mo, phaung we" Mo”so: solo re tam" kyo" ru qhug' gai: i"? ce: mau" wa yao" mau" ngaid: ra" i"? Nga" mung dao: wa din" ra" khyo cao" yang: tau: gai: ra"8 mangaid: i"? . – Qhid' phyo" ayo, mae nga" amyu" jham wa gye tug' she veko". Gye khe' jao: mae" dam: lo mung: yaug yo zo: su" lai: lhau mo; adao: mai bau: we' akhug: mai bau: re lhaid' khyaid' yu byid: veko". –9 Nga" amyu" qe: yham sang myhi" jham re yao: bam: ngaui pyo" yham mae" khe' thug' mung: yao: bam: zo: dau qe jhao" mae" nga" myo, nho nga: lao: re malam: lai: she:10 yu: na veko". – To" mung: ye" lo" ge, qi: sho' byo; qeim ba: ra" anyain: avho" mau" zo" mathao: yang ce: jo, qo wa naonhaung" yaug yo za: dug no: jao: mangaid: . Byo,11 qeim: lo" li" nae". – Yao" nhag' myid khyo" cao" yang: mhug' vhain" dao: ta" yaug wa ngo yao: sabyi' qang: we' yhid: akhyo nao re lapa pa: qhu" nae" ga: ta" re wa ai: yaug wa ai jham: lapa ngaid: ra".12 Yaku' we" ni" amyu" qe re ngo dang dang dam: zhang" yu nae". Israel mae dang: na shi" mo, re ngo khai: phaung: to: nae". Yao khyae mae" yao jham re" ru: gyo, zo: jao: mae" yao jham re" ru: yao: bam re zhang" nha: to: nae". Byu myo: mung: yhai13 thoe qi: nae". – Gau: khyo phung" yaug wa yao: bam: qhid' au: khyo ye" lo" va". Yao: bam byaung" qaid: yain" lo ko" ru wa kham: dung: joe" yang: ai khyo thug' lo" veko". Yao: bam: jhaung zug: wa yao: bam: qhid' au: mae ye" lo" mung: Mo”so wa yao: bam: au: ngaid: ra".