1 Phung: ug aya: re ba: o yaug wa gai: ra" akhyo: re o ngaui: ru ngaid: ra" ga" dao: kheim: wa dang: ra" dao: ngaid: . –2 Aimung: phung: ug wa qobo vhin nae" made, yaug yao: myi: dayaug za: na yaug dang main: khyo mae su: yaug ave, de, yaug yao" gaung re qo" khang" yaug bang" ba: da" yaug mho" shid' dao: ba: jhau yaug3 ngaid ca". – Sabyi' qang: ba: shaug' pyo" ra" ru , su re be; ru , mashao gyang" ra" gau pai: khyo mae myo, nyaid: ru , mangaid: yaug nhag' lam: yin yaug mo, byo, maba: qho yaug ngaui re myo, manyaid yaug4 ngaid ca" nae". – Yao" yham re gelho: za: ba: ug gam yaug ngaid mung: yao: zo: qere5 qo" ba: mho" aung yaug ngaid ca". – Yao: yao" yham re maba: ug: gam: re Mo"so:6 phung: re khoru: caung kin nae"?. – Ngaid beim" ra" myid bo mung: yui: yang vha" yu qhug' yaug maboe" veshao: phung: byu7 asag' re: magai: kaid' nae". – Jung" khyoe' ru yui: yang taung" yu: ru maphau: veshao: taung gaung byu qe: qhid' mae" lam ga"8 yaug ngaid ca" nae". – Ai we' dakhyo: phung: tau qe wa gyang: so: za" yaug ngaid ca" . Sho shid' khye' yang jhau yaug sabyi' yhid yid: ze: ra" yaug mashao lho" ra" gau bai: khyo mae au: am: yaug magai: ngaid –9 Yao: yao" gaung re ba: ru we' shao za: na mung: lam khug: khyo akao" vao" myid vao10 zo" ra" yaug ngaid ca" nae". – Yao: bam re: lai: lo" va" yo, ju" phyo' ru qhug' qu" mung: ai: thao qobo vhin nae" made, su ngaid: re11 kam" phung: tau kaid' geshao: . – Ai we' dakhyo: myiqe: qe re: ave, de; ra" yaug su re gaui mho lau pau makaid' yaug dang main" khyo mae cao" ra" yaug ja: nam jab mae vin12 tang" ra" yaug ngaid ca" ra". – Phung: Tau mau" vin yaug wa yham sang myhi" dayaug za: qo" yaug yao" yham byu zo: myid: qere nyang" za: qo" ba: ug: gam yaug ngaid: ca:13 ra". – Khoru: ga" re phung: tau mau" re vin tang: zaui: so: mo, wa yao: yao" tau: mae" gai: ra" akhyo rere: Yesu Khristu lam khug: ru mae vae" ra" qam: o: aqi: qo" ako".14 Nao na: ra" khyo ngo mye, mye, li" nae" ein: myid: na qere: myao" sho' na: re nao wa Mo"so: yham dang: mae khoru: ba: zaui: so: cao" na nae" ru re ba nae" tau:15 ceru: ngo tung" byid' ke' ra". – Ai: yham dang: wa kao daui: na: ra" Mo"so: phung: ngaid: ra" ai: phung: kam" wa dang main: tarha" zang baung: we' aqao: apain re:16 ngaid: ra". – Dang jhaug' ra" lam khug: li dao: kao ano, wa qi" thao ra" akhyo ngaid: ra" ein: ngag nae" akhyo mabo. Mo"so wa gaung khyao khyo" myhao" qhu" va". Dang dang ngaid: ra" akhyo: wa Solo khyo" yang bao myhao" byid: va". Mug: logyo: qe re: AsAng re qo" myao veko". Taung bug: byu qe wa lau dao: re qo" the' gyo: va". Myid kin byu qe wa qhug' lam khug va". Phung bao nga: lho" ru we' mug: tho' khyo jhui" to' yu: ru qhug' ava".