1 To" wa, bam jham: qhid' kheim: mae jho" ngag mung: bug gaung jham re ni" dao: thoe the' gyo: vegeshao: ga: Mo”so ngo re mho: ra" dao: ana" gyo" yu ge, . –2 Bam jham we' gang" tang: jo; ra" mug: myid: aqao: apain jham we" Mo”so ta" ngag: ra" akhyo re gyo" yu ge, . Khoru: ga" re Mo”so wa yao" amyu" we' jho" ta" ngag nae" jo, mung: yao: wa Israel amyu"3 we' shao am jho" paui: li" genae". – Nga" amyu" qe we" nao re khoru: kaid' lo: qu" va" i" ? Khore" ru: yhin" pyam" qu" va" i"?4 Ngo re sagso: qhu" wa, . – Nao re Egutu mang: mae" jhui" thug' lo va". Jeim doe; na: ra" jao: mae" khyi: khyaid' yu va". Ni" qhid' au: khyo Moshe, , Arun: , Miriam: tao5 ho' re ngo nhao: ke' va". – Nga" amyu" qe we" , Shitim: we' Gilgala' agyo: mae Mo" Ba' zug: Balag' juyi khyug' ru we' Beora' yao: zo: Balam: yao: re dam: phaug' tau" ra" dao: re beim: so: wa, . Ai re" ru: beim: so" ngaid: re Mo”so: din: main" ru re ba: gyo: nae".6 Ngo wa Mo”so: qhid' kheim: khyo pe" jhaung qhu" ci mung: te' ye: mung: myhao: thao" ra" AsAng Mo”so re goe; pa" nae" i" ? phaid' ngaui" xeim: we' dazin byang" va" nung: jaung nau" re ci yang: qui" te' ye:7 zai i"? – Mo”so wa yao lo: dataung , xau kug' datug re nhag' dag nae" i"? Ngo shaid' lhoe" ra" mau" zo" tau: nga" zo: qhid' re re: , nga" nhag' myid qobo: tau: nga" aung8 gyo" zo: re caung da" ca" nae" i"? – So su byu we" gai lho" ra" akhyo yao: nao re qhu" ava". Din: main" ra" khyo: jhid' de, nhag' myain" khyo we' ni" Mo”so: qhid' kheim: mae nhag' lam: nyham: khyo" cao" nae" mae" lai mung: Mo”so nao re pe" mho' ra" i" ?9 Mo”so: nhaid' thoe wa ai: vogaung: re khai: yao mung: juyi bo yaug wa ni" mang khyao: re gyaug phug' ra". Mho" shid' ra" vose: re re: , ai re jaung: nyhang" ru khag'10 ngaid: ru ba: to: wa, . – Tarha" maci: ra" yaug: yham mae mashao malho" jo, nho" we' mamain" ra" jo, lag angai jo, shi"ra"11 i"? – Mamain" ra" jao we' mamain: ra" jao laug: ci: ra" vo re shao lho" ra" vo ein: ngo12 khoru: gai: xam" to: nae" yha"? – Khoru: ga" re ai: vo mae" dai zug: qe wa deim: so: zag lhaid' yu mung: qo" ko" ra". Myaung sho: mo, ba: mhug' ko" mung: yao: bam: nhaid' mae sho shid' khye' de, ko" ra". –13 Ai ru: mung: ngo nao re dae qi: te' byid: nae". Ai wa nao shaid' nghung" ra" qobo14 dae ngaid nae". – Nao zo: ngaid qere: gyi: nae" mangaid: moe, shab' ru za: phau" na: li" nae". Nao yu: ci: lo: ra" zai yo jham re15 ngo zai gyo" toe' pye' nae". – Nao myug: shi: sin" ke' ngaid qere: gaug qo" yaid: yu zai mangaid: , Zhainlun: shi: pyag' ngaid yang: re: ni" gaung mae xau maqhug' gyaid nae". Sabyi' shi: jhab' yang: re: sabyi' qang:16 the' qhug' shaug' zai mangaid: . – Khoru: ein: re nao wa Omri zug' cao" khyao jin kham jham re re: , Ahab' jhaung zug: myu" ave, re ci yang: cao" mung: yao: bam: jham: dao: re cao" ba: ra". Ai mung: ngo nao re qab: lhaui" pye' mung: vobyu qe: gaui mho shao" pyao jao: boe" nae" ngaid: ra". Nga" amyu" zo: qe qhug' ra" gaui mho shao" pyao: ru ni" au: dao mae kai: nae".