1 Ngonhaung" wa Mo"so: khyo mae phug' cao" ru ngaui bau" ru we' gai shab za: daui: na shao: ga: byu Xaosu alhab' mo;2 tau: mae" re: – Jhaung zug: qe we' ham: hung: myo, nho qo" mo; tau: mae" re: , mho' bain" ru , jhaung: mho' ru , gaung tha" mho' byid' ru we' caung: khin" ra" khyo re saoqhid' zaui: nae" tau: ngo zhain"3 ke' ra". – Pe" mung: ga" re ai ru" mau" wa gai: ra" mau" ngaid: ngonhaung" re khyaid' yu: ra" AsAng Mo"so: o ngaui: ra" mau"4 zo" re: ngaid: ra". – Byu alhab' bam: wa khyaid' yu: ru qo" joe" mung: dang main: tarha" re ba se" nae" tau: Mo"so o ngaui:5 ra". – Mo"so daso za: ana: ra". Mo"so we' byu qe: gyo: mae byu li" boe" ra" Yesu Khris- tu ga: yaug myain yo byid: yaug dayaug za:6 na: ra". – Ai: myain yo byid: yaug wa byu alhab' re khyin: yu nae" ga: yao" gaung re qhaug' byid' pye' va". Ayo, gyai myao" thao7 she, sagso: kham: ra". – Ngo wa ai sagso: kham: ra" azhao" mae re: , logyo: azhao" mae re: , lam khug: tarha" we' dang main: tarha" re taung bug byumyu" qe re hau" kyo" ra" mho" pho" azhao" mae nha: to" ra" yaug ngaid: ra" ein: ngo ta" ru wa mhug' ra" dao: mangaid: dang: ra" dao: re ngo ta" ra".8 Airu: jo, qo khao: ngo" mae yaug gai qe wa nhag' yo" ru , jho" ngag: ru mabo lo: shao gyang" ra" lo, re tau mung: jhaung:9 mho' genae" re ngo ngaui: ra". – Aire" ru: myiqe: qe wa xae nag nag: ru , hhang zai , laug pau: lhai: ce', phug' de; ra" bau: jham: yang za: gaung re mashaung lo: gyaug qho' ru dau nyang sam" de, taung" za: ve;10 shaung: na veshao:. – Mo"so re phug' cao" na: ra" myiqe: qe ve; shaung: ci ca" we' dakhyo: gai: ra" shaung yhaung" akhyung re11 ci nae" rure ngo o ngaui: ra". – Myiqe: wa ug gam: ru re khonhae" re: khae: yu mung:12 sae za: mho" xeim: na shao:. – Myiqe: wa mho" shid' ra" dao: ta" mung: yaug gai re ug gam nae" ngo mangaui. Yao: wa sae za: na:13 re za: adau:. – Pe" mung: ga" re Adam: re saoqhid' phain: ke' mung: thao re she, Eva,14 re dam: phain: ke' ru ngaid: . – Ai mae" dagau: wa Adam: wa ju" phyo' ru maphau:15 myiqe: wa ju" phyo' ru qhug' ra". – Ai qere: yao: yao" ve, qab shao lho" za: na mung: lam khug: ru jhid' ru, shao gyang" ru mae tang: de; na: yang: zo: khau myhung: mau" mae khyaid' yu: ru qo" nae".