1 Yuda jhaung zug: Yotham: Ahaza: Hezekia ta mae Morasha byu Mikha: wa Samari' we' Yerusalem: we' tin: mung: Mo”so: mung dao: wa ,2 Amyu" zo: qe alhab' bam: we" gyo" qu" shi: ge, myidkin we' mang: din" byu alhab' tae" gyo: ge, wo". AsAng Mo”so wa yao" shao gyang" ra" pa" jhaung: yham mae" mung: naonhaung" akhyo re sagso:3 kham byid: veshao: . – Mo”so wa yao" na jo, qo mae" thug' gyo" li" mung: myid gye, mae" myhao: ra" bug gaung dao mae zab:4 su" lhau: li" nae". – Bam jham wa byi: lo" mung: lao: khaung: jham wa myi: nhae mae" byo: min" re" ru: lao: khaung: mae" yug: gyo" lo: ra" qid re" ru: go; gyae" ho"5 lo" li" nae". – Ce jham alhab' wa Yaku' Tarha" lhoe" mung: Israel amyu" qobo: mathao ngaid: ra" i"? Samari vo mangaid: i"? Yuda myhao: ra" bug gaung wa khai: mae ngaid: ra" i"? Yerusalem: vo mae6 ngaid: ra" mangaid: i"? – Ai: mathao ngo wa Samari vo re jao: dae mae" laug baui bam we' sabyi' khyae qho: jao: re" ru: ngo poe" pye' nae". Vo kham" laug jham re lao: khaung: khug khyo vhe' khyo" mung: vo kham" qao: tae re tau: , phaug' lhain"7 qhu" nae". – Co' kyaung: lhang" yu: ra" sulho alhab' re be; khyug' khyo" nae". O: kaung kaid' mung: qo" ra" zai yo aphug' re myi: ngha" jeim" ru we' sham" khyo" nae". Yaug zhang: myhi" kaid' yang: qaung" to" ru ngaid mung: ai: zai yo wa yaug zhang: myhi" lo, khyo dalhang dam: joe" veshao: .8 Ce: mau" zo" mathao mae ngo wa kaug' myain" qhu: thoe mung: na nae". Mai bau: shao: pye' mung: gaung cin dam: su" qin" nae". Kha: sain" re" ru: ngug mung: phaung9 nang: ngho' re" ru: myang: na: nae". – Yao: dae de' ra" dae no wa matho' gai , Yuda mang: joe" sho' myhi: de; lo" yang: nga" amyu" jo, qo Yerusalem: vomo" kham:10 dung: joe" va". – Ai: lau dao: Gaid' vo mae data" ge, . Dakaug' ngug ge, . Bed Aphrah: vo mae" phaui: lhug bam mae lhau: zo" re"11 na ge, . – Shaphira' vo mae" zomyi: zo: we" gaung lam: shopyaid' qho' phau: zo" re" su" lo" wa, Zanain: vo: zomyi: zo: wa naonhaung" ngha nae" jo, qo majo, ngaid:12 ra". – Khoru: ga" re Mo”so jhao" mau" qug: khai: wa Yerusalem: vo mo" kham: joe" va" mathao Marod vogaung: mae" zomyi: qe khoru: kaid' nae" ru myid: aug'13 o" na ko" ra". – Lakhisha vogaung: mae na: myiqe: we" tao: qao: ra" myao: re lhin" mae te' wa, Ziun: zomyi: zo" qobo aqao: wa nao ngaid: ra". Israel qe Tarha" lhoe"14 nae" khyo wa nao mae" thug' li" ra". – Ai ru: mung: nao wa Gaid' mang: Moreshid' vo khyo peim" ke' ra" jhaung qhu" re byid' ke' ca" nae". Akhazi' vo byu qe wa Israel jhaung zug: qe re ju" phyo' li" genae". –15 Maresha' zo myi: zo: we" ni" dao mae ug nae" yaug re ngo khai: jhui" li" nae". Yao: wa Israel qe: phung myo, nho nga: lao: , Adulam: laug khyaung khyo joe" li" nae". –16 Nao jhid' de; zo: myid: qe sham" pyaung" tai: lo" ru re phau: ko" mathao yao" tau: mae au: myhaug' pye' mung: na wa, zeim baung: au: ru: ni" au: lam: re xae qaug: jhaid' pye' wa, .