1 Dai zug: qe we" li" ge, naonhaung" adao mae joe" lo nae" qug: khai: kyi" khyag'2 mae" ngug: bam" na ge, . – Naonhaung" jo, nho" zai yo wa qeim" zae" lo" mung: mai bau: jham rere: nhug: yang zo" pye' byid:3 va". – Ngaui hhang jham re: zu zo" kao" pye' yang: zae" byaug va". Ai: zu zae" ru wa naonhaung" mae sagso: boe" mung: myi: ru: naonhaung" sho: re zo" lo nae". Lo" thao" ba na tau: jo, nho" re qaung: to:4 veko" i". – Tae" gyo: ge, naonhaung" yogug mae gaug yaid: ra" mo, re vhain" zo: mung: aphug' mashao: ko" ru: yang ai: aphug' wa dao: jhau: lo nae". Yaid: ra" mo; yao thoe re: mug: gaung: mang: mae" pho" Mo"so: no:5 khye' khyo joe" vao lo" va". – Naonhaung" myid gaung: dao mae" gaung sho: ngae: ra" phavae mau" kaid' ge yang: gyai ngaui bau: veko". Se' nae" ba na mae yao: yao" nhag'6 lam: re khau myhung veko". – Dang main: yaug re qobo byid: mung: se' pye' veko". Yao: wa naonhaung" re dae co' madam: phaug' lo:.7 Aimung: mao: nhaung: qe we" Mo"so gyo" li" ra" ayo, joe" sho' zang: qhao" mung: lao" na ge, . Gegai: yao: yothaung: zaui: yaug wa yao: zaui" ra" aphug' qo" nae" tau: mae" gyu: mug: , la jham: mug:8 re qo" lao" yu ca". – Naonhaung" re: zang: qhao" myid we' lao" na ge, yao: yao" nhag' lam: re tang tang za: kaid' na ge, . Mo"so9 joe" li" nae" ayo, joe" va". – Mao: nhaung: qe we" dao: phyid' yhin" ru maqhug' nae" tau: mae" yao: cao: jho" ngag: qobo dajho" vhin ge, dao: phyid' nae" yaug wa kham:10 dung: mae na: jo, va". – Mao: nhaung: qe we" AsAng: mang re ngha mung: ta" hau" ra" lapa qe wa sho: jhin phau" ru , zang: qhao" ru sagso: qhu" co' veko" ein: xam:11 ge, . – Qo" zang: qhao" yaug re nga: lho" yaug ein: ngonhaung" mhang" ra" Yo" ba wa zang: qhao" ra" ru naonhaung" the' myao veko". Ai:AsAng rere: yao" kao dain: pye' rure qu" lao" gyai nhag' khyag' myid12 bo: khyo qo" the' myao: ra". – Nga" mao: nahung: qe we" ja: nam jab mau" zo" mae nhang: myain" nhang: thoe re lha" yang: na ge, . Mug: gaung re lao: yang: da nhang: ge, myid gaung re lao: yang: .re: danhang: ge, pe" ru" ra" nhang: myain" nhang: thoe re: damho ge, qobo dao: phyid' ru majoe" nae" tau: mae" naonhaung" dao: kheim: ngaid: rure ngaid: ein: mangaid:13 rure mangaid' ein: ta" ge, . – Naonhaung" mae dayaug yaug myaung sho: qhug' yaug bo: re jhaung: mho' shao: .Ngaui bau" ru qhug' yaug bo: re caung: thoe we' nghaui"14 na shao: . – No byu bo: re phung: ug qere khai mung: yao: bam wa ai: AsAng: mang khyao: re lao: yang: no yaug: adao mae xau boe, byid:mung: jhaung: mho' byid:15 shao: . – Airu: kaid' re lam khug yaug: jhaung: mho' thoe wa no byu re khyaid' yu mung: Mo"so wa yao: re dam: qao" zin: byid' ra". Yao: qobo the' kaid' re ai: qobo16 re lhoe' ke' byid: nae". – Yao: cao: dayaug we' dayaug yao: yaug yao" qobo re mho' bain: ge, . Yaug yo: ru qhug' nae" tau: yao: cao: yao: jhaung: jho" mho' na ge, shaogyang" yaug; jhaung: mho' dao: wa17 phungbao bo: ra". – Elia wa ngonhaung" ru: myid gaung: suna mae na: lhau yaug ngaid qere: mug: maqu nae" tau: jhaung: mho' re sam zin: lho" mo" khyaug' khye' lam: lam: myid gaung mae mug: maqu lo:18 boe" ra". – Thao: dalhang jhaung: mho' ra" au: mug: qu: li" ra". Myid zhai: re: yao: ja: yao" ashi: zaui: nae" tau: qam: ke' byid' ra".19 Mao: nhaung: qe naonhaung" mae dayaug yaug dang main: tarha" khyo mae" dae" byaug mung: getau dayaug: yang yao:20 re dam: qo" phaug' lhag' yu: re wa – Qobo the' kaid' yaug shaid' nghung" na: ra" jo, qo mae" dam: qo" phaug' lhag' lo nhao yaug wa Solo shid nae" mae" lhoe' yu yaug ngaid: ru mung: qi" ra" qobo dae re qo" nghoe' byid' ra" ein: ai: yaug wa xam" yu qo: ra".