1Thesaloni-5

(SHAO GYANG" JHAM: PAUG' )

切换到福音影视网-新版圣经

  • 1 Mao: nhaung: qe we" lo" thao" bain" ayo, akhyo re naonhaung" jhao" tung"
  • 2 vhin: ke' nae" akhyo: mabo. – Pe" mung: ga" re khug' byu wa myi" re li" ru: Mo"so: ba na wa joe" li" nae" ru re naonhaung" wa dang jhaug' za: qo" ba veko".
  • 3 Yaug yo za: ngaid: ra" ju" phyo' gye we' va: lin: ra" ein: mho: re maqao" gaung ngaid: ra" myiqe: mae zo: khau no no: li" ru: yao: bam: adao mae mye, mye, yao: phyo' qheim" ru joe" mung:
  • 4 loe, nae" akhang" maqo" ko". – Aiqere: mao: nhaung: qe ai: ba na wa khug' byu ru: naonhaung" adao mae joe" li" nae" akhyo: naonhaung" wa mug: caid' mae na
  • 5 ko" mo, mangaid: – Naonhaung" alhab' wa bo" bao: zo: na" gaung: zo: qe ngaid: ako". Myi" re" zo: mug: caid' mae" zo: qe
  • 6 mangaid:. – Airu: mung: getau: byu qe yab pyo: ko" ru: ngonhaung" wa mayab; nai"
  • 7 na lo: lha" zo" lao" na gelang:. – Khoru: ga" re yab pyo" ra" mo, wa myi" re yab pyo: ba: ako". Yhid shaug' fozo: kaid' na mo, re: myi" re lhaung" ba: yid' na" bam: ako". –
  • 8 Na" re" zo: ngaid: ra" ngonhaung" kam" gyang: so: za: ngaid: na gelang:. Lam khug: ru jhid' ru ein: ra" qao bao" rere: ve; ci: bam
  • 9 gelang:. – Nhag' yo" kheim: re phau: shao: ga: Mo"so wa nyhao: nhaung" re nha: to" ru mangaid:. Nyhao: nhaung" AsAng Yesu Khristu khyo" yang khyaid' yu: ru qo" sang:
  • 10 na nae" tau: nha: to" ru angaid:. – Ngon- haung" wa gyang" na: bam: ru ngaid qere: yab: jo; ru ngaid qere: ai: AsAng we' daga" kao daui nae" ngonhaung" tau: yao: shid
  • 11 kham byid: va". – Ai mung: naonhaung" ana" yao: kaid' cao" na ko" ru: yao: cao: jho" ta" shid' mung: dayaug we' dayaug zhaug' tang: na ge, .
  • 12 Ai mae" getau mao: nhaung: qe we" naonhaung" mae mau" zaui" ru Mo"so: akhang" khyo" ug: gam: ru khyo shid' ta"
  • 13 peim" mo, re beim: so" na ge, . – Yao: bam zaui" ra" mau" yang jhid' myid we' gyai jhid' kao: na genae" tau: ngonhaung" mho' bain" ra" yao: cao: nyang nyang za: na
  • 14 ge, . – Dam: mao: nhaung: qe we" magai makhyang: mo, re ta" peim: ta" kyang" na ge, .Nhag' ngai mo, re qam: byid: ge, . Qam: nang: mo, re bao" yu ge, . alhab' mo;
  • 15 dao mae nhag' lam: qhang: na ge, . – Su: dao mae khag' re re: dae co' maphaug' nae" tau: lha" mung: yao: cao: yao: ngaid qere: , ja: nam jab mae ngaid qere: ayo, khao: ngo"
  • 16 qam: ke' mung: jeju kaid' na ge, . – Khyao
  • 17 za: ngaui bau" ru jo; na ge, – Mathang mano: jhaung: mho' na ge,. Ja: khao: ngo"
  • 18 mae jeju caung: khin" ge, . – Khoru: ga" re naonhaung" airu: cao" na genae" tau: Yesu
  • 19 Khristu mae Mo"so o ngaui: na: ra". – Solo
  • 20 qam: so' re dasham: lo" nhao ge, . – Lapa pa: ru mae pe" shui manho dakaid' ge, –
  • 21 Ja: nam jab re ca: phaid' qu" mung: gai: ra"
  • 22 ru re khyao za: zaui" zag: ci ge, – Magai:
  • 23 ra" angau: aja: ja: re jao" lha'' ge, – Yaug yo: AsAng Mo"so yao: naonhaung" re alhab' yao: shaokyang" pye' veshao wo". Ngon- haung" AsAng Yesu Khristu gyo" li" lo lao" naonhaung" gaung khyao nhag' lam: , solo re qobo mano: sho' shao kyang" byid' na
  • 24 ge,. – Naonhaung" re khai: yu: ra" yaug wa dao: so: we' jab byang" na: ru mung: airu: zaui" lo: li" nae".
  • 25 Mao: nhaung: qe we" ngonhaung" tau: mae" jhaung: mho' ge,
  • 26 Mao: nhaung: alhab' bam: re shao- gyang" ra" bobaug baug; ru we' au" ge, –
  • 27 Ce: tung" khye' re shao gyang" mao: nhaung: qe alhab' bam: re phaid' nhao genae" tau: Mo"so mae lao: yang: ngo wa naonhaung" re thao: ce' byid' ra".
  • 28 Ngonhaung" AsAng Yesu Khristu jeju wa naonhaung" mae jo; na veshao: wo". Amen..
回到本卷目录 回到本版本目录 回到首页