1 Nga" mao:nhaung: qe we" phung bao qi" ra" ngonhaung" AsAng Yesu Khristu re lam khug: ru mae byu: myo, nho khyin: ra"2 khyo dabo ge, . – Hhang lo, pin: pin: dau de, mai bau: ve, yaug we' ajaid anhain: mai bau: ve; ci: ra" myaung sho: yaug ceshid' yaug wa naonhaung" tarha" zaung khyo vao3 li" au:. – Dau de; mai bau: ve; ci yaug re qu" mung: gai: ra" jo, qo mae cemae zaung wa, ein: re:, myaung sho: yaug re thoe mae na wa, mangaid: lao" nga" khyid qao: mae" zaung khau" o tau zaung wa, ga: yang: re:4 naonhaung" wa ta" ko" re. – Dayaug khyo de, mung: byuna azhao" kho' nhag' myid naonhaung" mae bo: jo, mo, ngaid ko"5 mangaid:i"?. – Ngo jhid' ra" mao: nhaung: qe we" tae" gyo: ge, myid gaung: dao mae myaung: ra" mo, wa lam khug: ra" jo, nho" qo" nae" tau: mae" re: Mo"so re jhid' ra" ai bam re byid: nae" ga: dao: so: to" ra" mang: din" Ma the' khae: yu nae" mo, boe" nae" tau: aibam re khyin: to" ru ngaid va"6 mangaid: i"?. – Naonhaung" wa myaung sho" ra" mo, re gaui qu" ko" ra" mangaid: i"?. Ngaui qo" mo, wa naonhaung" re deim" zag zo: ko" mangaid: i"? tarha" tao" khyo ai bam re jhui" she: ye: ye: kaid' ko" mangaid:7 i"?. – Naonhaung" re mhang" byid' to" phug' de; mang kheim: re ai bam wa lau8 mung gaui mho ko" mangaid: i"?. – Yao: we' tin: te' yaug re yao: yao" gaung we' dakhyo: jhid' wa, ga: jham: tung" mae bo: ra" khang" dao: re naonhaung" cao" ko" ngaid: re wa .Gai: ra" mau" re kaid' ru9 boe" va". – Byu: myo, nho khyin: re kam" wa qobo the' kaid' yaug boe" va". Tarha" re lhoe" yaug ga: khang" dao: khyo" yang10 de: de: za: myao: na va". – Khoru: ga" re khang" dao: alhab' re cao" pyang" na: qere: daja: ja: mae shaid' lhoe" re khang" dao: tarha" alhab' re shaid' lhoe" ra" qobo11 boe" byaug: ra". – Su: myi: re dashaid' ga: khang" tarha" to: yaug wa byu: kao re dase' ga: re: khang" to" ashi". Airu: mung: nao wa su: myi: mashaid' lo: na qere: byu kao se' re wa khang" dao: tarha" re shaid' na12 va" yaug ngaid: ra". – Airu: mung: naon- haung" re qo" lhoe' nae" tarha" we' dao: phyid' ru qhug' nae" mo, ru: dao: jhau: ru ,13 zaui" cao" na: ru kaid' ge, . – Nhag' myain: myid mabo: ra" yaug wa nhag' myain" ru mathe' khae zo: lo: .dao: phyid' ru za: the' nae" ngaid: . Nhag' myain" myid wa dao; phyid' nae" khyo re aung myaug mung: ba: ngaui bau" na: ra".14 Nga" mao: nhaung" qe we" dayaug yaug wa lam khug: myid bo: ga: mho qere: lo, mau" mabo re wa pe" akyu" bo: i"?. Ai: lam khug: myid wa ai: yaug re qo" khyaid' yu15 nae" i"?. – Mao: nhaung" nhae: mo" qe wa gaung lam: shopyaid' na mung: ne, qug zo:16 nae" zo: nam majo; au: – Naonhaung" mae dayaug yaug wa sae za: lo" na ge, lam lam gyi: gyi: na ge, ga: ta" qere: ai bam mae qo: ra" ja: mabyid' ke' lo: na: ru wa pe" akyu"17 bo: i"?. – Ai we' dakhyo: lo, mau" mabo: ra" lam" myid wa daja: za: bo: jo, yang:18 ashid ngaid: ra". – Dam: dagau: wa nao wa lam khug: myid bo: ra" ngo wa lo, mau" bo: ra". Airu: mung: nao wa lo, mau" mathe' myao: ra" ni" lam khug: myid re qhu" wa, ngo kam" wa nga" lam khug: myid re lo, mau" khyo" qhu" nae" ga: mho nae" thug'19 li" ra". – Mo"so daso za: na: ga: nao lam:20 ra".Gai va" yui re nin" sho' lam: ra". – Lau: phug kodug: we" lo, mau" mabo: ra" lam khug: khyo wa ashid ngaid: rure nao ba21 nug: i"?. – Ngonhaung" pho" Abraham wa yao: zo: Isag' re phain mae qhaug' ngaui" ra" ru wa ave, lo, mau" khyo" dang main"22 khyo joe" ru mangaid: i"?. – Lam khug: khyo re lo, mau" zo" yang myao myhao" mung: lo, mau" zo" khyo" yang lam khug:23 khyo the' myao: lo: ra". – Abraham wa AsAng re lam khug: ru mung: yao" lam khug: khyo re dang main" va" khyo: xam" yu: ra" ga: jham: dao: byang" dang: lo: ra". Abraham re: Mo"so: yang ba nam ga:24 khai qhug' ra". – Byu wa lam khug: ra" khyo" yang za: dang main" ru khyo joe" ru mangaid: .Lo, mau" zo" khyo" yang joe" ru25 rere: ba se" yu qo: ra". – Ai we' dakhyo: yaug zhang: myhi" Rahab' wa logyo: qere lham: khae: yu yang: getau khyo khyo" ye: lhoe' ke' mung: lo, mau" zo" khyo" yang dang main" khyo joe" ru mangaid:26 i"?. – Solo mabo: ra" gaung wa ashid ngaid: ru we' dakhyo: lo, ave, mau" mabo: ra" lam khug: khyo re: ashid ngaid: ra".