1 O" laba lajhao mabo: ra" Galati byu qe we" pyao: dao mae Yesu shid qhug' ra" bao qab re naonhaung" myo, le, mae qhu" va" dang main" ra" khyo re matae" gyo: shao: ga: khoyaug: yang jhui" pyag' lo" ko". –2 Naonhaung" shaogyang" Solo re qo" khae: yu: ru wa khang" dao: tarha" khyo" ngaid ko" i"? mangaid: lao" lam jang" myid: akhyo re the' gyo" yu yang: ngaid: ko" i?.Ce: dao: shid' kheim: mae" daja: re za: nao nhaung" mae" ngonhaung" ba nug: ra". Naonhaung" wa aqhi" yao: laba lajhao mabo ko" i"?. –3 Naonhaung" wa shao gyang" Solo mae kaid' qhid mung: gaung sho: mae athao se' nug4 ko" i"?. – Airu: ai nho" ra" qug: phyag' sho: jhin: rure aje amyid mae kham: pye' ko" i"?. Gaigai yao: amyid avho: kaid' pye' genaeva"5 i"?. – Mo"so wa naonhaung" re Solo byid: mung: mug' pho: ve, lho mau" zo" naon- haung" re zaui" qhu" ru wa khang" dao: tarha" cao" pyang" yang: i"? mangaid: lao" ngaui bau: lau dao: the' gyo: mung: lam"6 geyang: ngaid: i"?. – Abraham wa Mo"so re lam" jang" ra" mathao mae yao: wa dang main: yaug ngaid: ga: mho qhug' va".7 Aimung: lam" jang" ra" mo, wa Abra- ham: yao: zo: qe ngaid: ra" ga" akhyo re ba8 beim: ge, . – Airu: mung: Mo"so wa lam" jang" khyo khyo" byumyu" cao jab re dang main: nhao nae" ga: byu: myao: to: mung: ni" mathao mae byumyu" cao jab wa khyao kham khyao khae: qo" yu genae" ga" ra"9 lau dao: re ta" kyo: byid: va". – Abraham wa lam jang" ru: yang min qo" khae: yu: ra".Aimung: lam jang" ra" mo, alhab' wa Abraham re" ru: min qo" genae" ga: ta" ra".10 Khang" dao: tarha" re ngha: na: ra" mo, alhab' wa nhang: kheim: we' tin" ako". Khoru: ga" re khang" dao: tarha" re macao" pyang" ra" mo, yaug nge, wa nhang: kheim: phau: nae" ga: jham: dao: mae tung" to"11 ra". – Aimung: dang main" ra" yaug wa lam jang" myid: yang daui: na: li" nae" ga:12 tung" to" ra". – Khang" dao: tarha" wa lam khug khyo we' matin: .Khang" dao: re cao" pyang" yaug wa ai: khang" dao: khyo" kao13 daui nae" ga: tung" to" ra". – Airu: mung: Mo"so: qhid' mae khang" dao" yang dang main" ru magai: qo" ga: ta" ra". Pyao: mae be; jin" qhug' ra" yaug wa Mo"so: nhang: kheim: zao" yaug ngaid: ra" ga: jham: mae tung" to" ru we' dakhyo: Khristu wa nyhao: nhaung" tau: mae" nhang: kheim: zao" yaug boe" mung: khang" dao: tarha" nhain: kheim: khug mae" nyhao: nhaung" re lhoe' yu byid: va".14 Khoru: ga" re Abraham qo" khae: yu: ra" Min wa Khristu khyo" yang taungbug byumyu" qe mae qo" yu: ru ngaid: ra". Aimung: nyhao:nhaung" wa lam jang" myid khyo" yang Mo"so byid' ra" Solo15 re qo" khae: yu nae" ngaid: ra". – Mao: nhaung" qe we" Sosu byu shaid' khyo" ngo ta" nae". Byu mae lao" re: dao: so: jao dang yu: to: va" rure laung: re: magai: ke' laung: , phyo' re: magai: phyo' lo: ngaid:16 ra". – Mo"so wa dao: so: re Abraham we' yao" zo: myid: qere byid' to: va". Ai: zo: myid: qe ga: ta" ru wa byu myo: sho' re ta" ru mangaid: dayaug re za: qang yang: ta" ru ngaid: ra". Ai: dayaug wa Khristu ngaid:17 ra". – Ngo ta" nug: ru wa Khristu re qang yang: ta" to" ra" dao: so: zin na byid yo: sam xe lai thao mae qo" yu: ra" khang" dao: tarha" yang maqo" phyo' dao: so: wa aseim18 magai: boe" nhao ngaid: ra". – Pe" mung: ein: re Mo"so byid' ra" Ma wa khang" dao: tarha" we' matin: .Mo"so wa dao: so: khyo" yang Abraham re ai: Ma byid' ru ngaid: .19 Aimung: khang" dao: tarha" wa pe" nam re mho nug: ru ngaid: ra"?. Dao: so: to" ra" akhyo re myid: zag: ci: ra" akaung aboe: joe" li" nae" ayo, joe" sho' agyo: mae shaid' nghung" rure qhu" byid: nae" tau: byid' to" ru za: ngaid: ra". Ai: khang" dao: tarha" wa Abraham: zo: myid: joe" li" sho' za: jo; jo, zai ngaid: . Ai: khang" dao: re mug: logyo: qe yang agyo: mae ta" qham byid' ra" byu dayaug: lo, khyo" yang byid' ke' ru ngaid:20 ra". – Ngaid qere: ta" qham byid: su wa dathao khyo mae" za: mangaid: ngaid: ra".21 Mo"so kam" wa dathao ngaid: ra".– Airu: mung: khang" dao: tarha" wa Mo"so: dao: so: we' tug' shai" ra" i"?mashai" ngaid: ra". Kao daui: ra" khang" dao: tarha" byid' ru dang: ngaid: re gai gai: yao: ai: tarha" khyo"22 yang dang main" ru qhug' nae". – Ana" kam" lam jang" ra" mo, wa Yesu Khristu re lam khug nae" we' tin" ra" dao: so: re qo" khae: yu nae" tau: jham: mung dao: wa byu alhab' re qobo: agyid' mae taui" to" ra".23 Ai: lam khug: ra" akhyo mathug' li" shi" re khang" dao: tarha" wa lao" na mung: ai: au: nyhao: nhaung" wa thao re she, the' myao: ra" lam khug: khyo re myid: nghae"24 mung: ai: mae qaung" to" ra".– Airu: mung: nyhao:nhaung" wa lam jang" ra" khyo" yang dang main" ra" shaid' khyo joe" nae" tau: mae khang" dao: tarha" wa nyhao:nhaung" re Khristu jhao" jhui" dai"25 byid' ra" mho" au: she boe" va". – Ana" wa lam khug nae" akhyo joe" va" ru mung: ai:khang" dao: tarha" akhug mae" loe, beim: bam va".26 Khoru: mung: ga" re naonhaung" alhab' wa Yesu Khristu mae lam jang" veko" ru mung: Mo"so: zo: dau qe ngaid veko". –27 Khristu mae Babtizan: khae: yu va" mo, alhab' wa Khristu re tau: ve; ci mo, ngaid:28 ra". – Khristu khug mae Yuda byu , Helini byu , jeim , byu jain" , yaug gai , myiqe: , ga: kho' khaui" ru majo, . Ai: AsAng mae naonhaung" wa dadang: dajham za: ngaid29 veko". – Khristu we' tin" ra" mo, ngaid gelao" wa Abraham: zo: myid: qe ngaid veko" ru mung: Mo"so byid' to" ra" Ma re khae: yu nae" mo, ngaid: ako".