1 Naonhaung" mae gye byo; ru , gye kaid' ru wa pe" mung: yang: boe" li" ra". Naonhaung" gaung tam" gaung dau: mae gye boe" li" ru wa gaung sho: pyo: khyo: yang ngaid: mangaid: i"?.Naonhaung" wa2 myo, nyaid yang: maqo" ko". – Byu: kao re se' yang: za: re: gyai o: byid: nhag' lam" yang za: re: o nug: ru majab byang" nae". Jho" byo, yang: jho" se' ru re: mangaid: shi:. Pe" ru: ga" re jhaung: mamho' lo: za:3 na mung: ngaid: ra". – Jhaung: mho' qere: yao: o: ngaui: ra" jham re qo" pyo: nae" tau: amho' ru mung: mathe' ko" ngaid:4 ra". – Magai: phavae mau" mae pyo lhau: pyolhao" myiqe: yaug gai zam" khug: khyo mae pyo" na: ra" mo, myidkin we' ba nam kaid' ra" li wa Mo"so ma o: ra" yaug ngaid: rure maba ko" i"?. Ce: myidkin we' ba nam kaid' yaug wa Mo"so: gyevo ngaid:5 ra". – Jham: tung" wa aje ngaid: ga: re: ngonhaung" akhug mae bo: ra" Solo wa myid nug' ra" khyo boe" ra" ein: re: jho: na6 ko" i"?. – Ai: Solo wa je mung: myo" laug: jeju re byid' ra". Ai we' dakhyo: jham: dao: mae bo: ru wa nhag' lam: myhao beim" ra" mo, re Mo"so ngag: lhaui" pye' mung: nhag' lam: nyham: khyo" mo, re kam" jeju7 byid' ra" ga: bo: ra". – Ai mung: Mo"so o: khyo: cao" na ge,. Lahaung: lapao re ngag: lhaui" pye' ge,. Airu: kaid' lao" za: yao: wa naonhaung" mae" phao: lo" byaug: li"8 nae". – Mo"so mae te' ye: ge, airu: kaid' lao" naonhaung" mae te' li" lo nae". Qobo qo" ra" mo, naonhaung" lo, re shaokyang" pye' ge, nhag' lam: shid' gao bo: ra" mo, naonhaung" nhag' myid shao lho" pye'9 ge, . – Nhag' ngai nhag' kaug' mo, we' daga" ngug: na ge, naonhaung" qi: rure nhag' kaug' ru boe" nhao mung: ngaui bau" ru rere: nhag' ngai khyo boe" nhao10 ge, – Mo"so: qhid' kheim: mae yao: yao" gaung nyham: khyo" pye' ge, airu: kaid' lao" za: naonhaung" re tau: to' yu nae".11 Mao:nhaung: qe dayaug we' da yaug jho" gaui: khyo dakaid' ge, mao: nhaung: yao: cao: jho" gaui mung: yao: mae qobo bo: ga: dao: phyid' ra" yaug wa tarha" re maphug' ru ngaid: ava". Tarha" mae qobo bo: ra" ga: dao: phyid' ra".Airu: kaid' lao" nao wa tarha" cao" na yaug mangaid: . tarha" re za: dao: phyid' yaug ngaid:12 ra". – Khang" dao: tarha" re sang yaug dao: phyid' nae" yaug dayaug za: na: ra". Ai: yaug wa khyaid' yu nae" phyo' nae" kheim: so' bo: ra". Su re dao: phyid' ra" nao wa khag' ngaid: i"?.13 Ana" ba ne, kao ceru: ga: mang: ra" vomo" khyo ye: gelang: .Ai: vomo" mae zin kyab' na mung: gau pai: yang: myo: laug sho' kaid' gelang: ga: mho mo, we" tae"14 gyo: ge, . – Ne, mo" ba pe" boe" nae" ru naonhaung" maba ko". Naonhaung" kao wa pe" ja: ngaid: i"?. Dazab li" thug' qin" mung: baui" lo" ba: ra" ngaui" we' dau:15 ra". – Mo"so o ngaui: na: re kam" ngon- haung" kao daui: bain: ce: khyo: kaid' gelang: , thoe khyo: kaid' gelang: ga: naon-16 haung" gai: ta" nae". – Ana" naonhaung" wa yao: yao: ngaid , thoe gyo" ru mae phug mung: nga: yu: na: ako". Airu: nga: yu phug: na: gu: alhab' wa magai: ru jham17 ngaid: .– Ai mung: gai: ra" lo, mau" re ba ba za: mazaui" ra" yaug wa qobo qo" ra".