1 Mao: nhaung: qe we" ngonhaung" wa naonhaung" akhug khyo vao lo: mau" zo" wa aje akeim mangaid' ru re naonhaung"2 yao: naonhaung" ba veko". – Naonhaung" ba: na ko" we' dakhyo: za: ngonhaung" Philipi vomo" mae qug: khai: pyam" yhin" ru qhug' thao Mo"so mae pao mung: qi" thao" tau: lhain" ru we' daga" Mo"so: ngaui bau: lau dao: tarha" re naonhaung" jhao"3 vae" vae" za: hau" kyo" ru ngaid:. – Ngon- haung" wa shaid' nghung" ru , mashao: ru , vhain" ra" khyo" yang naonhaung" re mho"4 ngaug; yu: ru mangaid:. – Ngaui bau: lau dao: ci gai: ra" mo, ga: ngonhaung" re Mo"so khae: yu: ru we' dakhyo: byu re ngaui nhao ko" ru: mangaid: ngonhaung" nhag' lam: re ca: qu" na: ra" Mo"so o ngaui: khyo: hau"5 kyo" ru ngaid:. – Khoru: i" ga" re naon- haung" ba se" ko" we' dakhyo: ngonhaung" wa jhu" caung" ra" dao: dalhang re: majhau nyham" to" ra" myo, nyaid: ra" nhag' lam: mabo: ra" akhyo wa Mo"so ngonhaung"6 mae" sagso: ngaid: ra". – Ai mae" getau wa Khristu logyo: ngaid mung: la" ra" qo naonhaung" jhao" vhin nug: re gai: vhin qere: byu byid' ra" nga: re naonhaung" mae maqho getau byu qe mae re: maqho lo: naonhaung" mae nau" nhae" za: zaui: so"7 lo va". – Naonhaung" re jhid' de, mung: nau" nin" ci yaug yao: yao" zonau" re caung zho" ru: ngonhaung" re: naonhaung" re alo8 kho" ru we' – Mo"so: ngaui bau: lau dao: tarha" za: mago" ngonhaung" kao re lao" byid: nug: ra" kao bau: myid bo: ra". –9 Mao: nhaung: qe we" ngonhaung" wa amyaung: ataung" zaui: so: mung: qam: ke' thaug' qhao" na: ru naonhaung" xam" ako". Naonhaung" khag' rere: anhaung" akhoe' makaid' lo: ngonhaung" wa myi" na" zaui: so: zo" Mo"so:ngaui bau: lau dao: re naon-10 haung" re hau" kyo: va". – Lam khug: ru mae joe" va" naonhaung" qhid' kheim: mae ngonhaung" khoru: shao lho" mung: qobo vhin nae" mabo sho' na: rure naonhaung"11 re: Mo"so re: sagso: ngaid:. – Khoru: ga" re yao" mang: din" we' phung bao mae naonhaung" re khae: yu: ra" Mo"so we' naonhaung" nyang" vang" za: qo" zam"12 na veshao: ga:. – Yao: pho" wa yao:zo: qe re nyhang" byao: yu: ru: ngonhaung" re: naonhaung' alhab' re kho ru: mho" shid' lo va" ru re naonhaung" ba: na gau ngaid veko".13 Ngonhaung" hau" kyo" ra" Mo"so: mung dao: re naonhaung" khae: yu ko" au: byu: nhaid' ta" dao: re makhae: yu lo: Mo"so: mung dao: dang dang ngaid: we' dakhyo: lam khug: ru mae joe" va" naon- haung" akhug mae byao: nyhang" byid' ra" mung dao: re khae: yu ko" agin akhyo: re ngonhaung" qu" mung: Mo"so: jeju re abang mabyid lo: yao: caung" na: wo". –14 Khoru: ga" re wa Yuda mang: mae Yesu Khristu lam jang" khyo re khae: yu: ra" Mo"so: phung: vao byu qe Yuda byu qe: lo, mae qug: khai: phau: ko" ru: mao: nhaung: qe naonhaung" wa yao: yao" byumyu" qe: lo, mae airu: phau" ra" khyo" yang Yuda, mang: mae na: ra" phung: vao byu qe re"15 ru: ngaid: ako". – Yuda byu qe wa AsAng Yesu mae" qhid yang: lapa qe re shid se' se' va". Ngonhaung" rere: pyam" yhin" veko". Mo"so o ngaui: khyo: macao" byu alhab'16 mo; we' mazhaung: ngaid: ako". – Taung bug byu qe wa khyaid' yu: ra" khyo joe" nae" tau: mae" ngonhaung" hau" kyo" ru re yao: bam lham: tam" gemung: yao: yao" qobo mae lhau" na: bam: ako". Ai bam: adao mae nhag' yo" ra" kheim: gyo" gyain" li" nae".17 Mao: nhaung: qe we" ngonhaung" wa nhag' lam: khyo" mangaid: gaung khyao khyo" yang za: naonhaung" we' dazab gao: lin: na: au: naonhaung" myo, khung: myao nae" tau: gyai myid: beim" ra" myid we'18 qam: ke' thaug' qhao" na: bam: ra". – Ngo Po" lu wa naonhaung" na: khyo li" nae" tau: mae" shid' lhang lao" myid: seim" qu" va" qere: satain: yui tam" kyo" pye' ra". –19 Ngonhaung" myid: nghae" ra" ru ngaui bau" ra" ru: ngaid so" ra" Dainzi kam" pe" ru" ru ngaid: i"? ngonhaung" AsAng Yesu Khristu gyo" li" lao" yao" qhid' kheim: mae naonhaung" wa airu" akhyo: jham ngaid:20 mangaid: i"?. – Naonhaung" wa ngon- haung" myo, nho phung bao we' ngaui bau" ra" akhyo ngaid: ra".