1 Po"lu , Tilvanu we' Timoti bam wa pho" Mo"so we' AsAng Yesu Khristu khug mae na: ra" Thesaloni vomo" phung: byu qe re kyo" ke' ra". AsAng Yesu Khristu we' ngonhaung' pho" ein: ra" Mo"so jhao" mae" jeju we' yaug yo: ru wa naonhaung" mae jo; na veshao: wo".2 Ngonhaung" pho" Mo"so: qhid' kheim:3 mae – Naonhaung" wa lam khug: ra" myid: yang zaui: mau" re qhu" ru jhid' myid we' qam: ke' thaug' qhao" ru ngon- haung" AsAng Yesu Khristu re myid: nghae" ra" myid we' zang: zaug khyo jham mae ngonhaung" wa khyao za: myid: beim:4 zo". – Mo"so jhid' de; ra" mao: nhaung: qe we" naonhaung" the' khae: yu va" khyin: yu: khyo ba: se" zo" naonhaung" alhab' bam: re mho nug: ru wa Mo"so: jeju re ayo, khao: ngo" caung: khin" mung: naon- haung" tau: jhaung: mho' na: bam: ra". –5 Ngonhaung" wa naonhaung" we' daga" na shi" au: naonhaung" tau: mae" pe" ru" yaug ngaid: ru re naonhaung" ba ko" we' dakhyo: ngonhaung" hau" kyo" ra" mung dao: wa naonhaung" mae mageim: za" dao: kheim: mangaid: phung bao kheim: so' we' re: shao gyang" ra" Solo we' re: aje amyid mangaid: lo: dang jhaug' ba se" ra" tarha"6 ngaid: ra". – Naonhaung" mae qi" thao" ra" qug: khai: qhug' ko" qere: shao gyang" Solo we' tin" ra" ngaui bau: khyo we' daga" mung dao: re khae: yu mung: ngonhaung" ru" ra" byu Mo"so: ru" ru qo" boe" ako". –7 Airu: mung: Makedoni mang: Akhaya mang: mae lam khug: ra" mo, alhab' bam: re naonhaung" wa khu: shid qu" mo, ngaid8 veko". – Khoru: mung: ga" re naonhaung" mae" mung: AsAng Mo"so: mung dao: thoe wa Makedoni' mang: Akhaya mang: joe" sho' hau" nhao" ngae: lo" ru za: mago" Mo"so re naonhaung" lam khug ko" lau dao: wa jo, qo khao: ngo" the' gyo" lo" va". Airu: mung: ngonhaung" akhyo getau pe"9 ta" nae" mabo lo:. – Ngonhaung" wa naon- haung" akhug khyo khoru: vao lo: akhyo jham re yao: bam yao: ta" hau" na: ako". Kao so' we' jab byang" ra" Mo"so: mau" re10 naonhaung" zaui: so: genae" tau: – Joe" lo nae" nho" mo" gyo" kyin" nhaung" mae" nyhao: nhaung" re lhoe' yu: ra" AsAng Yesu ein: ta" yaug shid va" mae" Mo"so: yang daui: to' ke' qhug' ra" zo: wa mug: gaung: mang: mae" joe" gyo" li" nae" ru re lao" na zo" re" re: sulho jham re shelhaui" pye' mung: Mo"so jhao" tha" ye; byaug veko" ra" akhyo rere: ta" hau" na: ako".