1 Ngonhaung" re khyaid' yu: ra" Mo"so we' ngonhaung" myid: nghae" jao: ngaid: ra" Yesu Khristu khang" dao: khyo" yang ai: AsAng: logyo: ngaid: ra" ngo Po"lu wa –2 Lam khug: gau: khyo" nga" zo: gyang" ngaid: ra" Timoti re kyo" ke' ra". Nyhao: nhaung" AsAng Yesu Khristu we' nyhao: nhaung" pho" ngaid: ra" Mo"so mae" jeju , nhag' myain: , yaug yo: ru , wa ajo; na veshao: wo".3 Getau: mho" shid' li re damho" shid' ge, saung: seim dao: rere: datae" gyo: ge, Ai wa lam khug: khyo we' tin" ra" Mo"so: sosuna mau" re caung gam: ra" tho' yao: cao: jho" ngag: byo; khyo re boe" nhao ba:4 ra". – Mathao" ma gain: byu jao: xag' qug japhin: jham re atae dato: ge, ein: nao wa damyo" re khang" to: mung: Ephesu vomo" mae na co' nae" tau: ngo wa Makedoni mang: khyo ye" ra" au: mho' bain: va" we'5 dakhyo: na co' wa, – Airu: khang" pin: to: va" ajhaung ein nae" kam" wa shao lho" ra" nhag' myid we' re: yao: yao" gaung re ba: ra" gyang: so: za" nhag' lam: we' re: gyang" dang: ra" lam khug: myid we' re:6 tin" ra" jhid' de; myid ngaid: ra". – Airu" ave, re byu damyo" wa khyao za: macao" pyang" pe" mangaid' dao: re jhau: pyaug' pye' ako". Airu" mo, wa yao: yao: re ta" na:7 ru maba: gyo" yu ko" ngaid: ra". – Pe" ru" tarha" atae mae yao: yao: gang: tang za: na: ru lao" maba ko" ru yao: bam: tarha"8 re mho" su boe" nug: ako". – Khag' ngaid qere: tarha" re gai: ra" khyo" yhung" ngaid: re gai: ra" ga" khyo re ngonhaung" ba:9 ra". – Airu: mung: tarha" wa din: main: yaug: tau: mae" khang" dao: tarha" byid' to" ru mangaid: lo: za: tarha" mavao kaid' yaug matae" gyo: yaug , Mo"so re malam khug yaug qobo kaid' qhu" na yaug mashao: ra" yaug Mo"so: agin angau: re maba: phug' cao" yaug myhi" pho" re zab: nhab' yaug ,10 byu: kao se' yaug . – Magai: phavae: mau" zaui: yaug yauggai yao: cao: phavae mau" zaui: yaug , byu re khug' yaug mhug' dao: jhau yaug , mangaid makhung" nhang: myain" jhau yaug mae" du shao lho" ra" phyomho" dao: re phaug' lhain" ra" ja: alhab' tau: khang" dao: tarha" re to" ru ngaid: ein: ba mung: ai: tarha" re tarha" vao: khyo" ci: ra" mo, mae kam" khang" dao: tarha" wa akyu" byid' ra" ein: ngon-11 haung" qo" ba: ra". – Airu: ein: ru mae nga: lho" ra" Mo"so: phung qi" ra" ngaui bau: lau dao: we' dau vang" ra".12 Ai: tarha" re ngonhaung" qhaug' byid' ru ngaid mung: ngo re qam: o: we' byang" vin" nhao: ra" ngonhaung" AsAng Yesu13 Khristu: jeju re ngo khin" ra". – Ngo wa gaui mho yaug yhin" yaug azhaug' amhe' kaid' lo yaug ngaid qere: dao: so: zaung yaug ga: ai: AsAng xam" yu mung: mho" pho" azhao" mae nha: to: va". Airu: ngo kaid' lo: au: lam khug: ru mabo dang dang maba yang: kaid' ra" mathao: yang nhag' myain" ru re ngo qo" khae: yu va". –14 Ngonhaung" AsAng Mo"so: jeju kam" wa Yesu Khristu mae lam khug: ru jhid' de; myid we' daga" tau" da: to" tho' je: byaug15 va". – Yesu Khristu wa qobo qo" ra" mo, re khyaid' yu nae" ga: ce: myid kin dao khyo joe" li" va" ein: ra" dao: wa dao: dang dao: jhaug' ngaid: ra". Lam: kab' khae: yu gai: ra" dao: re: ngaid: ra". Qobo qo" ra" mo, mae ngo wa qobo je: qo" yaug ngaid:16 ra". – Ai qere: apyaid ato: kao so' tau: ba: lam khug: lo nae" mo, cao" nae" khu: shid' gai: boe" nae" tau: qi" thao" qobo qo" ra" ngo mae Yesu Khristu wa ja: cao jab: qam: o: qhu" byid: nae" tau: ngo re nhag' khyag'17 yu va". – Ana" apyaid ato mae mabyo, maqeim lo" ra" myo; yang magai: myao: jhaung zug: ngaid: ra" Mo"so daso mae za: ham: hung: kheim: so' wa apyaid ato myid gye, aqae: qae: mae ajo; na veshao: wo". Amen.18 Nga" zo: Timoti: we" nao re zhaug' mung: ta" qu" va" pa dao: mae khug yang: lalam lakhug we' gai shab: ra" angau: re ci: qhu" na mung: ai: gai: ra" tau: lhain" khyo re nao gye tug' qo" she shao: ein: yang: mho: to: va" lapa dao: we' dakhyo: ce: khang" dao: re ngo nao jhao" qhaug'19 byid: co' va". – Ai:lam khug: khyo mae" damyo" dae" lo" yang: lam khug: ra" lha20 byo, mung: jeim" byaug veko". – Yao: bam mae Himene we' Alexanda bo ko" ru mung: yao: tao wa jung" khyoe' ra" dao: re qo" jao" lha" veshao: mho" yu nae" tau: yui: lo, khyo ngo dai" ke' va".