1 Khristu wa nyhao: nhaung" re loe; beim nhao va" ru: yang nyhao: nhaung" wa loe; beim mo, ngaid: bam va". Ai mung: jeim qe vin: ra" dao kang re dam: vo, yang: jeim dadoe, lo: ge, .2 Tae" gyo: ge, naonhaung" wa nyaug phyid' ru khae: yu ko" ngaid: re Khristu khyo" yang pe" so' ha" re: maqo" genae" ein: ngo Po"lu wa naonhaung" re lhaung"3 ta" kyo: va". – Nyaug phyid' khae: yu: ra" mo, re ngo dalhang dam: mho nug: ru wa, ai bam wa khang" dao: tarha" re cao" pyang" nae" jhin de, mo, ngaid: ako". –4 Khang" dao: tarha" mae dang main: nug ko" ra" mo, naonhaung" wa Khristu we' gao" lin: byaug veko" mung: Mo"so: jeju taung gaung shaid' mae na: ra" mo, ngaid:5 ako". – Ngonhaung" kam" wa lam jang" ra" khyo" yang dang main" ra" khyo joe" ein: myid: nghae" jeju jham re solo khyo" yang6 lao" na: bam: . – Pe" mung: ein: re Khristu khug mae ngaid lao" wa nyaug phyid' ru maphyid' ru wa pe" yhau: magyin: . Yhau: gyin" ru wa jhid' de, kao taui" myid khyo" lo, qaug mau" zaui" qhu" ra" lam khug:7 nhag' myid ngaid: ra". – Naonhaung" wa aung doe; ra" khyo" kao daui: lo veko". Ai: dang main" ra" khyo mae" naonhaung" re khag' yang ju" phyo' tam" pye' ko" i"?.8 Ai: ju" phyo' ru wa naonhaung" re khai: yu: ra" Mo"so khyo" yang boe" nhao:9 ru mangaid: ngaid: ra". – Main" phaui: dajhid' zo: wa cinmain" dabam: geim" re10 qo" baung" bai" li" nhao: ra". – Naonhaung" wa nhag' myid gegyo gyo maboe" genae" ein: naonhaung" akhyo re AsAng: khug mae ngo myid: ra".Naonhaung" re kaung: kag' ju" phyo' yaug wa yao" qobo dae phau:11 veshao:. – Ana" nga" mao: nhaung: qe we" ngo wa nyaug phyid' khyo re khae: yu qo: ra" ein: cao" hau" ngaid: re wa pe" mung: ngo yhin" ru qhug' na shi" ra" i"?. Airu: ta" hau" ngaid: re wa pyao: zang dao mae" aqho' aqhid re jhaid' za: qab: khyo"pye' ru ngaid:12 ra". – Naonhaung" re myid myo: nhao: ra" mo, wa yao: yao" gaung re zhe' pye' ko" re wa je: gai genae" ein: ngo myid: ra".13 Mao: nhaung: qe we" naonhaung" wa loe; beim: ru qhug' va" mo, ngaid: ako". Ai: loe; beim: ra" akho: akhang" re gaung sho" tau: daci ge, Ai: atha" jhid' de; myid14 we' yao: cao: jho" bao" thaug' na ge, . – Ni" yham kyo: cao: re ni" gaung re" ru: jhid' de, wa, ga" dao: kheim: cao" pyang" lao" wa khang" dao: alhab' re cao" pyang" ru we'15 daqi" za: ngaid: ra". – Airu: mangaid: lao" yao: cao: yao: jho" phyo' zo: ko" re wa yao: cao: jho" phyo' qheim" pye' ru boe" genae" rure lha" ge, .16 Ngo mho nug: ru wa naonhaung" shao- gyang" Solo khyo shid' ra" khyo" kao daui ge, Alao" naonhaung" gaung sho: o: rure naonhaung" macao" lo: qo" na genae". –17 Pe" mung: ein: re shao gyang" Solo we' gaung sho: o: ru wa tug' shai" ako". Airu: mung: naonhaung" cao" nug: ra" ja: re18 maqo" cao" ngaid ko" ra".– Naonhaung" Solo khyo" jhui" ra" khyo: cao" ko" ngaid: re khang" dao: tarha" khug mae mana lo:19 ko" ngaid: ra". – Gaung sho: mau" zo" wa de: de: za: ngaid: ra". Ai: gu: wa su: myi: lao shaid' ru , nyain: vho" ru , phavae mau"20 shove, ze: ru, mhin: ru – Alho re goe; pa" ru , vha" ru , nhung: ru , nhag' jam: yo" ru , gye kaid' ru , jho" mai qhi" ru , jho" ngag; ru , nhag' myid majho" zhaung"21 ru , phung: kho' ru – Byu se' ru , zo" yid shaug' yid: ru , su zai re myid nug' ru , poe kaid' ru jham ngaid: ra". Airu: zaui: so" ra" ave, bo mo , wa Mo"so: mang: din" Ma re maqo" the' khae: yu nae" ein: mho: lo va"22 we' dakhyo: ana" re: dam: ta" ra". – Shao gyang" Solo: ashi: wa jhid' de; ru , ngaui bau" ru , yaug yo: ru , nhag' lam: qhang:23 ru , jeju ba: kaid' ru , vin tang" ru – dang jhaug' nau" nhae" ru phavae mau" re zang: qhao" ru jham ngaid: ra". Airu" mau" zo"24 re qo" tam" pye' nae" tarha" majo, . – Yesu Khristu we' tin" ra" mo, wa gaung sho" myid we' gaung sho: shaid' khyo" kao bau myid: o: ra" jham alhab' re pyao: zang mae be; jin" pye' aveko".25 Ai ru: mung: nyhao: nhaung" wa Solo mae daui: na: ngaid: re Solo re" khyo: kao26 daui gelang: . – Nyhao: nhaung" wa yao: yao" gaung re phug: ra" khyo" mangaid: lo: dayaug we' dayaug pyi majho" qho lo: yao: cao: yao: re: myid majho" nug: lo: za: zam" na: ye: gelang: .