1 Kao qi: va" mo, re mageim: daqeim2 wa, pho" dayaug ru: myid: yu mung: – Mho' bain: wa zolau: qe re mao: nhaung: ru: , kao qi: va" zang yin" qe re yao: myhi" ru: , zomyi: qere shaogyang" ra" ave, we' daga" nhae: mo" ru: mho" shid' na wa, . –3 Cug' mo" myhi" dang yao: ngaid va" mo,4 re bao" thaug' zho: jhaug' wa, – Zo: myid: na: ra" cug' mo" ngaid: re ai zo: myid: qe wa saoqhid' Mo"so: akhyo mae phug' cao" na zo" yao: yao" yham re caung gam mung: myhi" pho" phug' phyid' qere khau thaung: shao: nae" tau: mho" byid' na shao: . Ai: mau" wa Mo"so o ngaui: ra" mau" ngaid:5 ra". – Dang dang cug' mo" ngaid mung: na: te" to" cug' mo" myhi" wa Mo"so re lam jang" na mung: jhaung: mho' kug kau" ra" khyo mae myi" na" te' dai" ngaid:6 na: ra". – Sa: sho: o: khyo: mae cao" na: cug' mo" qe kam" wa kao daui: na shi"7 mae" ashid ngaid: ra". – Aibam re qobo mavhin genae" tau: ce: akhyo jham mho"8 kyang: wa, . – Yao: yao" byu qe re magam yao: yao" yham byu qe re macaung: ra" yaug kam" wa lam khug: ra" tarha" re ha: pye' yaug ngaid:. Malam khug yaug tho' je9 yang: nhag' lam: qao yaug ngaid: . – Cug' mo" myhi" wa kao khyaug' xe mabyang" re10 cug' mo" japhin: magai: vhao". – Yauggai dayaug za: qo" qu" ra" yaug gai: ra" khyo re dau nyang za: cao" na yaug, zoshao qe re zho: jhaug' ru , bang" da" mau" re zaui" ru , shao gyang" mo; khyid re cid' shao: ru , myaung sho: mo, re byid: zho" ru gai: ra" mau" alhab' re qam: ke' zaui: so" yaug11 ngaid: re japhin: gai: vhao" yu: ra". – Kao ngai shi" cug' mo" qe re cug' mo" japhin: mae davhao" yu shi: .Khoru: ga" re yao: bam wa Khristu: mho" shid' rure maqo" zang: qhao" yang: yham khaung dam:12 vai" lo" ba: ako". – Ailao" yao: nhaung" re su: yang sao qhid' mae" dao: so: maci ga: qobo vhin genae". Atho' mae yao: bam wa noe" mung: dayham mae" dayham13 ba: lae" lau pau yeim" qin" ako". – Noe" ru za: lao" mangaid: nhaid' saung" myo: yang: mata" gai: ra" dao: jham jhau mung: yao: we' matin" ra" mau" mae ba: lhau:14 lhag' qin" yaug ngaid: ra". – Aimung: kao ngai shi" cug' mo" qe wa lo, xo' ru , zo: khau: ru , yham mau" qu" caung: ru , su makhyoe' lo: sho' ba: na nae" tau: ngo15 o ngaui: ra". – Khoru: ga" re ana" lao" damyo" wa khyo nghung: mung: satain:16 thao cao" aveko". – Lam: khug: ra" yaug gai myiqe: nau" qe mae cug' mo" na ko" re ai bam zaui: zho: veshao: . Airu: lao" za: dang dang cug' mo" ngaid: ra" mo, re phung: khyo" anhaung" akhoe' mabo lo: qo" zaui:zho: nae" ngaid: .17 Nyang" za: ba: ug gam: ra" phung: ug qe wa jhaung qhu" shid' ja: khyo" qo" gai: zo" ra" ein: re: hau" kyo" ru ,mho" shid' ru, qam: ke' zaui" ra" mo, wa jhaung qhu" shid' pyae gai: yu: ra" ein: re: xam"18 yu ge, . – Khoru: ga" re gaug nao" na: ra" nung" nhaid' re nhaid' kho' dazhaung" to: ga: jham: mae tung" to" ra". Dakheim: wa zaui" ra" yaug wa aphug' re the' yu zo: nae"19 ga: re: botung" to" ashi". – Sagso: byu shid' sam yaug mabo re phung: ug mae qobo20 vhin: ra" dao: datae" gyo: . – Getau: byu qe gyaug phug' genae" tau: qobo qo" mo, re byu alhab' bam: qhid' kheim: mae qobo21 dae byid: mho" shid' wa,. – Ce: akhyo jham re khag' myo, khung: re: makhyin lo: za: zaui: so" na veshao: . Mo"so we' Khristu Yesu qhid' kheim: mae re: khyin: yu: ra" mug: logyo: qe: qhid' kheim: mae re: ngo22 re dao: so: byid' ra". – Khag' adao mae re: hin so: ladain lo, dakai: byid: . Su: qobo mae dalhau: lhag' , dabo: bo wa, ni" gaung nao23 shao kyang" na wa, – Ni" aung khug mae akyu" bo veshao: ga: yang: re: dazab zab kham zo" ra" no bug: mathao: yang re: ana" mae" wa qid re za: mangaid: sabyi' qang: re24 re: mavai" zo: boshaug' na wa, . – Damyo" qobo wa genhae" mae" de: de: ngaid mung: dao: phyid' jao: khyo saoqhid' ba: ye" ako". Damyo" qobo wa yao: bam: thao khyo cao"25 lo: ra". – Ai we' dakhyo: damyo" shaid' nghung" khyo wa bao bao za: ngaid: ra". Mabao shi" ra" gu: rere: maqo" nyham" to: ngaid: ra".