1 Aimung: ngonhaung" wa matho' zang: qhao" lao" Athen: vo mae dayaug za: na:2 thang: gyo" nae" ein: myid: ra". – Khristu ngaui bau: lau dao: re hau" kyo: mung: Mo"so: mau" re vin vo; ra" byin cao: ngaid: ra" nga" nhaung: Timoti rere: nhao: ke'3 ra". – Ngonhaung" thaung" qhug' na: qug: khai" ru: yang khag' re: magyang: kae" lo" nae" tau: naonhaung" re tang: na nao mung: lam khug: ru mae naonhaung" re khyo shid' na nae" tau: yao: re ngo nhao:4 ke' ra". – Ai: qug: khai: re khae: yu: nae" tau: ngonhaung" re nhao: to: va" ga: naon- haung" yao: ba: ako". Khoru: ga" re ngon- haung" wa qug: khai" ru re the' phau: zai va" ein: naonhaung" we' daga" na shi" au: mae" ngonhaung" ta" na va". Ta" ru: yao:5 ngaid: ru re naonhaung" re: ba veko". – Ju" phyo' ba yaug wa naonhaung" re ju" phyo' ru mung: ngonhaung" amyaung: ataung" kaid' ra" mau" wa akeim amyid boe" nae" ein: gaung yug mung: matho' zang: lo" au: naonhaung" lam khug: khyo re ba nae" tau:6 mae" ngo nhao: ke' ra". – Ana" kam" Timoti wa naonhaung" mae" dam: lo mung: lam khug: khyo we' jhid' ru mae tang tang za: ngaid: ga" rure re: ngonhaung" naonhaung" re beim" ru: naonhaung" re: ngonhaung" re beim: mung: abang mabyid gyai beim" na ko" ru re re: ngaui bau: taung" lau dao: re7 lo: zhao: kyo" au:. – Mao: nhaung: qe we" ngonhaung" aja: ja: mae qug: mung: aqug: aqae" phau" na: au: re naonhaung" lam khug: myid khyo" yang yaug yo: khyo qo"8 yu: ra". – Ana" naonhaung" wa Mo"so mae zang: zaug: na ko" ngaid: re ngonhaung"9 wa kao daui: na mo, ngaid: ra". – Ngon- haung" Mo"so: qhid' kheim: mae naon- haung" mathao: yang ngonhaung" the' yu: ra" ngaui bau" ru alhab' re myid: qu" mung: naonhaung" mathao: yang Mo"so: jeju re kho ru: ba: tho' xe' lo: nae"?. –10 Naonhaung" myo, khung: re myao mung: naonhaung" lam khug: ru mae ca" shi" gu: qo" jab pyang" nae" tau: ngonhaung" wa myi" na" makhyin lo: jhaung: mho' qam: yu mung: na: bam: ra".11 Naonhaung" na: mae joe" sho' ngon- haung" li" nae" khyo re ngonhaung" pho" Mo"so we' AsAng Yesu Khristu wa nyhang"12 byid: veshao: wo". – Ai: AsAng wa yao" shao gyang" byu ajham ataung we' daga" gyo" li" lo: au: ngonhaung" pho" ngaid: ra" Mo"so qhid' kheim: mae qobo mathe' myao lo: naonhaung" nhag' lam: re AsAng wa shao gyang" ra" qab mae tang: de; to: nae" tau: ngonhaung" wa naonhaung" re jhid' de; ru: naonhaung" re: yao: cao: yao: ngaid qere: su alhab' mo; re re: jhid' mung: jhid' myid we' gekai: lai byang" nae" tau: Mo"so AsAng byao: nyhang" yu veshao: wo".