1 Mao: nhaung: qe we" byu dayaug yaug mabeim: maso: qobo daja: ja: shaid' nghung" na: rure the' myao ko" ngaid: re Solo: qam: o: bun bo: ra" mo, nao nhaung" wa nau" nhae" za: yao: re jo main: ra" khyo ceim" shid' byid: mung: bao" thaug' yu ge, . Naonhaung" yao: re: ju" phyo' ra" khyo magyo" vao lo" nae" tau: lha" na ge, . –2 Mao:nhaung: yao: cao: re: dayaug: qo re dayaug jho" bao" vin: ra" khyo" yang Yesu3 Khristu tarha" re cao" na ge, . – Byu dayaug yaug wa pe" wa mataung" ngaid: ru yao" gaung re gyai ngaid dao" nghae" ngaid: re ai: yaug wa yao" gaung re mhug' pyag' ra"4 yaug ngaid: ra". – Byu yaug khao: ngo" yao: yao" lo, mau" zo" re kho' khaui: kin: qu" qo: ra". Ai: lo, mau" zo" gai: ngaid: re wa su getau dayaug: lo, mau" we' dau madau tau"5 qu" maqo lo: langa: yu: ru ngaid va". – Pe" mung: ein: re byu yaug khao: ngo" wa yao: yao" qo vin re yao: vin vo, ca" nae".6 Mungdao: re mho" xeim: yu: ra" yaug wa mho" byid: yaug re gai: ja: alhab' byid:7 gae wa, . – Khyo damyid: nghung: ge,. Mo"so wa maphug' ma khyaid' kaid' ru we' mhug' ru re mangaui. Byu wa yao: sin" ke' ru we' dakhyo: ashi: re jham" yu ca" nae". –8 Gaung sho: o ngaui: rure sin" ra" yaug wa gaung sho" byo, qeim: ru za: qo" jham" yu nae". Solo mae sin" ra" yaug kam" wa Solo mae kao daui: ra" ashi: re qhug' jham" yu9 nae". – Nyhao: nhaung" wa gai: ra" mau" zaui: so: nae" qam: mashain , nhag' lam: magyug: gejhao". Airu: ngaid: re ayo, joe" lao" ashi: qo" jham" yu nae" ngaid: ra". –10 Airu: mung: nyhao: nhaung" wa volo mo, thaui: mae gai: ra" mau" zaui: so: gelang: . Je yang: wa lam khug: ra" nyhao: nhaung" yham byu qe: tau: zaui: so: byid: gelang: .11 Ngo yao" lo; yang naonhaung" re tung" vhin: ke' ra" tung" khye' wa khoqhi" khoru" ru ngaid: ra" ein: gelho: ceim" qu"12 qu" ge,.– Yao: yao" gaung khyao ave, asam" nga: lho" nug mo, wa Khristu: pyao: zang akhyo re hau" kyo" ra" mathao: yang yhin" qhug' ra" rure gyaug geyang: naonhaung" re maqaid maqui" nyaug phyid' khae nhao:13 mhug' ako". – Ai: nyaug phyid' khae: yu va" mo, lao" tarha" re maqo" cao" pyang" ko". Naonhaung" nyaug phyid' khae: yu: ru mae" yao: bam nga: qo" yu: qhu" nae" ga: za: nyaug phyid' rure khae: mhug' mo,14 ngaid: ako". – Nyhao: nhaung" khyaid' AsAng Khristu pyao: mae" jain" yang: getau langa: yu jao: pe" majo, shao: . Ai: pyao: zang mae ce: myidkin wa nga" tau: be; jin" ru qhug' yang: ngo re: myidkin: tau: be;15 jin" lhao" se' ru qhug' va". – Khoru: ga" re Khristu: khug mae nyaug phyid' khae: yu: ru makhae: yu: ru pe" yhau: gyin: mangaid: byu sag' boe" nae" za: yhau: gyin: angaid: .16 Ce: akhyo mae cao" pyang" ra" alhab' adao mae re: Mo"so Israel alhab' mo; adao mae re: ngaui bau: yhaug' yo: ru we' nhag' khyag' shogu: ru wa alhab' we' daga" ngaid: jo, shao: wo".17 Ana" mae" thao phyao: ngo re khag' yang re: qug: khai: mabyid: veshao: . Pe" mung: ein: re nga" gaung mae" dae khu jham wa ngo Yesu jeim pho" ngaid: rure sagso: qhu" byid' na: ra".18 Mao: nhaung" qe we" nyhao: nhaung" AsAng Yesu Khristu: jeju wa naonhaung" nhag' myid we' daga" ajo; na veshao: wo". Amen.