1 Mo"so we' AsAng Yesu Khristu jeim ngo Yaku wa myid gye, geim" mae na: myi" sin" lo" ko" ra" amyu" daxe: shid' yaug qere jhid' de; myid we' au" ke' ra".2 Nga" mao: nhaung: qe naonhaung"3 lam khug: khyo re lag yu: ru qhug' re – Je: zang: qhao" nae" rure boe" byid' ra" ein: khae: yu mung: qug: khai: kyin" nhaung" thaung" qhug' lo: re ngaui bau: khyo va"4 ein: myid: yu ge, . – Naonhaung" jab byang" na nae" tau: mae" zang: qhao" myid khyo" mau" zo" qo" poe" byid: veshao:5 Naonhaung" mae dayaug yaug juyi re o: re jung" ra" ru makaid' lo: alhab' bam re nhag' myain" myid we' byid' na: ra" Mo"so6 jhao" mho' ge, mho' re qo" nae". – Ai qere: aug' o" ra" myid mabo lo: lam khug: myid: yang mho' ca" ra". Aug' o" myid bo yaug kam" wa lab: nain" lo: ra" bang: lhung" we'7 za: dau: ra". – Airu" yaug wa nhag' lam:8 shid' gao bo yaug – Kaid' ra" mau" mae myid mabo yaug ngaid mung: Mo"so: lo, mae" daja: ja: qo" nae" ein: dajho ge, .9 Nyham: gyo" ra" mao: nhaung: pho" wa yao: qo" myhao: joe" ra" jo, qo mae nga:10 yu ngaui bau: shao: . – Ngaui qo" ra" mao: nhaung: pho" wa yao: nyham: gyo" ra" jo, qo mae nga: yu ngaui bau: shao: khoru: mung: ga" re yao: wa myo, bu" ru: sham:11 nyhug' byaug: ra". – Ba wa laung: ra" qam: so' we' thug' lo lao" myo, gae jham wa kyaug' byaug mung: abu" jham re: shu: byaug: ra". Ailao" yao" bu" yaung" ru re: bosham: baui" byaug: ra". Ai we' dakhyo: ngaui qo" yaug wa yao" ave, mae cao" yang: sham: baui" byaug nae".12 Lag yu ju" phyo' khyo re qo" zang: qhao" ra" yaug wa nga: lho" ra". Khoru: ga" re lag yu ju" phyo' qhug' thao Mo"so re jhid' ra" mo, re Mo"so: yang byid: nae" ga: dao: dang: to" ra" kao so' dain zi re qo"13 nae". – Qobo hab' yang mho" pyag' yu: ru qhug' ra" yaug wa Mo"so ngo re mho" pyag' ra" ein: damho magai: ja: wa Mo"so re maqo" ngaug; yu ngaid: ra". AsAng wa khag' rere: qobo shaid' khyo vhao" pye'14 nae" mangaid: . – Yao: yao" myo, nyaid: nhag' lam: re cao" yaug kam" wa qobo mho"15 pyag' ru qhug' ra". – Myo, nyaid: nhag' lam: wa ve, vin: shizaui" li" mung: kaid' shaid' qobo re khau: ke' ra". Kaid' shaid' qobo wa shid: ra" khyo re khau myhung:16 ke' ra". – Ngo jhid' ra" mao: nhaung: qe17 we" khyo thaung" davao ge, . – Gai lho" jab byang" ra" jeju jhaung qhu" wa bo" bao: pho" mae" gyo" li" ru mung: mug: tho' mae" li" ru ngaid: ai pho" wa tha" lai" ra" khyo majo, phaug' lhain" lo" ave, aqab18 dajhid' re: mabo. – Phain: to" daui nam mae ngonhaung" wa saoqhid' zaui" ra" ashi: boe" nae" tau: mae" dang main: tarha" dao: khyo" yao: o: khyo: ngonhaung" re myhung: ke' va".19 Aru: mung: ngo jhid' ra" mao: nhaung: qe we" na mae" na Sosu khag' ngaid qere: tae" gyo: nae" mae hin ge, dao: jhau nae"20 we' nhag' yo: nae" mae dahin ge, – Byu qe: nhag' yo" khyo wa Mo"so: dang main:21 tarha" re maqo" poe" thug' yu. – Aimung: ca' jug: nae" ja: alhab' nhung: ra" nhag' lam: xo: ra" khyo re jao" mung: naon- haung" nhag' myid solo re qo" khyaid' yu: ra" akhug mae qho" yhaug' byid' mung dao: re nau" nhae" nhag' myid we' khae:22 yu: na ge, . – Yao: yao" gaung re mhug' vhain" mung: mungdao: re tae" gyo" na yaug za: mangaid: . Tarha" re cao" na mo,23 boe" ge, . – Tarha" re macao" lo: gyo: za: gyo" na yaug kam" wa bao tang" mae yao: yao" myo, nho re qu" na yaug we' dau:24 ra". – Khoru: ga" re yao: yao" gaung bin: qu" yang: getau khyo myo, khung: phaug' lo" we' yao" ave, aqab re alao" jao" to"25 myhid' ba: ra". – Ngonhaung" re qo" lhoe' ra" jab byang" tarha" re zhaug' zhaug' qu" na yaug kam" tarha" re tae" gyo: mung: to" myhid' yaug mangaid: .Lo, mau" cao" pyang" na yaug ngaid mung: yao: cao" ra" ave, mae nga: lho" ra" yaug ngaid:26 ra". – Naonhaung" mae dayaug yaug lam khug: khyo mae gyai shab vin tang: nho hab kaid' qere: yao" nhaid' sho malha" yaug wa yao: yao" nhag' lam: re ju" phyo' ra". Ai: yaug: lalam lakhug wa aje akeim za:27 ngaid: ra". – Mo"so: tau: shao lho" lam ga" ra" lam khug: li kam" wa myhi" pho" mana lo" zoshao qe we' cug' mo" qe myaung sho" na: au: ai bam re qu" gam: na: ru, yao: yao" gaung re myid gaung: dao maca' majhaid' ru re jao" lha" na: ru ngaid: ra".