1 Nga" mao:nhaung: qe we" ngonhaung" qe je mung: pyam" ru qhug' zai ngaid: ein: ba mung: naonhaung" myo: sho' mo; mho"2 pho" daboe" nug ge, . – Ngonhaung" na mo, alhab' wa myo: phyao: shaid' ba: ra". Dao: jhau: ra" khyo" yang shaid' ru mabo: ra" yaug kam" wa jab byang" ra" yaug ngaid:. Yao" gaung dagaung: geim" re qo"3 khang" aung yaug ngaid; ra". – Jui: myao: re ngonhaung" aung nae" tau: nhaid' mae nhaid' kho' kheim" vhe' to" ngaid: re dau: geim" re ngonhaung" o: khyo: qo" she:4 aung: ra". – Ai mae" dagau: wa gyai qi" ra" qid lha qi: wa la qam" mae bo: zhain" lo" ngaid qere: lha keim: yaug wa mavai" zo: za" nyhe' cae" yang qo" keim" lhang: yu:5 ra". – Ai we' dakhyo: sho wa mavai"zo: za" ru ngaid qere: gyai ba: phug: ra" thao: re mavai" zo: za" myi: jhang:, wa qo" nga" mhab: pye' rure qu" ge, sho wa myi: ngaid:6 ra". – Qobo: myid gye, re: ngaid: ra". Ai we' dakhyo: sho wa ngonhaung" gaung atam" adau mae bo mung: dagaung: geim" re nyain: vho: nhao: ra". Ai: gaung dau: alhab' re nga" pye' nhao mung: myi: mai:7 tham: wa ai re ngha" ke' nae". – Seyo: gug' nyhug' jham we' ngho' jham yoe" ra" ja: gug' nyhug' ngo: jham re byu qe qo"8 mhai" aung: yu: ako". – Sho re kam" khag' re: maqo" khang" aung ko". Magai: mho" kyang" ra" anyain: vho: ngaid: ra". Shid:9 byaug nae" daug bo: nae". – Ngonhaung" wa sho: yang pho" Mo"so re nga: yhe' caung" ra". Mo"so: gaung khyao we' phain: to" ra" byu qere sho: yang ba: nhang"10 ako". – Nhaid' dalam: mae" za" ru caung: nghaui" kheim: we' nhang: kheim: thug' ja: ngaid: i"?.Nga" mao: nhaung: qe ai ru:11 magai: kaid'. – Qid thug' dadung: mae" za: cug: ra" qid we' kho" ra" qid lhaung" thug'12 ra" i"?. – Nga" mao: nhaung: qe we" sang pho gae mae saung" pa shi: gai: zaui" ra" i"?. Sabyi' gae mae sang pho shi: gai: zaui" ra" i"? ai we' dakhyo: ngae: ra" qid wa cug: ra" qid magai: boe".13 Naonhaung" mae ba jhao yang: aung gyang" ra" yaug na: re ai: yaug wa juyi we' nau" nhae" taung" gai shab: ra" ave, ali14 re lo, mau" qhu" veshao: .– Ngaid qere: naonhaung" nhag' khug mae kyid kho" ra" nhag' yo" myid bo: jo, ko" myain" myo" na ko" ngaid: re wa dang main: tarha" dao: re mhug' pyag' ra" khyo" yang daphug ,15 langa: dayu ge,. – Ai: ru" juyi wa tho' mae" joe" li" ra" juyi mangaid: myid gaung: juyi , gaungsho" juyi , yui mae" li" ra" juyi ,16 ngaid: ra". – Khoru: ga" re myo, nyaid: khyo , gye lag: lag: khyo khyo" yang nhag' yo" ru magai mashab: mau" zo" jham thug'17 lo: ba: ra". – Tho' mae" joe" li" juyi kam" wa sao qhid' mae" yao: shao lho" ra". Ai tho' mae nyang vang" za: ba: na: ra". Yin yo: nhag' khyag' ba: ra".Gai shab: ru we' jab byang" ra". Apyag' asham" nhag' myid mabo. Anyam: avho' mabo , geim re: makaid' myo, nho re: makhyin gai: ra"18 mau" zo" qhu" ra". – Nyang vang" za: ba: na mo, wa dang main: tarha" amyug: re yin yo" za: sin" ra".