1 Ana" kam" wa mo, thaui" zomyi: zo: we" ni" mo, thaui: re seim" nyhang" to: wa, se, gye jham wa ngonhaung" re li" lhang" kham" to: veko". Yao: bam Israel Tarha" agyi pho" boqae re qam thaung" yang be, veko".2 O" Belehem: UPhared' nao wa Yuda, mang: vogaung: ataung atug mae ngai: thao" vo ngaid qere: Israel amyu" ug nae" AsAng wa nga" tau: nao mae" thug' li" nae". Ai: AsAng wa getam: geto mae" qhid mung:3 na va" AsAng ngaid: ra". – Ai ru: mung: zo: khau no no: ra" myiqe: zo: khau ayo, joe" sho' re: , Israel amyu" qe we' daga" dang: gyo" na shi" yao" mao: nhaung: qe dam:4 tug' lhang: lo: li" genae". – Ai: AsAng wa ye, mung: Mo”so: kheim: so' we' re: , yao" AsAng Mo”so: mang khyo" yang re: yao" yao zhain re khau: li" nae". Yao: bam re: na tang ye, tang genae". Khoru: ga" re ai: AsAng wa mug: myid thao" sho' ug: sang mung: ngonhaung" yaug yo: AsAng boe"5 nae" ngaid: ra". – Asuri' byu wa ngon- haung" mang: khyo li" mung: ngonhaung" pa" jhaung: yham re li" joe" zab: ra" au: yao zam: nhaid' yaug we' nhag' bo lau: de, she' yaug wa ngonhaung" mae" thug'6 li" mung: – shae lhae: yang Asuri re re: , vomo" kham: dung: khug mae Nim: rod' mang: din" re re: phyo' sin" pye' nae" ngaid: ra". Asuri wa ngonhaung" mang: khyo vao mung: ngonhaung" mug: kyo: re li" joe" zab: re ai: yaug wa yao" lo, mae" ngon-7 haung" re khyi: yu: li" nae". – Dang shi" ra" Yaku' amyu" zo: qe wa getau: byu myu" qe: phaung gaung: mae na gemung: Mo”so khyo" byid' ra" nghin coe: re" ru: , byu re malao". Byu o: khyo: macao" ra" mug: qid8 re" ru: boe" genae". – Dang: na shi" ra" Yaku' amyu" zo: qe wa getau: byu myu" phaung gaung: mae na gemung: seyo: gug' nyhug' mae lo: tin: ru" ru , yao zhain mae lo: tin: nau" ru" ru boe" genae". Lo: tin: vao li" re khag' maqo" khyi: yu lo: sho' zab:9 nhaug' lao" caid' zo" pye' ba: ra". – Nao re gye kaid' ra" mo; dao mae ni" lo, yheim" qang: ke' mung: nao re gye kaid' ra" mo, gyoe; gyo" genae".10 Mo”so: mung dao: wa ai: ayo, akhin: mae ni" myao: jham re ni" qhid' kheim: mae sham" khyo" pye' nae". Ni" lhin" jham11 re re: be; khyoe' pye' nae". – Ni" mang: mae jo; ra" vokham: jham re ngo phyo' sin" pye' mung: ni" gye qe, alhab' re qab:12 lhaui" pye' nae". – Ni" mug: mae yui vao lapa qe re ngo se' jheim" pye' mung: thao phyao: nao mae boe, phyid' mo, gai: na lo:13 genae" mangaid: . – Co' khyaung" lhang" yu: ra" alho jham re ni" agaung: mae" ngo qab: lhaui" pye' mung: yao: yao" lo; yang kaid' ra" ja: jham re gai: goe; pa" lo: nae"14 mangaid: . – Ni" Ashera: khaung zang jham re ngo naid: pye' mung: ni" vogaung:15 jham re re: ngo phyo' pye' nae". – Nga" dao: re matae" gyo" ra" labug: amyu" jham re nhag' gyid' yang: qobo dae ngo byid: nae".