1 Mo"so: mang khyao: we' tarha" wa jung" khyoe' ru maboe" shao: .Daui daui byu ga: ru wa yao: yao" AsAng re gyai phug'2 ca" yaug ngaid: ein: myid: yu ge, . – AsAng wa lam khug yaug ngaid: re mao:nhaung: ngaid: ra" ein: myid: yu mung: maphug' makhyaid' dakaid' wa, daui daui byid' ra" akyu" re qhug' khae: yu yaug wa lam khug: ra" yaug jhid' de, gai yaug ngaid: ru mung: je mung: daui daui byid: wa, ceru: ein: phyo mho" dao: ta" yang: qam: byid: lao" zhang: na wa, .3 Damyo" akhyao mazhaung" ra" phyo mho" dao: mho" shid' mung: ngonhaung" AsAng Yesu Khristu: dao: kheim: ngaid: ra" shao gyang" ra" dao: kheim: rere: Mo"so: khyo phug' cao" ru we' dau: ra" phyomho" dao: rere: makhae: yu: ra" yaug kam" wa, –4 Ngaid so" ru we' pe" maba: fonain: ngaid mung: gemang: gung" dao: jhau: nyha: byo; yhai: qin" yang: nhag' lam: shoe yaug ngaid: ra". Airu: lao" myid: nug' ru, gye tug' she: ru, su: nga: re khyoe' ru nhung:5 myid bo: lo: ru. – Nhag' lam: qeim: lo" mung: dang main: tarha" mabo: ra" mo; be vha: lhang" ru za: boe" byaug: ra". Mo"so: khyo mae phug' cao" ra" ru wa akyu" dai kham qo" ra" ga: dao" nghae" ako". Airu"6 ra" mo, re jao" wa, – Nhag' dag: ra" myid bo: re kam" Mo"so: khyo mae phug' cao" ru wa gai gai: akyu" dai kham qo" nae" ru7 dang: ra". – Khoru: ga" re ngonhaung" wa ce: myid kin khyo pe" re: maci lo: li" lo: ru mung: thug' lo" qere: pe" ja: rere: magai: yu: lo" ein: ru wa de: de: za: ngaid: ra". –8 Airu: mung: zo: nae" ve, nae" jo; qo" gu:9 mae nhag' dag: na gelang: . – Ngaui qo" nae" khyo za: myid: ra" mo, wa qobo: yang ju" phyo' ru, taui" to: qhug' ru , madang mamain" o: byid myo, nyaid: khyo mae joe" ba: ako". Ai ru" ra" khyo" yang Xaosu byu qe wa pe" akyu" maqo" ra" byo; qeim:10 khyo mae lo" ba: ako". – Khoru: ga" re ngaui re myo, nyaid: ru wa magai mashab alhab' aqao: gyi: dai ngaid: ra". Byu damyo" ngaui re myo, nyaid mung: lam khug: ra" tarha" atae mae" lai" lo" mung: myaung: dug qug: khai: we' yao: yao" gaung re lao" thug' kyao" pye' aveko".11 Airu: mung: Mo"so: byu we" nao ai ru" qobo re jao" pye' wa, din: main: taung" zaui" na: ru , Mo"so: khyo mae phug' cao" ru , lam khug: ru , jhid' de; ru , zang: qhao" ru , nau" nhae" ru ai jham re cao"12 na wa, . – Lam khug: ru mae zao" lo: ra" ja: re lham: kin: va: pye' wa, apyaid ato: kao re zaui" zang: ci wa, . Ai: kao re qo" nae" tau: nao wa khai: yu: ru qhug' mung: sagso: myo: lo bug mae gai: ru re khae: yu:13 ava". – Ngonhaung" AsAng Yesu Khristu thug' li" ra" ba na joe" sho' nao wa mashao malho" ru we' mate' qobo vhin nae" made,14 lo: khang" dao: re cao" na wa, . – Alhab' re kao daui nhao: na: Mo"so: qhid' kheim: mae re: Pungtu: Pilaid zug: re: nhag' lam: pyo: pyo: za: sagso: kham: ra" Yesu Khristu; qhid' kheim: mae re: ngo wa nao re khang"15 dao: byid' to: va". – Movo: mug: mae" loe; ra" yaug dayaug za: ngaid: ra", Khag' lao" maqo" qui" te' ye" ra" bo" bao mae na: ra" , khag' lao" maqo" myao magai: myao: ra" nga: lho" ra" dayaug za" AsAng ngaid:16 ra" , – Jhaung zug: qe tho' mae" jhaung zug: AsAng tho' mae" AsAng wa ayo, joe" lo lao" AsAng Yesu Khristu na: thug' li" ra" khyo re myao myhao" qhu" byid' li" nae". Ai: Mo"so wa apyaid ato: qam: o: kheim: so' we' ana: na veshao: wo". Amen.17 Cebang: mae ngaui qo" ra" mo, wa ngaid so" ra" ru mabo lo: matang: ra" dai kham mae au: makhug: ngha lo: za: ngo- nhaung" the' khae: yu nae" alhab' re jab byang" sho' nhag' myain" na: ra" kao daui:18 na: Mo"so re lam khug: na ca". – Su re jeju kaid' ru , gai: ra" angau: we' jab byang" ru , byid: nug: nhag' lam: kao bau: ru , yao: cao: zam" khug: ru , dang: ra" kao so' mae19 qo" vao zo: nae" tau: – Thao: bang: mae gai: ra" jo, nho" re yao: yao" tau: qho: na ca" akhyo re ta" shid' wa, .20 Timoti we" nao mae qhaug' to: va" ja: re caung gam: na wa, . Tarha" mabo: mageim" dao: re jhau: pyaug' ra" akhyo rere:,damyo" yang shaid' nghung" ra" laba lajhao ga: mhang" ko" khyo we' tin" ra" adu: adae: jho" ta" ngag: rure re: jao" na21 wa, . – Pe" mung: ga" re byu damyo" ai: juyi re khae: yu gemung: lam khug: atae mae" lai" lo" ava". Nao mae jeju jo; na veshao: wo". Amen .