1 Dang shi" dao: kheim: ein nae" ru wa mao: nhaung: qe naonhaung" wa khoru: cao" pyang" na nae" Mo"so pe" ru: o nae" re ngonhaung" mae xeim: yu veko" ru: myo" ce" jab byang" nae" qhid' mae" AsAng Yesu mae pao: na zo" ngonhaung" mho' vhao"2 mung: qam: zaug zhaug' ke' ra". – Pe" ru" khang" dao: re ngaid qere: AsAng Yesu akhang" khyo" ngonhaung" qhaug' byid' rure naonhaung" ba: ako".3 Mo"so o ngaui: khyo: ein: nae" ru wa naonhaung" madau made, phavae mau" re jao" mung: shao gyang" na nae" tau:4 mae" re: – Mo"so re maba: ra" taung bug byu qe gaung sho: o: byid ko" ru: mangaid:5 lo: za: – Naonhaung" alhab' wa shao gyang" ru , dau de, za: na: ru we' yao: yao" gaung re qo" aung sho' zang: lha"6 nae" rure re: – Ce: mau" zo" mae lhoe" mung: mao: nhaung: re mazao" mashaid' nae" rure re: dao: so: byid: va" we' dakhyo: AsAng Mo"so wa airu" shaid' nghung" ra" mo, alhab' adao mae dao: phyid' li" nae". –7 Mo"so wa anyain: avho: boe" nhao nae" ga:nyhao: nhaung" re khai: yu: ru mangaid: shao kyang" yu nae" tau: khai: ru angaid:. –8 Aimung: ngonhaung" re ha: pye' mo, wa byu re za: ha: pye' ru mangaid:. Yao" shao gyang" Solo re naonhaung" re byid: yaug Mo"so re ha: pye' ru ngaid: ra".9 Mao: nhaung: yao: cao: jho" jhid' kao nae" akhyo: re naonhaung" jhao" tung" vhin: ke' nae" akhyo ma jo, pe" mung: ga" re naonhaung" yao: cao: jho" jhid' na nae" tau: Mo"so: yang yao: mho" shid'10 khyo jhui" na va" mo, ngaid: ra". – Aitho' mago" Makedoni mang: khyi" khao: ngo" mae na: ra" mao:nhaung: alhab' bam re: airu: kaid' na: ako". Ai qere: mao: nhaung: qe we" naonhaung" myo" je" lo" mung: jab11 byang" lo genae" tau: we' – Taung gaung mae" byu qe: qhid' mae dau de, taung" na:12 qhu" mung: pe" qo mabo lo: sho' – Ngon- haung" khyo" lai: lo" va" yo, ta" va" we' dakhyo: sae za: na mung: yao: yao" mau" zaui: zo" yao: yao" lo, we' zaui: so" na genae" tau: kao bau: myid we' qam: ke' thaug' qhao: nae" akhyo: re ngonhaung" ta" peim" ke' ra".13 Mao: nhaung: qe we" myid: nghae" khyo maqo" ra" getau: byu qe nhag' kaug' na ko" ru we' dakhyo: naonhaung" nhag' dakaug' ge, yab pyo" lo" va" mo; akhyo re maba lo: na genae" ru re ngonhaung" ma-o14 , mangaui. – Yesu wa shid: byaug va" mae" dam: daui: to" lo: khyo re ngonhaung" lam: re wa ai we' dakhyo: Yesu mae yab pyo" lo" mo, rere: AsAng we' daga" Mo"so jhui" dai"15 byid' li" nae". – AsAng Mo"so: lamyhung" khyo" yang ngonhaung" mho: ru wa AsAng Mo"so gyo" li" ra" au: kao daui mung: na: dang: na shi" ngonhaung" wa yab pyo" lo" va" mo; qhid' mae to" li" nae" mangaid:. –16 AsAng Mo"so wa thoe mo" ke' ru , mug: logyo: kyo" thoe , Mo"so: labo" maid thoe we' daga" mug: gaung mae" AsAng yao" gaung yao: gyo" li" mung: Khristu mae shid: lo" va" mo, wa sao qhid' daui: to" genae". –17 Ai: au: kao daui mung: na: dang: na shi" ngonhaung" wa mug: le; phyo: mug: gaung mae" Mo"so jhao" joe" nae" tau: mae" ai bam we' daga" jham phyu: yang qab: she: yu: ru qhug' mung: Mo"so we' daga" ayo,18 khao: ngo" qo" na nae" ngaid:. – Airu: mung: ce: dao: kheim: jham: yang yao: cao: yao: dayaug we' dayaug nhag' jho" tang" na ge, .